കണ്ണൂർ-കൂത്തുപറമ്പ് റൂട്ടിൽ നാളെ മുതൽ ഗതാഗത നിയന്ത്രണം

കണ്ണൂർ: മൂന്നാംപാലം പുനർനിർമാണത്തിന്റെ ഭാഗമായി കണ്ണൂർ-കൂത്തുപറമ്പ് റൂട്ടിൽ ചൊവ്വാഴ്ച മുതൽ ഗതാഗത നിയന്ത്രണം. കണ്ണൂരിൽനിന്ന് കൂത്തുപറമ്പിലേക്ക് വരുന്ന ചരക്കുവാഹനങ്ങളും നീളം കൂടിയ വാഹനങ്ങളും ചാല സ്‌കൂൾ ഭാഗത്തുനിന്ന് ഇടത്തോട്ട് തിരിഞ്ഞ് ചാല-തന്നട-പൊതുവാച്ചേരി-ആർ.വി മെട്ട-മൂന്നുപെരിയ വഴി കണ്ണൂർ -കൂത്തുപറമ്പ് റോഡിൽ പ്രവേശിക്കണം. കൂത്തുപറമ്പിൽനിന്ന് കണ്ണൂരിലേക്ക് വരുന്ന വാഹനങ്ങൾ മൂന്നുപെരിയയിൽനിന്ന് ഇടത്തോട്ട് തിരിഞ്ഞ് പാറപ്രം-മേലൂർക്കടവ് -കാടാച്ചിറവഴി കണ്ണൂരിലേക്ക് പോകണം. മറ്റു വാഹനങ്ങൾക്ക് മൂന്നാംപാലത്തെ സമാന്തര റോഡ് വഴി പോകാം.