തീനാളം കവർന്നത് 16 ഭിന്നശേഷിക്കാർ നെയ്തെടുത്ത സ്വപ്നങ്ങൾ

ത​ളി​പ്പ​റ​മ്പ്: ക​ട​മു​റി ക​ത്തി​യെ​രി​യു​മ്പോ​ൾ ഉ​ള്ളു​രു​കി തേ​ങ്ങി​യ കു​റ​ച്ചു പേ​ർ ഇ​വി​ടെ​യു​ണ്ട്. 16 ഭി​ന്ന​ശേ​ഷി​ക്കാ​ർ. ത​ളി​പ്പ​റ​മ്പി​ലെ ഭ​യാ​ന​ക​മാ​യ തീ​പി​ടി​ത്ത​ത്തി​ല്‍ ഷാ​ലി​മാ​ര്‍ സ്റ്റോ​ര്‍ പൂ​ര്‍ണ​മാ​യും ക​ത്തി​യ​മ​ര്‍ന്ന​പ്പോ​ള്‍ അ​നാ​ഥ​രാ​ക്ക​പ്പെ​ട്ട​ത് ഇ​വി​ടത്തെ തൊ​ഴി​ലാ​​ളി​ക​ളാ​യ ഭി​ന്ന​ശേ​ഷി​ക്കാ​രാ​യി​രു​ന്നു. ജീ​വി​ത​ത്തി​ന്റെ പു​റ​മ്പോ​ക്കു​ക​ളി​ൽ ഒ​തു​ങ്ങു​മാ​യി​രു​ന്ന ഒ​രു കൂ​ട്ടം മ​നു​ഷ്യ​ര്‍ക്ക് സ്വ​പ്നം കാ​ണാ​നു​ള്ള ചി​റ​ക് ന​ല്‍കി​യ​ത് ഈ ​സ്ഥാ​പ​ന​മാ​യി​രു​ന്നു. ച​രി​ത്ര​ത്തി​ലെ ഏ​റ്റ​വും ആ​ദ​ര​ണീ​യ​വും ശ്ര​ദ്ധേ​യ​വു​മാ​യ ചു​വ​ടു​വെ​പ്പി​ന് തു​ട​ക്കം കു​റി​ച്ച​ത് ഷാ​ലി​മാ​ര്‍ ഉ​ട​മ​യാ​യ എം.​പി. സ​ലാ​മാ​യി​രു​ന്നു.

ഭി​ന്ന​ശേ​ഷി​ക്കാ​രാ​യ ആ​ളു​ക​ള്‍ക്ക് ജോ​ലി ന​ല്‍കു​ക​യെ​ന്ന​താ​യി​രു​ന്നു അ​ത്. അ​വ​രു​ടെ ശേ​ഷി പ​രി​ഗ​ണി​ക്കാ​തെ സ്വ​ന്ത​മാ​യി വ​രു​മാ​ന​മു​ണ്ടാ​ക്കാ​ന്‍ ക​ഴി​യു​ന്ന തൊ​ഴി​ലി​ല്‍ പ്രാ​പ്ത​രാ​ക്കു​ക​യാ​യി​രു​ന്നു ല​ക്ഷ്യം. സ​ലാ​മി​ന്റെ അ​കാ​ല മ​ര​ണ​ത്തെ​ത്തു​ട​ര്‍ന്ന് സ്ഥാ​പ​ന​ത്തി​ന്റെ ഉ​ത്ത​ര​വാ​ദി​ത്ത​മേ​റ്റെ​ടു​ത്ത സ​ഹോ​ദ​ര​ങ്ങ​ളാ​യ മൊ​യ്തീ​നും മു​ഹ​മ്മ​ദ് ബ​ഷീ​റും സ​ലാ​മി​ന്റെ മ​ക​ന്‍ സി.​പി. ഷ​മ​ലും അ​തേ​പാ​ത പി​ന്തു​ട​ര്‍ന്ന​തോ​ടെ ഒ​രു​പ​റ്റം ഭി​ന്ന​ശേ​ഷി​ക്കാ​രാ​യ യു​വാ​ക്ക​ള്‍ക്ക് ജീ​വി​ത വി​ജ​യ​ത്തി​നാ​ണ് വ​ഴി​യൊ​രു​ങ്ങി​യ​ത്.

ഭി​ന്ന​ശേ​ഷി​ക്കാ​രാ​യ ഈ ​ജീ​വ​ന​ക്കാ​രു​ടെ വ​രു​മാ​നം നി​ര​വ​ധി കു​ടും​ബ​ങ്ങ​ളു​ടെ അ​ന്ന​മാ​യി​രു​ന്നു. ഒ​പ്പം അ​വ​രു​ടെ നി​റ​മു​ള്ള സ്വ​പ്ന ലോ​ക​ത്തി​ന്റെ വ​ഴി​യും. അ​തി​നാ​ല്‍ ഷാ​ലി​മാ​റി​നെ തീ ​നാ​ള​ങ്ങ​ള്‍ വി​ഴു​ങ്ങി​യ​തോ​ടെ ഉ​ട​മ​ക​ളോ​ടൊ​പ്പം ഭി​ന്ന​ശേ​ഷി​ക്കാ​രാ​യ തൊ​ഴി​ലാ​ളി കു​ടും​ബ​ങ്ങ​ളും ആ​ശ​ങ്ക​യി​ലാ​ണ്. പ​ല ര​ക്ഷി​താ​ക്ക​ളും മൊ​യ്തീ​നെ​യും മു​ഹ​മ്മ​ദ് ബ​ഷീ​റി​നെ​യും വി​ളി​ച്ച് സ​ങ്ക​ട​മ​റി​യി​ക്കു​ക​യാ​യി​രു​ന്നു. ആ​യു​സ്സി​ലെ സ്വ​പ്നം ക​ത്തി​യ​മ​ര്‍ന്ന​തി​ന്റെ വേ​ദ​ന ഉ​ള്ളി​ലൊ​തു​ക്കി വ​രു​മാ​നം ന​ഷ്ട​പ്പെ​ടി​ല്ലെ​ന്ന് അ​വ​ർ​ക്ക് ഉ​റ​പ്പ് ന​ല്‍കു​ക​യാ​ണ് ഇ​രു​വ​രും. കീ​ഴാ​റ്റൂ​ര്‍ റോ​ഡി​ലെ പു​തി​യ സ്ഥാ​പ​ന​ത്തി​ലു​ള്‍പ്പെ​ടെ പ​ക​രം ജോ​ലി ന​ല്‍കാ​നാ​ണ് ഷാ​ലി​മാ​ര്‍ അ​ധി​കൃ​ത​ര്‍ ശ്ര​മി​ക്കു​ന്ന​ത്.

ഞാ​റ്റു​വ​യ​ലി​ലെ പി. ​ബ​ദ​റു​ദ്ദീന്‍ 40 വ​ര്‍ഷ​ത്തോ​ള​മാ​യി ഷാ​ലി​മാ​റി​ന്റെ സ​ന്ത​ത സ​ഹ​ചാ​രി​യാ​ണ്. സ്ഥാ​പ​ന​ത്തി​ലെ മൂ​ന്നാം നി​ല​യി​ല്‍ പ്ര​വ​ര്‍ത്തി​ക്കു​ന്ന സ​ര്‍വി​സ് വി​ഭാ​ഗ​ത്തി​ന്റെ മേ​ല്‍നോ​ട്ടം ബ​ദ​റു​ദ്ദീ​നാ​യി​രു​ന്നു. 1986 മു​ത​ലു​ള്ള വ​രു​മാ​ന മാ​ര്‍ഗ​മാ​ണ് ബ​ദ​റു​ദ്ദീ​ന് ഷാ​ലി​മാ​ര്‍.

24 മു​റി​ക​ളി​ലാ​യാ​ണ് മൂ​ന്ന് നി​ല കെ​ട്ടി​ട​ത്തി​ല്‍ ഷാ​ലി​മാ​ര്‍ പ്ര​വ​ര്‍ത്തി​ക്കു​ന്ന​ത്. ആ​ദ്യ​ഘ​ട്ട​ത്തി​ല്‍ പു​ക വ്യാ​പി​ക്കാ​ന്‍ തു​ട​ങ്ങി​യ​തോ​ടെ ത​ന്നെ ജീ​വ​ന​ക്കാ​രെ​യും ഉ​പ​ഭോ​ക്താ​ക്ക​ളെ​യും സ്ഥാ​പ​ന​ത്തി​ല്‍ നി​ന്ന് മാ​റ്റി​യി​രു​ന്നു. ബാ​ഗും ഫോ​ണും ഉ​ള്‍പ്പെ​ടെ ഉ​പേ​ക്ഷി​ച്ചാ​ണ് ഇ​വ​ര്‍ ജീ​വ​നും കൊ​ണ്ട് ഇ​റ​ങ്ങി​യോ​ടി​യ​ത്. പ​ത്ത് മി​നി​റ്റ് മു​മ്പ് എ​ത്തി​ച്ച പു​തി​യ സ്റ്റോ​ക്കു​ള്‍പ്പെ​ടെ സ്ഥാ​പ​നം പൂ​ര്‍ണ​മാ​യി ക​ത്തി​ന​ശി​ച്ചി​ട്ടു​ണ്ട്. ര​ണ്ട് കോ​ടി​യി​ല​ധി​കം രൂ​പ​യു​ടെ ന​ഷ്ടം സം​ഭ​വി​ച്ച​താ​യാ​ണ് പ്രാ​ഥ​മി​ക വി​ല​യി​രു​ത്ത​ല്‍. ദി​ന്ന​ശേ​ഷി​ക്കാ​ർ​ക്ക് തൊ​ഴി​ൽ ന​ൽ​കി​യ​തി​ന്ന് സം​സ്ഥാ​ന സ​ർ​ക്കാ​റി​ന്റെ പു​ര​സ്കാ​രം നേ​ര​ത്തെ ഷാ​ലി​മാ​റി​നെ തേ​ടി​യെ​ത്തി​യി​രു​ന്നു.