തലശ്ശേരി ജൂബിലി റോഡിൽ വാരിക്കുഴികൾ

ത​ല​ശ്ശേ​രി: ന​ഗ​ര​ത്തി​ൽ പ്ര​ധാ​ന വാ​ണി​ജ്യ​കേ​ന്ദ്ര​മാ​യി മാ​റു​ന്ന ജൂ​ബി​ലി റോ​ഡി​ന്റെ ദു​രവ​സ്ഥ​യാ​ണ് ഈ ​ചി​ത്ര​ങ്ങ​ൾ. കോ​ഴി​ക്കോ​ട് ഭാ​ഗ​ത്തേ​ക്കു​ള്ള ബ​സു​ക​ൾ ഉ​ൾ​പ്പെടെ​യു​ള്ള വാ​ഹ​ന​ങ്ങ​ൾ പോ​കു​ന്ന പാ​ത​യി​ൽ യാ​ത്ര അ​നു​ദി​നം ദു​രി​ത​പൂ​ർ​ണ​മാ​ണ്. ഡൗ​ൺ ടൗ​ൺ മാ​ളി​നും യ​തീം​ഖാ​ന​ക്കു​മി​ട​യി​ലെ 15 മീ​റ്റ​റി​നു​ള​ളി​ൽ വ​ലി​യ വാ​രി​ക്കു​ഴി​ക​ളാ​ണ് റോ​ഡി​ൽ വാ​ഹ​ന​ങ്ങ​ൾ​ക്ക് ഭീ​ഷ​ണി​യാ​യി മാ​റി​യ​ത്. മ​ഴ പെ​യ്യു​മ്പോ​ൾ ച​ളി​ക്കു​ള​മാ​ണെ​ങ്കി​ൽ മ​റ്റു സ​മ​യ​ങ്ങ​ളി​ൽ പൊ​ടി​പൂ​ര​മാ​ണി​വി​ടെ. റോ​ഡി​ന്റെ ദു​ര​വ​സ്ഥ​യി​ൽ ദി​വ​സ​വും ശ്വാ​സ​കോ​ശ സം​ബ​ന്ധ​മാ​യ രോ​ഗ​ങ്ങ​ൾ​ക്ക് അ​ടി​മ​ക​ളാ​വു​ക​യാ​ണെ​ന്ന് വ്യാ​പാ​രി​ക​ൾ പ​റ​യു​ന്നു.

പി.​ഡ​ബ്ല്യു.​ഡി ന​ഗ​ര​സ​ഭ​ക്ക് കൈ​മാ​റി​യ റോ​ഡാ​ണി​ത്. എ​ന്നാ​ൽ, റോ​ഡി​ന്റെ അ​റ്റ​കു​റ്റ​പ്പ​ണി നീ​ളു​ന്ന​തി​നാ​ൽ വ്യാ​പാ​രി​ക​ൾ​ക്കും വാ​ഹ​ന​മോ​ടി​ക്കു​ന്ന​വ​ർ​ക്കും ബു​ദ്ധി​മു​ട്ട​നു​ഭ​വ​പ്പെ​ടു​ക​യാ​ണ്. ആ​ഗ​സ്റ്റ് 31 നാ​ണ് ടാ​റി​ങ് മി​ക്സ് ഉ​പ​യോ​ഗി​ച്ച് കു​ഴി അ​വ​സാ​ന​മാ​യി അ​ട​ച്ച​ത്. ഇ​ത് ഒ​രാ​ഴ്ച​ക്ക് ശേ​ഷം ഒ​റ്റ​മ​ഴ​യി​ൽ ഒ​ലി​ച്ചു പോ​വു​ക​യാ​ണു​ണ്ടാ​യ​തെ​ന്ന് പ​രി​സ​ര​ത്തെ വ്യാ​പാ​രി​ക​ൾ പ​റ​ഞ്ഞു.

ഡൗ​ൺ ടൗ​ൺ മാ​ളി​ന് മു​ന്നി​ൽ കോ​ഴി​ക്കോ​ട് ഭാ​ഗ​ത്തേ​ക്കു​ള്ള വാ​ഹ​ന​ങ്ങ​ൾ തി​രി​യു​ന്നി​ട​ത്താ​ണ് റോ​ഡി​ന് ന​ടു​വി​ലാ​യി വ​ലി​യ കു​ഴി​യു​ള​ള​ത്. ഇ​വി​ടെ ക​ല്ലു​ക​ൾ ചു​റ്റു​പാ​ടു​മാ​യി ചി​ത​റി​ക്കി​ട​ക്കു​ക​യാ​ണ്. യ​തീം​ഖാ​ന പ​രി​സ​ര​ത്ത് റോ​ഡി​ന്റെ വ​ലി​യൊ​രു ഭാ​ഗം ഉ​ഴു​തു​മ​റി​ച്ച അ​വ​സ്ഥ​യി​ലാ​ണ്. മ​ഴ പെ​യ്യു​മ്പോ​ൾ റോ​ഡി​ലെ കു​ഴി​ക​ൾ തി​രി​ച്ച​റി​യാ​നാ​വാ​ത്ത അ​വ​സ്ഥ​യി​ലാ​ണ്.

റോ​ഡ് ന​വീ​ക​ര​ണ സ​മ​യ​ത്ത് മു​മ്പ​ത്തേ​ക്കാ​ൾ ഉ​യ​ർ​ത്തി​യ​താ​യി​രു​ന്നു. എ​ന്നാ​ൽ, പ്ര​ത​ലം നേ​രെ​യാ​ക്ക​ാത്ത​തി​നാ​ൽ ഭാ​ര​മു​ള്ള വാ​ഹ​ന​ങ്ങ​ൾ പോ​കു​ന്ന സ​മ​യ​ത്ത് ടാ​റി​ങ് ഇ​ള​കി ഇ​പ്പോ​ൾ കാ​ണു​ന്ന പ​രു​വ​ത്തി​ലാ​വു​ക​യാ​യി​രു​ന്നു. ചെ​റി​യ രീ​തി​യി​ൽ പൊ​ട്ടി​യ ഇ​ട​ങ്ങളിലെ​ല്ലാം മെ​റ്റ​ലി​ള​കി ഗ​ർ​ത്തം രൂ​പ​പ്പെ​ട്ടു. പൊ​ടി​പ​ട​ല​മു​ള്ള​തി​നാ​ൽ നേ​രെ​ചൊ​വ്വ വ്യാ​പാ​രം ന​ട​ത്താ​ൻ സാ​ധി​ക്കു​ന്നി​ല്ലെ​ന്നാ​ണ് വ്യാ​പാ​രി​ക​ളു​ടെ പ​രി​ഭ​വം.

അ​പ​ക​ട​ങ്ങ​ൾ നി​ര​വ​ധി

റോ​ഡി​ലെ കു​ഴി​യി​ൽ താ​ണ് നി​ര​വ​ധി വാ​ഹ​ന​ങ്ങ​ൾ അ​പ​ക​ട​ത്തി​ൽ​പെ​ട്ട​താ​യി ജൂ​ബി​ലി റോ​ഡി​ൽ ഡ്യൂ​ട്ടി ഫ്രീ ​ഷോ​പ് ന​ട​ത്തു​ന്ന ഇ.​ടി. സ​നീ​ഷ് പ​റ​ഞ്ഞു. ഇ​രു​ച​ക്ര വാ​ഹ​ന​ങ്ങ​ളി​ൽ യാ​ത്ര ചെ​യ്യു​ന്ന​വ​രാ​ണ് കൂ​ടു​ത​ലും അ​പ​ക​ട​ത്തി​ൽ​പെ​ട്ട​ത്. ഒ​രു യു​വ​തി​യും മ​റ്റൊ​രി​ക്ക​ൽ കു​ടും​ബ​വും സ​ഞ്ച​രി​ച്ച ഇ​രു​ച​ക്ര വാ​ഹ​ന​ങ്ങ​ൾ കു​ഴി​യി​ൽ വീ​ണ​താ​യി സ​നീ​ഷ് പ​റ​ഞ്ഞു. രാ​ത്രി​യും പ​ക​ലു​മാ​യി ഡ​സ​നി​ലേ​റെ വാ​ഹ​ന​ങ്ങ​ൾ കു​ഴി​യി​ൽ തെ​ന്നി​വീ​ണ​താ​യി സ​മീ​പ​വാ​സി​ക​ൾ പ​റ​ഞ്ഞു. ഭാ​ഗ്യം കൊ​ണ്ടു മാ​ത്ര​മാ​ണ് പ​ല​രും ര​ക്ഷ​പ്പെ​ട്ട​ത്. രാ​ത്രി​കാ​ല​ങ്ങ​ളി​ൽ റോ​ഡി​ലെ വെ​ളി​ച്ച​ക്കു​റ​വും അ​പ​ക​ട​ങ്ങ​ൾ​ക്ക് വ​ഴി​യൊ​രു​ക്കു​ന്നു.

മ​ഴ മാ​റി​യാ​ൽ പ​ണി തു​ട​ങ്ങും-കെ.​എം. ജ​മു​നാ​റാ​ണി (ത​ല​ശ്ശേ​രിന​ഗ​ര​സ​ഭ ചെ​യ​ർ​പേ​ഴ്സ​ൻ)

ഇ​ട​ക്കി​ടെ​യു​ള്ള മ​ഴ കാ​ര​ണ​മാ​ണ് ജൂ​ബി​ലി റോ​ഡി​ന്റെ അ​റ്റ​കു​റ്റ​പ്പ​ണി നീ​ണ്ടു​പോ​വു​ന്ന​ത്. മ​ഴ​യ​ത്ത് ന​ട​ത്തി​യ പ്ര​വൃ​ത്തി​യെ​ല്ലാം പാ​ഴാ​യി. മ​ഴ മാ​റി​യാ​ലു​ട​ൻ റോ​ഡി​ൽ ടാ​റി​ങ് ന​ട​ത്തി കു​റ്റ​മ​റ്റ​താ​ക്കും.

അ​ധി​കൃ​ത​ർ ഉ​ണ​ര​ണം

ത​ല​ശ്ശേ​രി ന​ഗ​ര​ത്തി​ലെ പ്ര​ധാ​ന വാ​ണി​ജ്യ​കേ​ന്ദ്ര​മെ​ന്ന നി​ല​യി​ലും തി​രു​വ​ന​ന്ത​പു​രം വ​രെ​യു​ള്ള വാ​ഹ​ന​ങ്ങ​ൾ സ​ഞ്ച​രി​ക്കു​ന്ന​തു​മാ​യ ജൂ​ബി​ലി റോ​ഡി​ന്റെ ദു​ര​വ​സ്ഥ​ക്ക് ശാ​ശ്വ​ത പ​രി​ഹാ​രം കാ​ണ​ണം. റോ​ഡി​ന്റെ ശോ​ച്യാ​വ​സ്ഥ മാ​സ​ങ്ങ​ളേ​റെ​യാ​യി​ട്ടും പ​രി​ഹ​രി​ക്കാ​ത്ത​ത് പ്ര​തി​ഷേ​ധാ​ർ​ഹ​മാ​ണ്. അ​ധി​കൃ​ത​ർ ഇ​ക്കാ​ര്യ​ത്തി​ൽ ഉ​ണ​ർ​ന്നു പ്ര​വ​ർ​ത്തി​ക്ക​ണം- എ.​പി. അ​ജ്മ​ൽ (ജൂ​ബി​ലി റോ​ഡി​ലെ വ്യാ​പാ​രി)