മാഹിപ്പാലത്തിന്റെ ശോച്യാവസ്ഥ പരിഹരിക്കണം; നിവേദനം നൽകി

പു​തു​ച്ചേ​രി: മാ​ഹി​പ്പാ​ലം പു​തു​ക്കി​പ്പ​ണി​യ​ണ​മെ​ന്ന് ആ​വ​ശ്യ​പ്പെ​ട്ട് കേ​ന്ദ്ര ഉ​പ​രി​ത​ല ഗ​താ​ഗ​ത മ​ന്ത്രി നി​തി​ൻ ഗ​ഡ്കരി​ക്ക് പു​തു​ച്ചേ​രി എം.​പി വി. ​വൈ​ദ്യ​ലിം​ഗം നി​വേ​ദ​നം ന​ൽ​കി. ദേ​ശീ​യ​പാ​ത 66ലൂ​ടെ ക​ട​ന്നു​പോ​കു​ന്ന മാ​ഹി​യി​ൽ കു​ണ്ടും കു​ഴി​യും നി​റ​ഞ്ഞ പാ​ല​ത്തി​ന് മു​ക​ളി​ലൂ​ടെ​യു​ള്ള യാ​ത്ര ദു​ഷ്ക​ര​മാ​ണ്.

ഇ​ട​യ്ക്കി​ടെ അ​റ്റ​കു​റ്റ​പ്പ​ണി ന​ട​ത്തു​ന്നു​ണ്ടെ​ങ്കി​ലും ദി​വ​സ​ങ്ങ​ൾ​ക്കു​ള്ളി​ൽ പ​ഴ​യ​പ​ടി​യാ​വും. ഇ​ക്കാ​ര​ണ​ത്താ​ൽ മാ​ഹി​യി​ലും ന്യൂ​മാ​ഹി​യി​ലും രൂ​ക്ഷ​മാ​യ ഗ​താ​ഗ​ത​ക്കു​രു​ക്ക് പ​തി​വാ​ണ്.

വി​വി​ധ സം​ഘ​ട​ന​ക​ളും രാ​ഷ്ട്രീ​യ പാ​ർ​ട്ടി​ക​ളും പു​തി​യ പാ​ല​ത്തി​നാ​യി മു​റ​വി​ളി കൂ​ട്ടു​ന്നു​ണ്ടെ​ങ്കി​ലും ന​ട​പ​ടി​യു​ണ്ടാ​വു​ന്നി​ല്ല. തു​ട​ർ​ന്നാ​ണ് ക​ഴി​ഞ്ഞ ദി​വ​സം പു​തു​ച്ചേ​രി ലോ​ക​സ​ഭ എം.​പി. വി. ​വൈ​ദ്യ​ലിം​ഗം നി​തി​ൻ ഗ​ഡ്ക​രി​ക്ക് നി​വേ​ദ​നം ന​ൽ​കി​യ​ത്. ഏ​താ​നും ആ​ഴ്ച​ക​ൾ​ക്കു​ള്ളി​ൽ ക​മീ​ഷ​ൻ ചെ​യ്യാ​ൻ സാ​ധ്യ​ത​യു​ള്ള മാ​ഹി -മു​ഴ​പ്പി​ല​ങ്ങാ​ട് ബൈ​പാ​സ് മാ​ഹി​യി​ൽ നി​ന്ന് ഏ​ക​ദേ​ശം നാ​ല് കി.​മീറ്റ​ർ അ​ക​ലെ​യു​ള്ള പ​ള്ളൂ​രി​ലൂ​ടെ​യാ​ണ് ക​ട​ന്നു​പോ​കു​ന്ന​ത്.

1971ൽ ​പാ​ല​ത്തി​ന്റെ തൂ​ണു​ക​ൾ നി​ല​നി​ർ​ത്തി ഗ​ർ​ഡ​റു​ക​ൾ മാ​റ്റി മു​ക​ളി​ലെ പാ​ലം പു​ന​ർ​നി​ർ​മി​ച്ചു. മാ​ഹി​പ്പാ​ലം ബ​ല​പ്പെ​ടു​ത്തു​ന്ന​തി​നും ഗ​താ​ഗ​തം സു​ഗ​മ​മാ​ക്കു​ന്ന​തി​നു​മാ​യി നി​ര​വ​ധി ത​വ​ണ അ​റ്റ​കു​റ്റ​പ്പ​ണി​ക​ൾ ന​ട​ത്തി. എ​ന്നാ​ൽ, പാ​ല​ത്തി​ന്റെ ഇ​പ്പോ​ഴ​ത്തെ അ​വ​സ്ഥ പ​രി​താ​പ​ക​ര​മാ​ണ്.

ശോ​ച്യാ​വ​സ്ഥ​യി​ൽ പാ​ലം എ​പ്പോ​ൾ വേ​ണ​മെ​ങ്കി​ലും നി​ലം​പൊ​ത്തു​മെ​ന്ന ആ​ശ​ങ്ക​യു​ണ്ട്. വ​ട​ക്കേ മ​ല​ബാ​റി​ലെ പ്ര​ധാ​ന വി​നോ​ദ​സ​ഞ്ചാ​ര കേ​ന്ദ്ര​വും ബി​സി​ന​സ് കേ​ന്ദ്ര​വു​മാ​യ മാ​ഹി​യി​ലേ​ക്ക് വ​ട​ക്ക് ഭാ​ഗ​ത്ത് നി​ന്നു​ള്ള ഏ​ക പ്ര​വേ​ശ​ന​മാ​ർ​ഗ​വും ഈ ​പാ​ല​മാ​ണ്. നി​ല​വി​ലു​ള്ള പാ​ല​ത്തി​ന് സ​മാ​ന്ത​ര​മാ​യി പു​തി​യ പാ​ലം നി​ർ​മി​ക്ക​ണ​മെ​ന്ന​ത് ജ​ന​ങ്ങ​ളു​ടെ ഏ​റെ​ക്കാ​ല​ത്തെ ആ​വ​ശ്യ​മാ​ണ്.

അ​തോ​ടൊ​പ്പം സ്വാ​ത​ന്ത്ര്യ​സ​മ​ര​കാ​ലം മു​ത​ൽ ച​രി​ത്ര​സം​ഭ​വ​ങ്ങ​ൾ​ക്ക് സാ​ക്ഷ്യം വ​ഹി​ച്ച പാ​ലം ബ​ല​പ്പെ​ടു​ത്തി ച​രി​ത്ര​സ്മാ​ര​ക​മാ​യി സം​ര​ക്ഷി​ക്ക​ണ​മെ​ന്നും ആ​വ​ശ്യ​മു​യ​ർ​ന്നി​ട്ടു​ണ്ട്.

പാ​ലം ബ​ല​പ്പെ​ടു​ത്തു​ന്ന​തി​നും സ​മാ​ന്ത​ര​മാ​യി പു​തി​യ പാ​ലം നി​ർ​മി​ക്കു​ന്ന​തി​നും ആ​വ​ശ്യ​മാ​യ അ​ടി​യ​ന്ത​ര ന​ട​പ​ടി സ്വീ​ക​രി​ക്ക​ണ​മെ​ന്നും നി​വേ​ദ​ന​ത്തി​ൽ ആ​വ​ശ്യ​പ്പെ​ടു​ന്നു.