കഞ്ഞിക്കുഴി സർക്കാർ ആശുപത്രിയിൽ ഡോക്ടർമാരില്ല; ജനം ദുരിതത്തിൽ

ചെ​റു​തോ​ണി: ക​ഞ്ഞി​ക്കു​ഴി പ​ഞ്ചാ​യ​ത്തി​ലെ ജ​ന​ങ്ങ​ളു​ടെ ഏ​ക ആ​ശ്ര​യ​മാ​യ ക​ഞ്ഞി​ക്കു​ഴി ഗ​വ. ആ​സ്പ​ത്രി​യി​ൽ ആ​വ​ശ്യ​ത്തി​നു ഡോ​ക്ട​ർ​മാ​രും ജീ​വ​ന​ക്കാ​രു​മി​ല്ല. മൂ​ന്ന് സ്ഥി​ര ഡോ​ക്ട​ർ​മാ​രെ​ങ്കി​ലും വേ​ണ്ട സ്ഥാ​ന​ത്ത് ഒ​രാൾ മാ​ത്ര​മാ​ണു​ള്ള​ത്. വ​ർ​ക്ക് അ​റേ​ഞ്ച്മെ​ന്‍റി​ൽ ഒ​രു താ​ൽക്കാ​ലി​ക ഡോ​ക്ട​റു​ണ്ടെ​ങ്കി​ലും വ​ല്ല​പ്പോ​ഴു​മാ​ണെ​ത്തു​ന്ന​തെ​ന്ന് ജ​ന​ങ്ങ​ൾ പ​റ​യു​ന്നു.

ഉ​ച്ച​ക​ഴി​ഞ്ഞ് സേ​വ​ന​മി​ല്ലാ​ത്ത​തി​നാ​ൽ കി​ട​ത്തിച്ചി​കി​ത്സ​യും പാ​ളി. ഒ​രു ഡോ​ക്ട​ർ അ​വ​ധി​യി​ലാ​യാ​ൽ പ​ക​രം ഡോ​ക്ട​റി​ല്ലാ​ത്ത അ​വ​സ്ഥ​യാ​ണ്. 20 പേ​രെ കി​ട​ത്തിച്ചി​കി​ത്സി​ക്കാ​ൻ സൗ​ക​ര്യ​മു​ള്ള​കെ​ട്ടി​ട​മു​ണ്ട​ങ്കി​ലും ചി​കി​ത്സ ല​ഭി​ക്കാ​ത്ത​തി​നാ​ൽ കി​ട​പ്പുരോ​ഗി​ക​ളി​ല്ല.

ഇ​ടു​ക്കി ബ്ലോ​ക്ക്​ പ​ഞ്ചാ​യ​ത്തി​നു കീ​ഴി​ലാ​ണ് ആ​ശു​പ​ത്രി​യു​ടെ പ്ര​വ​ർ​ത്ത​ന​മെ​ങ്കി​ലും അ​വ​രും തി​രി​ഞ്ഞു നോ​ക്കാ​റി​ല്ല .18 വാ​ർ​ഡു​ള്ള പ​ഞ്ചാ​യ​ത്തി​ൽ പ​ത്തു വാ​ർ​ഡി​ലും കൂ​ടു​ത​ലും ആ​ദി​വാ​സി​ക​ളാ​ണ് വ​സി​ക്കു​ന്ന​ത്. ചി​കി​ത്സ തേ​ടി കി​ലോ​മീ​റ്റ​റു​ക​ൾ താ​ണ്ടി ഇ​വി​ടെ​യെ​ത്തു​മ്പോ​ൾ ഡോ​ക്ട​റി​ല്ല എ​ന്ന മ​റു​പ​ടി കേ​ട്ട് മ​ട​ങ്ങു​ക​യാ​ണ് പ​തി​വ്. ഇ​വി​ടെ ചി​കി​ത്സ ല​ഭ്യ​മാ​യി​ല്ലെ​ങ്കി​ൽ 30 കി​ലോ​മീ​റ്റ​ർ അ​ക​ലെ ഇ​ടു​ക്കി മെ​ഡി​ക്ക​ൽ കോ​ള​ജി​ലെ​ത്തി​യാ​ൽ മാ​ത്ര​മേ ഡോ​ക്ട​റെ കാ​ണാ​ൻ സാ​ധി​ക്കൂ. മെ​ഡി​ക്ക​ൽ കോ​ള​ജി​ലെ​ത്താ​നു​ള്ള പ​ണ​ച്ചെ​ല​വും ദു​രി​ത​വും മൂ​ലം പ​നി ബാ​ധി​ത​രും മ​റ്റ് രോ​ഗി​ക​ളും അ​ങ്ങോ​ട്ട് പോ​കാ​റി​ല്ല.

ആ​ശു​പ​ത്രി​യി​ൽ ആ​വ​ശ്യ​ത്തി​നു ജീ​വ​ന​ക്കാ​രു​മി​ല്ല. ആ​കെ​യു​ള്ള​ത് ര​ണ്ടോ മൂ​ന്നോ ന​ഴ്സുമാ​ർ മാ​ത്രം. ഇ​തി​ൽ ചി​ല​ർ അ​വ​ധി​യി​ലാ​യി​രി​ക്കും. മു​മ്പ് കി​ട​പ്പുരോ​ഗി​ക​ൾ​ക്ക് സ​ന്ന​ദ്ധ സം​ഘ​ട​ന​ക​ൾ മു​ഖേ​ന സ്ഥി​ര​മാ​യി ഉ​ച്ച​ഭ​ക്ഷ​ണം ന​ൽ​കി​യി​രു​ന്നു. ഇ​തു നി​ല​ച്ചി​ട്ടു വ​ർ​ഷം നാ​ല് ക​ഴി​ഞ്ഞു. കെ​ടു​കാ​ര്യ​സ്ഥ​ത മൂ​ലം വ​ല​ഞ്ഞ നാ​ട്ടു​കാ​ർ ആ​ശു​പ​ത്രി സം​ര​ക്ഷ​ണ സ​മി​തി രൂ​പവത്​ക​രി​ച്ചു. ആ​ശു​പ​ത്രി​യു​ടെ പ്ര​വ​ർ​ത്ത​നം ന​ല്ല നി​ല​യി​ൽ ന​ട​ക്കാ​ത്ത പ​ക്ഷം സ​മ​ര പ​രി​പാ​ടി​ക​ൾ ന​ട​ത്തു​മെ​ന്ന് സം​ര​ക്ഷ​ണ സ​മി​തി ഭാ​ര​വാ​ഹി​ക​ൾ പ​റ​ഞ്ഞു.