സർക്കാറിന്‍റെ അടിയന്തര ഇടപെടൽ വേണം; പതിനാറാംകണ്ടം ഗവ. ആശുപത്രി ‘അത്യാസന്ന’ നിലയിൽ

ചെ​റു​തോ​ണി: പ​തി​നാ​റാം​ക​ണ്ട​ത്ത്​ പ്ര​വ​ർ​ത്തി​ക്കു​ന്ന ഇ​ടു​ക്കി ബ്ലോ​ക്കി​നു കീ​ഴി​ലെ വാ​ത്തി​ക്കു​ടി പ​ഞ്ചാ​യ​ത്ത്​ ക​മ്യൂ​ണി​റ്റി ഹെ​ൽ​ത്ത് സെ​ന്‍റ​ർ അ​ത്യാ​സ​ന്ന നി​ല​യി​ൽ. ജീ​വ​ന​ക്കാ​രി​ല്ലാ​ത്ത​തി​നാ​ൽ പ്ര​തി​സ​ന്ധി രൂ​ക്ഷ​മാ​യ​തോ​ടെ ലാ​ബ്​ നി​ർ​ത്തി. ഫാ​ർ​മ​സി​യും പൂ​ട്ടി. അ​ഞ്ച് ഡോ​ക്ട​ർ​മാ​ർ ആ​വ​ശ്യ​മു​ള്ള ആ​ശു​പ​ത്രി​യി​ൽ ഇ​പ്പോ​ൾ മൂ​ന്നു പേ​ർ മാ​ത്ര​മാ​ണു​ള്ള​ത്. ഇ​തി​ൽ ഒ​രു ഡോ​ക്ട​റെ വ​ർ​ക്കി​ങ്​ അ​റേ​ഞ്ച്മെ​ന്‍റ്​ എ​ന്ന പേ​രി​ൽ സ്ഥ​ലം​മാ​റ്റി. ശേ​ഷി​ക്കു​ന്ന​വ​ർ ഏ​താ​നും മാ​സ​മാ​യി അ​വ​ധി​യി​ലാ​ണ്. വാ​ത്തി​ക്കു​ടി പ​ഞ്ചാ​യ​ത്ത് ക​രാ​ർ അ​ടി​സ്ഥാ​ന​ത്തി​ൽ നി​യ​മി​ച്ച ഒ​രു ഡോ​ക്ട​റാ​ണ് ഇ​പ്പോ​ഴു​ള്ള​ത്.

ഉ​ച്ച​ക്കു ശേ​ഷം ഒ.​പി പ്ര​വ​ർ​ത്തി​ക്കു​ന്നി​ല്ല. അ​തി​നി​ടെ ആ​ശു​പ​ത്രി​യി​ലെ ലാ​ബി​ലു​ണ്ടാ​യ അ​പ​ക​ട​ത്തെ​ത്തു​ട​ർ​ന്ന് പ​രി​ക്കേ​റ്റ ടെ​ക്നീ​ഷ​ൻ അ​വ​ധി​യി​ൽ പോ​യ​തോ​ടെ ലാ​ബ്​ പൂ​ട്ടേ​ണ്ടി വ​ന്നു. ഇ​വി​ടെ​യു​ണ്ടാ​യി​രു​ന്ന ഫാ​ർ​മ​സി​സ്റ്റ് അ​വ​ധി​യി​ൽ പോ​യ​തോ​ടെ ഫാ​ർ​മ​സി​യും പൂ​ട്ടി. നാ​ട്ടു​കാ​ർ പ​രാ​തി​പ്പെ​ട്ട​തി​നെ തു​ട​ർ​ന്ന് വ​ർ​ക്കി​ങ്​ അ​റേ​ഞ്ച്മെ​ന്‍റി​ൽ പൈ​നാ​വി​ൽ​നി​ന്ന് ഒ​രു ഫാ​ർ​മ​സി​സ്റ്റ് ആ​ഴ്ച​യി​ൽ ഒ​രു ദി​വ​സം വീ​തം എ​ത്തു​ന്നു​ണ്ട്. മൂ​ന്ന്​ പി.​എ​ച്ച്.​സി ന​ഴ്സു​മാ​രും ഒ​രു ഹെ​ഡ് ന​ഴ്‌​സും മാ​ത്ര​മാ​ണ് ആ​ശു​പ​ത്രി​യി​ലു​ള്ള​ത്. പ​ക​ർ​ച്ച​രോ​ഗ​ങ്ങ​ൾ വ​ർ​ധി​ച്ച​തോ​ടെ ദി​നം​പ്ര​തി ശ​രാ​ശ​രി ഇ​രു​നൂ​റി​ലേ​റെ രോ​ഗി​ക​ൾ ചി​കി​ത്സ തേ​ടി​യെ​ത്തു​ന്നു​ണ്ട്.

വാ​ത്തി​ക്കു​ടി, കാ​മാ​ക്ഷി, മ​രി​യാ​പു​രം പ​ഞ്ചാ​യ​ത്തു​ക​ളു​ടെ മ​ധ്യ​ഭാ​ഗ​ത്താ​യ​തി​നാ​ൽ ഈ ​പ​ഞ്ചാ​യ​ത്തു​ക​ളി​ൽ​നി​ന്നു​ള്ള രോ​ഗി​ക​ളു​ടെ ആ​ശ്ര​യ​മാ​ണ്​ ആ​ശു​പ​ത്രി. അ​ടി​യ​ന്ത​ര​മാ​യി സ​ർ​ക്കാ​ർ ഇ​ട​പെ​ട​ൽ ഉ​ണ്ടാ​യി​ല്ലെ​ങ്കി​ൽ വാ​ത്തി​ക്കു​ടി പ​ഞ്ചാ​യ​ത്തി​ലെ ഏ​ക ആ​തു​രാ​ല​യം താ​മ​സി​യാ​തെ അ​ന്ത്യ​ശ്വാ​സം വ​ലി​ക്കും.