തിരിഞ്ഞ​ുനോക്കാതെ അധികൃതർ; ദുരിതപാതകളായി ഗ്രാമീണ റോഡുകൾ

അ​ടി​മാ​ലി: വേ​ന​ൽ​മ​ഴ എ​ത്തി​യ​തോ​ടെ ഗ്രാ​മീ​ണ റോ​ഡു​ക​ളെ​ല്ലാം ത​ക​ർ​ന്നു. അ​ടി​മാ​ലി, മാ​ങ്കു​ളം, വെ​ള്ള​ത്തൂ​വ​ൽ, പ​ള്ളി​വാ​സ​ൽ, കൊ​ന്ന​ത്ത​ടി, ബൈ​സ​ൺ​വാ​ലി തു​ട​ങ്ങി ഹൈ​റേ​ഞ്ചി​ലെ ഭൂ​രി​ഭാ​ഗം പ​ഞ്ചാ​യ​ത്തു​ക​ളി​ലും ഗ്രാ​മീ​ണ റോ​ഡു​ക​ളി​ൽ ഭൂ​രി​ഭാ​ഗ​വും ത​ക​ർ​ന്നു കി​ട​ക്കു​ക​യാ​ണ്. ജ​ൽ ജീ​വ​ൻ മി​ഷ​ൻ കു​ടി​വെ​ള്ള പ​ദ്ധ​തി​യു​ടെ പ​ണി ന​ട​ക്കു​ന്ന പ്ര​ദേ​ശ​ങ്ങ​ളി​ലാ​ണ് ത​ക​ർ​ച്ച രൂ​ക്ഷം.

അ​ടി​മാ​ലി പ​ഞ്ചാ​യ​ത്തി​ലെ മെ​ഴു​കും​ചാ​ൽ-​ഇ​രു​ന്നൂ​റേ​ക്ക​ർ റോ​ഡി​ന്‍റെ അ​വ​സ്ഥ​യാ​ണ് ഏ​റെ പ​രി​താ​പ​ക​രം. മ​ച്ചി​പ്ലാ​വ് സ്കൂ​ൾ പ​ടി മു​ത​ൽ മ​ന്നാ​ങ്കാ​ല ജ​ങ്​​ഷ​ൻ വ​രെ ത​ക​രാ​ത്ത ഭാ​ഗ​ങ്ങ​ളി​ല്ല. റോ​ഡി​ലെ കു​ഴി​ക​ളി​ൽ​പെ​ട്ട്​ ബൈ​ക്ക്, ഓ​ട്ടോ എ​ന്നി​വ മ​റി​യാ​ത്ത ദി​വ​സ​ങ്ങ​ളി​ല്ല. ഇ​തൊ​ന്നും ക​ണ്ടി​ല്ലെ​ന്ന നി​ല​പാ​ടി​ലാ​ണ് അ​ധി​കൃ​ത​ർ. അ​ടി​മാ​ലി-​മാ​ങ്കു​ളം പാ​ത​യി​ൽ പ്ലാ​മ​ല മു​ത​ൽ പീ​ച്ചാ​ട് വ​രെ റോ​ഡി​ൽ കു​ഴി​ക​ൾ എ​ന്ന് പ​റ​യാ​ൻ ത​ന്നെ പാ​ടി​ല്ല. വ​ലി​യ ഗ​ർ​ത്ത​ങ്ങ​ളാ​ണ് റോ​ഡി​ലാ​കെ. റോ​ഡി​നാ​യി ഫ​ണ്ട്​ അ​നു​വ​ദി​ച്ചു​വെ​ന്ന് എം.​എ​ൽ.​എ പ​റ​യു​ന്നു​ണ്ടെ​ങ്കി​ലും നി​ർ​മാ​ണം തു​ട​ങ്ങി​യി​ട്ടി​ല്ല.

കു​ടി​വെ​ള്ള പ​ദ്ധ​തി ന​ട​പ്പാ​ക്കി​യ സ്ഥ​ല​ങ്ങ​ളി​ൽ കി​ലോ​മീ​റ്റ​റോ​ളം മ​ണ്ണൊ​ഴു​കി വ​ലി​യ കാ​ന രൂ​പ​പ്പെ​ട്ടു. പൈ​പ്പ് ലൈ​ൻ സ്ഥാ​പി​ച്ച ഭാ​ഗ​ങ്ങ​ളി​ൽ മ​ണ്ണി​ട്ട് മൂ​ടി​യെ​ങ്കി​ലും കോ​ൺ​ക്രീ​റ്റ് ചെ​യ്യാ​ത്ത​തി​നാ​ൽ ആ​ദ്യ മ​ഴ​യി​ൽ​ത​ന്നെ മ​ണ്ണ് പൂ​ർ​ണ​മാ​യും ഒ​ഴു​കി​പ്പോ​യി. നി​ല​വി​ൽ റോ​ഡി​ൽ ടാ​ർ ചെ​യ്ത ഭാ​ഗം മാ​ത്ര​മാ​ണ് ബാ​ക്കി. വീ​തി കു​റ​ഞ്ഞ റോ​ഡി​ൽ ഇ​രു ഭാ​ഗ​ത്തു​നി​ന്നും വാ​ഹ​ന​ങ്ങ​ൾ വ​ന്നാ​ൽ ക​ട​ന്നു​പോ​കാ​ൻ പ​റ്റാ​ത്ത സ്ഥി​തി​യാ​ണ്. ക​ഴി​ഞ്ഞ മ​ഴ​ക്കാ​ല​ത്തും ഇ​തേ സാ​ഹ​ച​ര്യം ഉ​ണ്ടാ​യി​രു​ന്നെ​ങ്കി​ലും ജ​ല അ​തോ​റി​റ്റി ന​ട​പ​ടി സ്വീ​ക​രി​ക്കു​ന്നി​ല്ലെ​ന്നാ​ണ് ആ​ക്ഷേ​പം. വേ​ന​ൽ​മ​ഴ​യി‍ൽ ടാ​റി​ങ് ന​ട​ത്തി​യ ഭാ​ഗം അ​ട​ക്കം ത​ക​ർ​ന്നു.