വിളവെടുപ്പിനും വിൽപനക്കും മാർഗമില്ലാതെ പൈനാപ്പിൾ കർഷകർ

തൊ​ടു​പു​ഴ: ലോ​ക്​​ഡൗ​ണി​നെ തു​ട​ർ​ന്ന് വി​ള​വെ​ടു​പ്പി​നും വി​ൽ​പ​ന​ക്കും മാ​ർ​ഗ​മി​ല്ലാ​താ​യ​തോ​ടെ പൈ​നാ​പ്പി​ൾ ക​ർ​ഷ​ക​ർ പ്ര​തി​സ​ന്ധി​യി​ൽ. പാ​ക​മാ​യ​വ തോ​ട്ട​ത്തി​ൽ കി​ട​ന്ന്​ ചീ​ഞ്ഞു​ന​ശി​ക്കു​ന്ന സാ​ഹ​ച​ര്യ​മാ​ണി​പ്പോ​ൾ. ​ 50 ഏ​ക്ക​റോ​ളം സ്ഥ​ലം പാ​ട്ട​ത്തി​നെ​ടു​ത്ത്​ കൃ​ഷി ചെ​യ്യു​ന്ന തൊ​ടു​പു​ഴ തെ​ക്കും​ഭാ​ഗം സ്വ​ദേ​ശി ജോ​ജി മൈ​ലാ​ടൂ​രി​ന്​ വി​ള​വെ​ടു​ക്കാ​റാ​യ പൈ​നാ​പ്പി​ളു​ക​ൾ എ​ന്തു​ചെ​യ്യ​ണ​മെ​ന്ന​റി​യി​ല്ല. ഇ​യ​ര സം​സ്ഥാ​ന​ങ്ങ​ളി​ലേ​ക്ക് അ​യ​ച്ചി​രു​ന്ന വാ​ഴ​ക്കു​ള​ത്തെ സം​ഭ​ര​ണ കേ​ന്ദ്രം അ​ട​ഞ്ഞു​കി​ട​ക്കു​ക​യാ​ണ്. ലോ​ക്​​ഡൗ​ണാ​യ​തി​നാ​ൽ ചെ​റു​കി​ട തോ​ട്ട​ങ്ങ​ളി​ൽ​നി​ന്ന് വി​ള​വെ​ടു​ക്കാ​നും സാ​ധി​ക്കു​ന്നി​ല്ല. തൊ​ഴി​ലാ​ളി​ക​ളെ ജോ​ലി​ക്ക് എ​ത്തി​ക്കു​ന്ന​തും തി​രി​ച്ച് എ​ത്തി​ക്കു​ന്ന​തും വ​ലി​യ പ്ര​തി​സ​ന്ധി​യാ​ണെ​ന്നും ജോ​ജി പ​റ​യു​ന്നു.

തോ​ട്ട​ത്തി​ൽ കി​ട​ന്ന് ചീ​ഞ്ഞാ​ൽ തു​ട​ർ​കൃ​ഷി​യെ​യും ബാ​ധി​ക്കും. ക​ഴി​ഞ്ഞ വ​ർ​ഷ​വും ഇ​തേ​പോ​ലെ ലോ​ക്​​ഡൗ​ണി​നെ തു​ട​ർ​ന്ന് വി​ള​വെ​ടു​ക്കാ​നാ​കാ​തെ ക​ർ​ഷ​ക​ർ​ക്ക് ല​ക്ഷ​ങ്ങ​ളു​ടെ ന​ഷ്​​ട​മാ​ണു​ണ്ടാ​യ​ത്. ഇ​പ്പോ​ൾ ഒ​രേ​ക്ക​റി​ൽ ഒ​രു ല​ക്ഷം രൂ​പ​യെ​ങ്കി​ലും ന​ഷ്​​ട​ത്തി​ലാ​ണ്. ഒ​രു ചെ​ടി കാ​യ്ക്കു​ന്ന​തു​വ​രെ 30- 35 രൂ​പ​വ​രെ ക​ർ​ഷ​ക​ന് മു​ട​ക്ക് വ​രു​ന്നു​ണ്ട്. സം​ര​ക്ഷ​ണ​ച്ചെ​ല​വ് വേ​റെ. ഇ​ത്ത​ര​ത്തി​ൽ മ​രു​ന്നും വ​ള​വും ന​ന​യു​മാ​യി ല​ക്ഷ​ങ്ങ​ളാ​ണ് ക​ർ​ഷ​ക​ർ​ക്ക് ചെ​ല​വ്. കോ​വി​ഡി​ന് മു​മ്പ് ഫ​സ്​​റ്റ്​ ​ഗ്രേ​ഡ്​ പൈ​നാ​പ്പി​ളി​ന് ശ​രാ​ശ​രി 40 രൂ​പ​ക്ക​ടു​ത്ത് വി​ല​യു​ണ്ടാ​യി​രു​ന്നു. എ​ന്നാ​ൽ, കോ​വി​ഡ് ര​ണ്ടാം ത​രം​ഗ​ത്തെ തു​ട​ർ​ന്ന് വി​ല പ​ത്ത് രൂ​പ​യാ​യി കൂ​പ്പു​കു​ത്തി.

ആ​ദ്യ​ലോ​ക്​​ഡൗ​ൺ സ​മ​യ​ത്തെ​ക്കാ​ൾ വ​ലി​യ പ്ര​തി​സ​ന്ധി​യാ​ണ് ഇ​പ്പോ​ഴെ​ന്ന്​ പൈ​നാ​പ്പി​ൾ ക​ർ​ഷ​ക​ൻ​ ജോ​ജി പ​റ​യു​ന്നു. വി​ള​വെ​ടു​ക്കാ​നും വി​ൽ​ക്കാ​നും മാ​ർ​ഗ​മി​ല്ല. ഇ​ത്​ കൂ​ടാ​തെ ലോ​ക്​​ഡൗ​ണി​നെ തു​ട​ർ​ന്ന്​ തൊ​ഴി​ലാ​ളി​ക​ളെ കി​ട്ടാ​ത്ത സാ​ഹ​ച​ര്യ​വു​മു​ണ്ട്. ല​ക്ഷ​ങ്ങ​ളു​ടെ ന​ഷ്​​ടം സ​ഹി​ച്ച്​ ക​ർ​ഷ​ക​ർ​ക്ക്​ മു​​ന്നോ​ട്ട്​ പോ​കാ​ൻ ക​ഴി​യി​ല്ലെ​ന്നും കൃ​ഷി വ​കു​പ്പ്​ അ​ടി​യ​ന്ത​ര​മാ​യി ഇ​ട​െ​പ​ട്ട്​ ക​ർ​ഷ​ക​രു​ടെ പ്ര​ശ്​​ന​ത്തി​ന്​​ പ​രി​ഹാ​രം കാ​ണ​ണ​മെ​ന്നും​ ജോ​ജി ആ​വ​ശ്യ​പ്പെ​ട്ടു​.