ജില്ലയിലെ അഞ്ച് പച്ചത്തുരുത്തുകൾക്ക് മുഖ്യമന്ത്രിയുടെ പുരസ്‌കാരം

ആ​ല​പ്പു​ഴ: ഹ​രി​ത​കേ​ര​ളം മി​ഷ​ന്റെ ആ​ഭി​മു​ഖ്യ​ത്തി​ൽ സം​സ്ഥാ​ന​ത്ത് സ്ഥാ​പി​ച്ച പ​ച്ച​ത്തു​രു​ത്തു​ക​ളി​ൽ മി​ക​ച്ച​വ​യെ ക​ണ്ടെ​ത്താ​നു​ള്ള സ്‌​ക്രീ​നി​ങ്​ തി​രു​വ​ന​ന്ത​പു​ര​ത്ത് പൂ​ർ​ത്തി​യാ​യ​പ്പോ​ള്‍ ജി​ല്ല​യി​ലെ അ​ഞ്ച് പ​ച്ച​ത്തു​രു​ത്തു​ക​ൾ​ക്ക് പു​ര​സ്കാ​രം. ത​ദ്ദേ​ശ സ്വ​യം​ഭ​ര​ണ​ത​ലം, വി​ദ്യാ​ല​യം, ദേ​വ​ഹ​രി​തം, മ​റ്റ് സ്ഥാ​പ​ന​ത​ലം എ​ന്നീ വി​ഭാ​ഗ​ങ്ങ​ളി​ലാ​യാ​ണ് ജി​ല്ല​യി​ലെ വി​വി​ധ പ​ച്ച​ത്തു​രു​ത്തു​ക​ൾ നേ​ട്ടം സ്വ​ന്ത​മാ​ക്കി​യ​ത്.

ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ത​ല​ത്തി​ൽ മാ​വേ​ലി​ക്ക​ര-​താ​മ​ര​ക്കു​ളം (കോ​ട്ട​ക്കാ​ട്ട്ശ്ശേ​രി ആ​റാം വാ​ർ​ഡി​ൽ ലെ​പ്ര​സി സാ​ന​റ്റോ​റി​യ​ത്തി​ലെ പ്ര​ദ​ർ​ശ​ന​ത്തോ​ട്ടം), ഭ​ര​ണി​ക്കാ​വ് (വി​ല്ലേ​ജ് ഓ​ഫി​സ് പ​ച്ച​ത്തു​രു​ത്ത്) എ​ന്നി​വ യ​ഥാ​ക്ര​മം ഒ​ന്ന്, ര​ണ്ട് സ്ഥാ​ന​ങ്ങ​ൾ നേ​ടി. വി​ദ്യാ​ഭ്യാ​സ വി​ഭാ​ഗ​ത്തി​ൽ ചെ​ന്നി​ത്ത​ല തൃ​പ്പെ​രും​തു​റ പ​ഞ്ചാ​യ​ത്തി​ലെ ജ​വ​ഹ​ർ ന​വോ​ദ​യ വി​ദ്യാ​ല​യ​വും ദേ​വ​ഹ​രി​തം വി​ഭാ​ഗ​ത്തി​ൽ പു​ന്ന​പ്ര മാ​ർ ഗ്രി​ഗോ​റി​യ​സ് പ​ള്ളി​യും ​ എ​ന്നി​വ​യു​മാ​ണ് പു​ര​സ്കാ​ര​ത്തി​ന് അ​ര്‍ഹ​മാ​യ​ത്. മ​റ്റ് സ്ഥാ​പ​ന​ങ്ങ​ളു​ടെ വി​ഭാ​ഗ​ത്തി​ൽ ആ​ല​പ്പു​ഴ കെ.​എ​സ്.​ഡി.​പിക്ക് സംസ്ഥാനതലത്തിൽ രണ്ടാം സ്ഥാനവും ലഭിച്ചു.

പു​ര​സ്കാ​ര വി​ത​ര​ണം ചൊ​വ്വാ​ഴ്ച തി​രു​വ​ന​ന്ത​പു​രം ടാ​ഗോ​ർ തി​യ​റ്റ​റി​ൽ ന​ട​ക്കു​ന്ന ച​ട​ങ്ങി​ൽ മു​ഖ്യ​മ​ന്ത്രി പി​ണ​റാ​യി വി​ജ​യ​ൻ നി​ർ​വ​ഹി​ക്കും. ഹ​രി​ത കേ​ര​ളം മി​ഷ​ന്റെ നേ​തൃ​ത്വ​ത്തി​ൽ സം​സ്ഥാ​ന​ത്തെ​മ്പാ​ടും സ്ഥാ​പി​ച്ച 1272.89 ഏ​ക്ക​റി​ലെ 4030 പ​ച്ച​ത്തു​രു​ത്തു​ക​ളു​ടെ വി​ല​യി​രു​ത്ത​ലാ​ണ് സം​സ്ഥാ​ന​ത​ല​ത്തി​ൽ പൂ​ർ​ത്തി​യാ​യ​ത്. ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ൾ​ക്കും വി​ദ്യാ​ഭ്യാ​സ സ്ഥാ​പ​ന​ങ്ങ​ൾ​ക്കും സം​സ്ഥാ​ന​ത​ല​ത്തി​ൽ മി​ക​ച്ച അ​ഞ്ച് പു​ര​സ്കാ​ര​വും മ​റ്റു​ള്ള​വ​ക്ക്​ സം​സ്ഥാ​ന​ത​ല​ത്തി​ൽ മൂ​ന്ന് പു​ര​സ്കാ​ര​വു​മാ​ണ് ന​ൽ​കു​ന്ന​ത്.