ചുവരെഴുതിയിട്ടും സീറ്റില്ല; കണ്ണീരണിഞ്ഞ ബി​ന്ദു കൃ​ഷ്ണ​ക്ക്​ വേണ്ടി പ്രതിഷേധവും രാജിയും

കൊ​ല്ലം: ബി​ന്ദു കൃ​ഷ്ണ​യ്ക്ക് സീ​റ്റു നി​ഷേ​ധി​ച്ച​തി​ൽ പ്ര​തി​ഷേ​ധി​ച്ച് കൊല്ല​ത്തെ കോ​ൺ​ഗ്ര​സി​ൽ പൊ​ട്ടി​ത്തെ​റി. ജി​ല്ല​യി​ലെ ര​ണ്ടു ബ്ലോ​ക്ക് ക​മ്മി​റ്റി പ്ര​സി​ഡ​​ന്‍റുമാ​രും മ​ണ്ഡ​ലം പ്ര​സി​ഡ​ന്‍റു​മാ​രും രാ​ജി​വ​ച്ചു.

ബിന്ദു കൃഷ്ണയെ മല്‍സരിപ്പിക്കണമെന്ന് ആവശ്യപ്പെട്ട് ഡി.സി.സി ഓഫീസില്‍ വൈകാരിക രംഗങ്ങള്‍ അരങ്ങേറി. ബിന്ദു കൃഷ്ണയ്ക്ക് പിന്തുണയറിയിച്ച് സ്ത്രീകള്‍ ഡി.സി.സി ഒാഫിസിലെത്തി മുദ്യാവാക്യം വിളിച്ചു. പ്രവര്‍ത്തകരുടെ വികാരപ്രകടനത്തിനടിയിൽ​ ബിന്ദു കൃഷ്ണയും കണ്ണീരണിഞ്ഞു. നാലുവര്‍ഷമായി കൊല്ലം കേന്ദ്രമായി പ്രവര്‍ത്തിക്കുന്നു. അതുകൊണ്ടാണ് കൊല്ലത്ത് മല്‍സരിക്കാമെന്ന് നേതൃത്വത്തെ അറിയിച്ചത്​. കൊല്ലത്തിന്​ പകരമായി കുണ്ടറയിൽ മത്സരിക്കാമോ എന്ന്​ നേതാക്കൾ ചോദിച്ചുവെന്നും ബിന്ദു കൃഷ്​ണ മാധ്യമങ്ങളോട്​ വെളിപ്പെടുത്തി.

കഴിഞ്ഞ നാ​ല​ര വ​ർ​ഷ​ക്കാ​ലം ജി​ല്ല​യി​ൽ ജ​ന​ങ്ങ​ൾ​ക്കി​ട​യി​ൽ മി​ക​ച്ച പ്ര​വ​ർ​ത്ത​നം കാ​ഴ്ച​വ​ച്ച ബി​ന്ദു കൃ​ഷ്ണ​യെ ഒ​ഴി​വാ​ക്കു​ന്ന​ത് തെ​റ്റാ​യ സ​ന്ദേ​ശം ന​ൽ​കു​മെ​ന്നാ​ണ് ഒരു വിഭാഗം നേ​താ​ക്ക​ൾ പ​റ​യു​ന്ന​ത്.ബിന്ദു കൃഷ്ണക്ക്​ വേണ്ടി കൊല്ലത്ത് ഇതിനകം ചുവരെഴുത്ത് വരെ തുടങ്ങിയിരുന്നു. മണ്ഡലത്തിന് പുറത്തുള്ളവരെ സ്ഥാനാര്‍ഥിയാക്കരുത്. ബിന്ദു കൃഷ്ണക്ക് സീറ്റ് നിഷേധിച്ചാല്‍ ജില്ലയിലെ മുഴുവന്‍ മണ്ഡലങ്ങളെയും ഇത്​ ബാധിക്കുമെന്നും​ നേതാക്കള്‍ പറയുന്നു.