Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightഎ​ട്ട്​...

എ​ട്ട്​ മൃ​ത​ദേ​ഹ​ങ്ങ​ൾ കൂടി ക​ണ്ടെ​ടു​ത്തു, ആകെ മ​ര​ണം 22; കാ​ണാ​മ​റ​യ​ത്ത്​ ര​ണ്ടു ​പേ​ർ

text_fields
bookmark_border
kokkayar-heavy-rain
cancel
camera_alt

കൂ​ട്ടി​ക്ക​ൽ കാ​വാ​ലി​യി​ൽ തി​ര​ച്ചി​ലി​നി​ടെ മാ​ർ​ട്ടിന്‍റെ മ​ക​ൾ സാ​ന്ദ്ര​യു​ടെ കൈ ​മ​ണ്ണി​ന​ടി​യി​ൽ ക​ണ്ടെ​ത്തി​യ​പ്പോ​ൾ (ഫോട്ടോ: ദിലീപ്​ പുരക്കൽ)

കോ​ട്ട​യം: പൊ​ട്ടി​യൊ​ലി​ച്ചെ​ത്തി​യ കൊ​ടും​ദു​ര​ന്തം വേ​രോ​ടെ​യ​റു​ത്തു​മാ​റ്റി​യ കു​ടും​ബ​ങ്ങ​ളു​ടെ വി​ലാ​പ​ത്തി​ൽ വി​റ​ങ്ങ​ലി​ച്ച്​ കി​ഴ​ക്ക​ൻ മ​ല​യോ​രം. കോ​ട്ട​യം-​ഇ​ടു​ക്കി അ​തി​ർ​ത്തി മേ​ഖ​ല​യി​ലു​ണ്ടാ​യ ദു​ര​ന്ത​ത്തി​ൽ മ​ര​ണം 22 ആ​യി. കോ​ട്ട​യ​ത്ത്​ 13 പേ​രും ഇ​ടു​ക്കി​യി​ൽ ഏ​ഴു ​പേ​രു​മാ​ണ്​ മ​രി​ച്ച​ത്. തൊ​ടു​പു​ഴ കാ​ഞ്ഞാ​റി​ൽ കാ​ർ ഒ​ഴു​ക്കി​ൽ പെ​ട്ട്​ ര​ണ്ടു​പേ​രും മ​രി​ച്ചി​രു​ന്നു.

കൂ​ട്ടി​ക്ക​ലി​ൽ​നി​ന്ന്​ എ​ട്ട്​ മൃ​ത​ദേ​ഹ​ങ്ങ​ൾ ഞാ​യ​റാ​ഴ്​​ച ക​ണ്ടെ​ടു​ത്തു. മൂ​ന്നു​പേ​രു​ടെ മൃ​ത​ദേ​ഹം ശ​നി​യാ​ഴ്​​ച കി​ട്ടി​യി​രു​ന്നു. ഒ​രു കു​ടും​ബ​ത്തി​ലെ ആ​റു​പേ​രും മ​രി​ച്ച​വ​രി​ൽ ഉ​ൾ​പ്പെ​ടു​ന്നു. ഒ​ഴു​ക്കി​ൽ​പെ​ട്ട ര​ണ്ടു​േ​പ​രെ ക​ണ്ടെ​ത്താ​നു​ണ്ട്. ഞാ​യ​റാ​ഴ്ച​യോ​ടെ മേ​ഖ​ല​യി​ല​ട​ക്കം മ​ഴ കു​റ​ഞ്ഞു.


കൂ​ട്ടി​ക്ക​ൽ വി​ല്ലേ​ജി​ൽ കാ​വാ​ലി ഒ​ട്ട​ലാ​ങ്ക​ൽ (വ​ട്ടാ​ള​ക്കു​ന്നേ​ൽ) മാ​ർ​ട്ടി​ൻ (48), മ​ക്ക​ളാ​യ സാ​ന്ദ്ര (14), സ്നേ​ഹ (10), ഏ​ന്ത​യാ​ർ സ്വ​ദേ​ശി​നി സി​സി​ലി (50), പ്ലാ​പ്പ​ള്ളി​യി​ലു​ണ്ടാ​യ ഉ​രു​ൾ​പൊ​ട്ട​ലി​ൽ കാ​ണാ​താ​യ ആ​റ്റു​ചാ​ലി​ൽ ജോ​മി​യു​ടെ ഭാ​ര്യ സോ​ണി​യ ജോ​ബി (45), മ​ക​ൻ അ​ല​ൻ ജോ​ബി (14), പ​ന്ത​ലാ​ട്ടി​ൽ മോ​ഹ​ന​െൻറ ഭാ​ര്യ സ​ര​സ​മ്മ മോ​ഹ​ൻ (62), മു​ണ്ട​ക​ശ്ശേ​രി വേ​ണു​വി​െൻറ ഭാ​ര്യ റോ​ഷ്നി (48) എ​ന്നി​വ​രു​ടെ മൃ​ത​ദേ​ഹ​ങ്ങ​ളാ​ണ്​ ഞാ​യ​റാ​ഴ്​​ച ക​ണ്ടെ​ത്തി​യ​ത്.

ഏ​ന്ത​യാ​റി​ൽ ഓ​ട്ടോ ഡ്രൈ​വ​റാ​യ ഷാ​ല​റ്റ് ഓ​ലി​ക്ക​ൽ (29), കൂ​വ​പ്പ​ള്ളി​യി​ല്‍ രാ​ജ​മ്മ (64) എ​ന്നി​വ​രു​ടെ മൃ​ത​ദേ​ഹ​ങ്ങളും ല​ഭി​ച്ചു. ഇ​വ​ർ ഒ​ഴു​ക്കി​ൽ​പെ​ട്ട​താ​ണെ​ന്നാ​ണ് വി​വ​രം. ഒ​ട്ട​ലാ​ങ്ക​ൽ മാ​ർ​ട്ടി​െൻറ അ​മ്മ ക്ലാ​ര​മ്മ ജോ​സ​ഫ് (65), ഭാ​ര്യ സി​നി(35), മ​ക​ൾ സോ​ന (11) എ​ന്നി​വ​രു​ടെ മൃ​ത​ദേ​ഹ​ങ്ങ​ൾ ശ​നി​യാ​ഴ്​​ച​ത​ന്നെ ക​ണ്ടെ​ടു​ത്തി​രു​ന്നു.


ഇ​ടു​ക്കി പീ​രു​മേ​ട് കൊ​ക്ക​യാ​റി​ൽ ഉ​രു​ൾ​പൊ​ട്ട​ലി​ൽ കാ​ണാ​താ​യ നാ​ലു​കു​ട്ടി​ക​ൾ അ​ട​ക്കം ആ​റു​പേ​രു​ടെ മൃ​ത​ദേ​ഹ​ങ്ങ​ളും ക​ണ്ടെ​ത്തി. ഷാ​ജി ചി​റ​യി​ല്‍ (55), സി​യാ​ദി​െൻറ ഭാ​ര്യ ഫൗ​സി​യ (28), മ​ക​ൻ അ​മീ​ൻ (ഏ​ഴ്), മ​ക​ൾ അം​ന (ഏ​ഴ്), ക​ല്ലു​പു​ര​ക്ക​ൽ ഫൈ​സ​ലി​െൻറ മ​ക്ക​ളാ​യ അ​ഫ്‌​സാ​ര (എ​ട്ട്), അ​ഫി​യാ​ന്‍ (നാ​ല്) എ​ന്നി​വ​രു​ടെ മൃ​ത​ദേ​ഹ​ങ്ങ​ളാ​ണ്​ ല​ഭി​ച്ച​ത്. അം​ന, അ​ഫ്​​സാ​ര, അ​ഫി​യാ​ൻ എ​ന്നി​വ​രു​ടെ മൃ​ത​ദേ​ഹ​ങ്ങ​ൾ കെ​ട്ടി​പ്പി​ടി​ച്ചു​കി​ട​ക്കു​ന്ന രീ​തി​യി​ലാ​യി​രു​ന്നു.


വെ​ള്ള​പ്പാ​ച്ചി​ലി​ൽ​പെ​ട്ട പെ​രു​വ​ന്താ​നം നി​ർ​മ​ല​ഗി​രി വ​ട​ശ്ശേ​രി​ൽ ജോ​ജി​യു​ടെ (44) മൃ​ത​ദേ​ഹ​വും ല​ഭി​ച്ചു. പു​തു​പ്പ​റ​മ്പി​ൽ ഷാ​ഹു​ലി​െൻറ മ​ക​ൻ സ​ച്ചു ഷാ​ഹു​ലി​നാ​യി (ഏ​ഴ്) തി​ര​ച്ചി​ൽ തു​ട​രു​ന്നു. ഒ​ഴു​ക്കി​ൽ​പെ​ട്ട ചേ​പ്ലാം​കു​ന്നേ​ൽ ആ​ൻ​സി സാ​ബു​വി​​നെ​യും (50) ക​ണ്ടു​കി​ട്ടി​യി​ട്ടി​ല്ല. മൃ​ത​ദേ​ഹ​ങ്ങ​ൾ പോ​സ്​​റ്റ്​​മോ​ർ​ട്ട​ത്തി​ന്​ കാ​ഞ്ഞി​ര​പ്പ​ള്ളി താ​ലൂ​ക്ക്​ ആ​ശു​പ​ത്രി​യി​ലേ​ക്കും കോ​ട്ട​യം മെ​ഡി​ക്ക​ൽ കോ​ള​ജ്​ ആ​ശു​പ​ത്രി​യി​ലേ​ക്കും മാ​റ്റി.

മ​ന്ത്രി​മാ​രാ​യ വി.​എ​ൻ. വാ​സ​വ​ൻ, റോ​ഷി അ​ഗ​സ്​​റ്റ്യ​ൻ, ചീ​ഫ് വി​പ്പ് ഡോ. ​എ​ൻ. ജ​യ​രാ​ജ് തു​ട​ങ്ങി​യ​വ​ർ ദു​ര​ന്ത​സ്ഥ​ല​ത്തെ​ത്തി ര​ക്ഷാ​പ്ര​വ​ർ​ത്ത​ന​ങ്ങ​ൾ ഏ​കോ​പി​പ്പി​ച്ചു. മ​ഴ​ക്കെ​ടു​തി​യി​ൽ ഒ​ക്​​ടോ​ബ​ർ 12 മു​ത​ല്‍ 17 വ​രെ സം​സ്​​ഥാ​ന​ത്താ​കെ 28 പേ​ര്‍ മ​രി​ച്ചു.

തൃശൂർ ജില്ലയിൽ മഴ ശക്തം; അതീവ ജാഗ്രത പാലിക്കണമെന്ന്​ കലക്ടർ

തൃശൂർ: ജില്ലയിൽ വീണ്ടും മഴ ശക്തമായ സാഹചര്യത്തിൽ പുഴയോരത്തുള്ളവരും മണ്ണിടിച്ചിൽ സാധ്യതാ പ്രദേശങ്ങളിൽ താമസിക്കുന്നവരും അതീവ ജാഗ്രത പാലിക്കണമെന്ന്​ കലക്ടർ ഹരിത വി. കുമാർ. സുരക്ഷിത സ്ഥാനങ്ങളിലേക്ക് മാറാൻ തയ്യാറാകണമെന്നും പ്രാദേശികമായി നൽകുന്ന നിർദേശങ്ങൾ കർശനമായി പാലിക്കണമെന്നും കലക്​ടർ പറഞ്ഞു.

വെള്ളം കയറാനും മണ്ണിടിച്ചിലിനും സാധ്യതയുള്ള പ്രദേശങ്ങളില്‍ നിന്ന് നേരത്തേ തന്നെ മാറിത്താമസിക്കാൻ നിർദേശം നൽകിയിട്ടുണ്ട്. ശക്തമായ മഴയില്‍ ജില്ലയിലെ അണക്കെട്ടുകളിലെയും പുഴകളിലെയും ജലനിരപ്പ് ഉയർന്നു കൊണ്ടിരിക്കുകയാണ്.

പുഴകളിലെ ജലനിരപ്പ് പലയിടത്തും വാണിങ് ലെവലിന് അടുത്തെത്തി. അടിയന്തര സാഹചര്യങ്ങൾ നേരിടുന്നതിന് റവന്യൂ, ഫയര്‍ ആന്റ് റെസ്‌ക്യൂ, പൊലീസ്, കെഎസ്ഇബി തുടങ്ങിയ വിഭാഗങ്ങൾ സജ്ജരാണ്. ഇവരുടെ നിർദ്ദേശങ്ങൾ പാലിക്കാനും പൊതുജനങ്ങൾ തയ്യാറാകണമെന്നും കലക്ടർ അറിയിച്ചു.


പരീക്ഷകൾ മാറ്റി

കണ്ണൂർ സർവകലാശാല തിങ്കളാഴ്ച നടത്താനിരുന്ന രണ്ടാം വർഷ വിദൂരവിദ്യാഭ്യാസ ബിരുദ (ഏപ്രിൽ 2021) പരീക്ഷകളും, ഐ.ടി പഠനവകുപ്പിലെ ഒന്നാം സെമസ്റ്റർ എം.എസ്.സി കമ്പ്യൂട്ടർ സയൻസ് (നവംബർ 2020) പരീക്ഷകളും മാറ്റിവെച്ചു. പുതുക്കിയ തീയതി പിന്നീട് അറിയിക്കും. തലശേരി കാമ്പസിലെ ഒന്നാം സെമസ്റ്റർ എം.ബി.എ പരീക്ഷകൾക്ക് മാറ്റമില്ല.

കാലിക്കറ്റ് സർവകലാശാല നാളെ (ഒക്ടോബർ 18) നടത്താനിരുന്ന എല്ലാ പരീക്ഷകളും മാറ്റിവെച്ചു. പുതുക്കിയ തീയതി പിന്നീടറിയിക്കും.

കേരള സർവകലാശാല നാളെ (18/10/2021) നടത്താൻ നിശ്ചയിച്ചിരുന്ന തിയറി, പ്രാക്​ടിക്കൽ, എൻട്രൻസ്​ തുടങ്ങി എല്ലാ പരീക്ഷകളും മാറ്റിവച്ചു. പുതുക്കിയ തിയതി പിന്നീട് അറിയിക്കും. മറ്റു ദിവസത്തെ പരീക്ഷകൾക്ക് മാറ്റമില്ല.

നാളെ ( ഒക്ടോബർ 18) നടത്താനിരുന്ന എച്ച്.ഡി.സി പരീക്ഷയും മാറ്റിവെച്ചു പുതിയ തീയതി പിന്നീട് അറിയിക്കുമെന്ന് സംസ്ഥാന സഹകരണ യൂണിയൻ പരീക്ഷാ ബോർഡ് സെക്രട്ടറി അനിത ടി. .ബാലൻ അറിയിച്ചു.

മഹാത്മ ഗാന്ധി സർവകലാ ശാല തിങ്കളാഴ്ച (ഒക്ടോബർ 18) നടത്താനിരുന്ന എല്ലാ പരീക്ഷകളും മാറ്റി. പുതുക്കിയ തീയതി പിന്നീട്​ അറിയിക്കും.


Show Full Article

Live Updates

  • 17 Oct 2021 9:03 AM GMT

    ചിമ്മിനി ഡാം ഷട്ടറുകൾ ഘട്ടങ്ങളായി ഉയർത്തും

    തൃശൂർ: ചിമ്മിനി ഡാമിന്‍റെ ഷട്ടറുകൾ നിലവിൽ 7.5 സെ.മീ ഉയർത്തിയത് ആദ്യഘട്ടത്തിൽ ഘട്ടമായി 10 സെ.മീ വരെയും ജലനിരപ്പ് പിന്നെയും ഉയരുകയാണെങ്കിൽ ഘട്ടങ്ങളായി 15 സെ.മീ വരെയും ഉയർത്താൻ അനുമതി നൽകി. കരുവന്നൂർ, കുറുമാലി പുഴയുടെ തീരത്തുള്ളവർ ജാഗ്രത പാലിക്കണമെന്ന് നിർദേശം നൽകിയിട്ടുണ്ട്.

    ശിരുവാണി ഡാം റിവർ സ്ലൂയിസ് 60 സെന്റീമീറ്ററായി ഉയർത്തും

    പാലക്കാട്​: വൃഷ്​ടി പ്രദേശത്ത്​ മഴ തുടരുന്നതിനാൽ ശിരുവാണി ഡാമിന്റെ റിവർ സ്ലൂയിസ് 60 സെന്റീമീറ്ററായി ഉയർത്തുമെന്ന് എക്സിക്യൂട്ടീവ് എഞ്ചിനീയർ അറിയിച്ചു. കഴിഞ്ഞ ദിവസം ഡാമിന്‍റെ റിവർ സ്ലൂയിസ് 40 സെന്റീമീറ്റർ ഉയർത്തിയിരുന്നു. ഡാമിന്റെ പരമാവധി ജലനിരപ്പ് 877.00മീറ്ററാണ്. നിലവിലെ ജലനിരപ്പ് 876.88 മീറ്റർ ആയിട്ടുണ്ട്.

  • 17 Oct 2021 7:16 AM GMT

    തൃശൂർ പുതുക്കാട് വടക്കേ തൊറവിൽ മണ്ണിടിഞ്ഞ് വീടുകൾ അപകടാവസ്ഥയിൽ

    3 വീട്ടുകാരെ മാറ്റിപ്പാർപ്പിച്ചു. മണ്ണിടിച്ചിൽ ഭീഷണി നിലനിൽക്കുന്ന പുത്തൂർ പഞ്ചായത്തിലെ കോക്കാത്ത് കോളനി, ചിറ്റകുന്ന് പ്രദേശങ്ങളിൽ നിന്നും ജനങ്ങളെ ഒഴിപ്പിച്ചു തഹസിൽദാർ, ഒല്ലൂർ പോലീസ്, പുത്തൂർ പഞ്ചായത്ത് അധികൃതർ എന്നിവരുടെ നേതൃത്വത്തിലാണ് ഒഴിപ്പിക്കൽ.

  • 17 Oct 2021 7:16 AM GMT

    തൃശൂർ പുതുക്കാട് വടക്കേ തൊറവിൽ മണ്ണിടിഞ്ഞ് വീടുകൾ അപകടാവസ്ഥയിൽ

    3 വീട്ടുകാരെ മാറ്റിപ്പാർപ്പിച്ചു. മണ്ണിടിച്ചിൽ ഭീഷണി നിലനിൽക്കുന്ന പുത്തൂർ പഞ്ചായത്തിലെ കോക്കാത്ത് കോളനി, ചിറ്റകുന്ന് പ്രദേശങ്ങളിൽ നിന്നും ജനങ്ങളെ ഒഴിപ്പിച്ചു തഹസിൽദാർ, ഒല്ലൂർ പോലീസ്, പുത്തൂർ പഞ്ചായത്ത് അധികൃതർ എന്നിവരുടെ നേതൃത്വത്തിലാണ് ഒഴിപ്പിക്കൽ.

  • 17 Oct 2021 6:06 AM GMT

    അണക്കെട്ടുകളിൽ ചുവന്ന അലേർട്ട്​

    വൈദ്യുതി ബോർഡിന്റെ കീഴിലുള്ള അണക്കെട്ടുകളിൽ പത്തനംതിട്ട ജില്ലയിലെ കക്കി, തൃശ്ശൂർ ജില്ലയിലെ ഷോളയാർ , പെരിങ്ങൽകുത്തു, ഇടുക്കി ജില്ലയിലെ കുണ്ടള, കല്ലാർകുട്ടി, മാട്ടുപ്പെട്ടി, കല്ലാർ എന്നീ അണക്കെട്ടുകളിൽ രാവിലെ 7 മണിക്കുള്ള അണക്കെട്ടുകളുടെ നിരീക്ഷണപട്ടികയിൽ ചുവന്ന അലെർട് പ്രഖ്യാപിച്ചിട്ടുണ്ട്. ഇടുക്കി ജില്ലയിലെ പൊന്മുടി, ഇടുക്കി ഡാം, പത്തനംതിട്ടയിലെ പമ്പ എന്നിവിടങ്ങളിൽ നീല അലെർട് പ്രഖ്യപിച്ചിട്ടുണ്ട്.

  • 17 Oct 2021 6:05 AM GMT

    മത്സ്യബന്ധനം നിരോധിച്ചു

    കേന്ദ്ര കാലാവസ്ഥാ വകുപ്പിന്റെ ഏറ്റവും ഒടുവിൽ ലഭിച്ച മുന്നറിയിപ്പ് പ്രകാരം കേരള-കർണാടക-ലക്ഷദ്വീപ് മേഖലകളിൽ മത്സ്യബന്ധനം ഇന്ന് വരെ പൂർണ്ണമായും നിരോധിച്ചിട്ടുണ്ട്.

  • 17 Oct 2021 6:05 AM GMT

    ഡാമുകളിലെ സ്ഥിതിഗതികൾ വിലയിരുത്തുന്നു

    സംസ്ഥാന അടിയന്തരഘട്ട കാര്യനിർവഹണ കേന്ദ്രം കൂടുതൽ സജീവമാക്കി. ഡാമുകളിലെ സ്ഥിതിഗതികൾ വിലയിരുത്തുവാൻ കെ എസ് ഇ ബി , ജലസേചന വകുപ്പ്, മോട്ടോർ വാഹന വകുപ്പ് തുടങ്ങിയ വകുപ്പുകളുടെ പ്രതിനിധികളെ അടിയന്തരഘട്ട കാര്യനിർവഹണ കേന്ദ്രത്തിൽ 24 മണിക്കൂറും വിന്യസിച്ചു. പോലീസ്, ഫയർ ഫോഴ്സ്, ലാൻഡ് റെവന്യു കണ്ട്രോൾ റൂമുകളുമായും സംസ്ഥാന അടിയന്തരഘട്ട കാര്യനിർവഹണ കേന്ദ്രം ആശയവിനിമയം നടത്തി വരുന്നു. ബന്ധപ്പെട്ട എല്ലാ വകുപ്പ് മേധാവികളോടും ഏതു വിധത്തിലുള്ള അടിയന്തര സാഹചര്യങ്ങളെയും നേരിടാൻ സുസജ്ജമായിരിക്കാൻ നിർദ്ദേശം നൽകിയിട്ടുണ്ട്.

  • 17 Oct 2021 6:04 AM GMT

    മല്ലപ്പള്ളിയിൽ എയർ ലിഫ്റ്റിങ്ങിന്​ നടപടി

    പത്തനംതിട്ട ജില്ലയിൽ മല്ലപ്പള്ളിക്ക് സമീപം ആളുകൾ കുടുങ്ങി കിടപ്പുണ്ടെന്ന അറിയിപ്പ് ലഭിച്ചിട്ടുണ്ട്. ഫയർ ഫോഴ്സ് രക്ഷാപ്രവർത്തനം നടത്താൻ ശ്രമിക്കുന്നുണ്ടെങ്കിലും എയർ ലിഫ്റ്റിങ് വേണ്ടി വന്നേക്കാം എന്ന ജില്ലാ ദുരന്ത നിവാരണ അതോറിറ്റിയുടെ നിർദ്ദേശത്തെ തുടർന്ന് എയർ ഫോഴ്സ് ഹെലികോപ്റ്റർ നിയോഗിച്ചു.

    നേവിയുടെ ഹെലികോപ്റ്റർ കൂട്ടിക്കൽ, കൊക്കയാർ ഉരുൾപൊട്ടൽ ബാധിത പ്രദേശങ്ങളിൽ ഭക്ഷണപ്പൊതി വിതരണം ചെയ്യാനായി നിയോഗിച്ചു.

  • 17 Oct 2021 6:04 AM GMT

    സൈന്യം രംഗത്ത്​

    ഇന്ത്യൻ ആർമിയുടെ രണ്ടു ടീമുകളിൽ ഒരു ടീം തിരുവനന്തപുരത്തും, ഒരെണ്ണം കോട്ടയത്തും വിന്യസിച്ചിട്ടുണ്ട്. ഡിഫെൻസ് സെക്യൂരിറ്റി കോർപ്സിന്റെ (DSC) ടീമുകൾ ഒരെണ്ണം കോഴിക്കോടും ഒരെണ്ണം വയനാടും വിന്യസിച്ചിട്ടുണ്ട്.

    എയർഫോഴ്സ്നേയും നേവിയെയും അടിയന്തിര സാഹചര്യം നേരിടാൻ സജ്ജരായിരിക്കാൻ നിർദ്ദേശം നൽകി.

    സന്നദ്ധസേനയും സിവിൽ ഡിഫെൻസും അടിയന്തര സാഹചര്യങ്ങൾ അഭിമുഖീകരിക്കാൻ സജ്ജമായിട്ടുണ്ട്.

    എൻജിനിയർ ടാസ്ക് ഫോഴ്സ് (ETF) ടീം ബാംഗ്ലൂർ നിന്നും മുണ്ടക്കയത്തേക്ക് തിരിച്ചു. എയർ ഫോഴ്സിന്റെ 2 ചോപ്പറുകൾ കോയമ്പത്തൂരിനടുത്തുള്ള സുളൂരിൽ നിന്നും തിരുവനന്തപുരത്ത് എത്തി.

  • 17 Oct 2021 6:04 AM GMT

    105 ദുരിതാശ്വാസ ക്യാമ്പുകൾ തുറന്നു

    സംസ്ഥാനത്താകെ 105 ദുരിതാശ്വാസ ക്യാമ്പുകൾ തുറന്നിട്ടുണ്ട്. ആവശ്യം വന്നാൽ കൂടുതൽ ക്യാംപുകൾ അതിവേഗം തുടങ്ങാൻ സജ്ജീകരണമൊരുക്കിയിട്ടുമുണ്ട്.

  • 17 Oct 2021 6:03 AM GMT

    വൈകുന്നേരം വരെ മഴ തുടരും; അതീവ ജാഗ്രത കാണിക്കണം -മുഖ്യമന്ത്രി

    തിരുവനന്തപുരം: വൈകുന്നേരം വരെ മഴ തുടരാൻ സാധ്യതയുള്ളതിനാൽ ജനങ്ങൾ അതീവ ജാഗ്രത കാണിക്കണമെന്ന് മുഖ്യമന്ത്രി പിണറായി വിജയൻ അഭ്യർഥിച്ചു. അപകട സാഹചര്യങ്ങളിൽ പെടാതിരിക്കാനുള്ള മുൻകരുതലുണ്ടാകണം. വേണ്ടിവന്നാൽ മാറി താമസിക്കാനും അധികൃതരുടെ നിർദേശങ്ങൾ പാലിക്കാനും അനാവശ്യ യാത്രകൾ ഒഴിവാക്കാനും ശ്രദ്ധിക്കണം.

    കേരളത്തിലുടനീളം ​ഇന്ന് (ഒക്ടോബർ 17) വരെ ഇടിമിന്നലിനും ശക്തമായ കാറ്റിനും സാധ്യതയുള്ളതായി കേന്ദ്ര കാലാവസ്ഥാ വകുപ്പ് മുന്നറിയിപ്പ് നൽകിയിട്ടുണ്ട്. അറബിക്കടലിൽ ലക്ഷദീപിനു സമീപം രൂപം കൊണ്ട ന്യൂനമർദ്ദം നിലവിൽ ശക്തി കുറഞ്ഞു. എങ്കിലും വൈകുന്നേരം വരെ മഴ തുടരാൻ സാധ്യതയുള്ളതായാണ് കാലാവസ്ഥാ പ്രവചനം. കേന്ദ്ര കാലാവസ്ഥാ വകുപ്പിന്‍റെ രാവിലെ 10 മണിക്ക് പുറപ്പെടിവിച്ച മുന്നറിയിപ്പ് പ്രകാരം ഇന്ന് തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂർ പാലക്കാട് മലപ്പുറം, കോഴിക്കോട് എന്നീ ജില്ലകളിൽ മഞ്ഞ അലേർട്ടാണ് പ്രഖ്യാപിച്ചിട്ടുള്ളത്.

TAGS:heavy rain Relief Camp 
News Summary - kerala rains updates 60 relief camps opened
Next Story