ജില്ലയില്‍ അരിവാള്‍ കോശ രോഗ നിര്‍ണയം തുടങ്ങി

കാ​സ​ർ​കോ​ട്​: അ​രി​വാ​ള്‍ കോ​ശ രോ​ഗ പ്ര​തി​രോ​ധം, ബോ​ധ​വ​ത്ക​ര​ണം എ​ന്നി​വ ല​ക്ഷ്യ​മാ​ക്കി ആ​രോ​ഗ്യ​വ​കു​പ്പ് ന​ട​പ്പാ​ക്കു​ന്ന ‘അ​റി​യാം അ​ക​റ്റാം അ​രി​വാ​ള്‍ കോ​ശ​രോ​ഗം’ കാ​മ്പ​യി​ന്റെ ഭാ​ഗ​മാ​യു​ള്ള രോ​ഗ നി​ര്‍ണ​യ പ​രി​ശോ​ധ​ന ആ​രം​ഭി​ച്ചു. പ​ട്ടി​ക വ​ര്‍ഗ വി​ക​സ​ന വ​കു​പ്പ്, ആ​രോ​ഗ്യ കു​ടും​ബ ക്ഷേ​മ വ​കു​പ്പ്, ദേ​ശീ​യ ആ​രോ​ഗ്യ ദൗ​ത്യം എ​ന്നി​വ​യു​ടെ സം​യു​ക്ത ആ​ഭി​മു​ഖ്യ​ത്തി​ലാ​ണ് പ​രി​ശോ​ധ​ന.

കോ​ടോം ബേ​ളൂ​ര്‍ പ​ഞ്ചാ​യ​ത്തി​ലെ കോ​ളി​യാ​ര്‍ പ​ട്ടി​ക വ​ര്‍ഗ ഉ​ന്ന​തി​യി​ല്‍ ന​ട​ന്ന ക്യാ​മ്പി​ന്റെ ഉ​ദ്ഘാ​ട​നം കോ​ടോം ബേ​ളൂ​ര്‍ പ​ഞ്ചാ​യ​ത്ത് ക്ഷേ​മ​കാ​ര്യ സ്ഥി​രം സ​മി​തി അ​ധ്യ​ക്ഷ​ന്‍ പി. ​ഗോ​പാ​ല​കൃ​ഷ്ണ​ന്‍ നി​ര്‍വ​ഹി​ച്ചു. എ​ണ്ണ​പ്പാ​റ കു​ടും​ബ​രോ​ഗ്യ കേ​ന്ദ്രം മെ​ഡി​ക്ക​ല്‍ ഓ​ഫി​സ​ര്‍ ഡോ.​എം.​വി. കൃ​പേ​ഷ് അ​ധ്യ​ക്ഷ​ത വ​ഹി​ച്ചു. ജി​ല്ല എം.​സി.​എ​ച്ച് ഓ​ഫി​സ​ര്‍ സൂ​സ​ന്‍ ഫി​ലി​പ്പ്, ഡി.​പി.​എ​ച്ച്.​എ​ന്‍ കെ. ​ശാ​ന്ത എ​ന്നി​വ​ര്‍ സം​സാ​രി​ച്ചു.

ജി​ല്ല എ​ജു​ക്കേ​ഷ​ന്‍ ആ​ന്‍ഡ് മീ​ഡി​യ ഓ​ഫി​സ​ര്‍ അ​ബ്ദു​ൽ ല​ത്തീ​ഫ് മ​ഠ​ത്തി​ല്‍ സ്വാ​ഗ​ത​വും കു​ടും​ബാ​രോ​ഗ്യ കേ​ന്ദ്രം ഹെ​ല്‍ത്ത് ഇ​ന്‍സ്പെ​ക്ട​ര്‍ പി.​കെ. ജി​ഷ ന​ന്ദി​യും പ​റ​ഞ്ഞു. പ​രി​ശോ​ധ​ന ക്യാ​മ്പി​ന് എ​ണ്ണ​പ്പാ​റ കു​ടും​ബ​രോ​ഗ്യ കേ​ന്ദ്രം പി.​എ​ച്ച്.​എ​ന്‍ കെ. ​ശ്രീ​ജ, ജെ.​പി.​എ​ച്ച്.​എ​ന്‍, ജെ.​എ​ച്ച്.​ഐ, എം.​എ​ല്‍.​എ​സ്.​പി ജീ​വ​ന​ക്കാ​ര്‍ എ​ന്നി​വ​ര്‍ നേ​തൃ​ത്വം ന​ല്‍കി. ആ​ശ പ്ര​വ​ര്‍ത്ത​ക​ര്‍, അ​ങ്ക​ണ​വാ​ടി പ്ര​വ​ര്‍ത്ത​ക​ര്‍, എ​സ്.​റ്റി പ്രൊ​മോ​ട്ട​ര്‍ എ​ന്നി​വ​രും പ​രി​പാ​ടി​യു​ടെ ഭാ​ഗ​മാ​യി.

അ​രി​വാ​ൾ രോ​ഗം എന്ന ജനിതക അവസ്ഥ

അ​രി​വാ​ള്‍ കോ​ശ രോ​ഗം അ​ഥ​വാ സി​ക്കി​ള്‍ സെ​ല്‍ ഡി​സീ​സ് എ​ന്ന​ത് ശ​രീ​ര​ത്തി​ലെ ചു​വന്ന ര​ക്താ​ണു​ക്ക​ളി​ല്‍ കാ​ണ​പ്പെ​ടു​ന്ന ഹീ​മോ​ഗ്ലോ​ബി​ന്‍ ത​ന്മാ​ത്ര​ക​ള്‍ക്ക് ത​ക​രാ​ര്‍ സം​ഭ​വി​ക്കു​ന്ന ജ​നി​ത​ക അ​വ​സ്ഥ​യാ​ണ്. സ്ത്രീ​ക​ളി​ലും പു​രു​ഷ​ന്മാ​രി​ലും ഈ ​രോ​ഗ​മു​ണ്ടാ​കാ​ന്‍ തു​ല്യ​സാ​ധ്യ​ത​യാ​ണു​ള്ള​ത്. അ​രി​വാ​ള്‍ രൂ​പ​ത്തി​ലു​ള്ള ഹീ​മോ​ഗ്ലോ​ബി​ന്‍ അ​ട​ങ്ങി​യ ചു​വന്ന ര​ക്താ​ണു​ക്ക​ള്‍ക്ക് രൂ​പ​മാ​റ്റം സം​ഭ​വി​ക്കു​ക​യും അ​വ ഒ​ട്ടി​പ്പി​ടി​ക്കാ​ന്‍ തു​ട​ങ്ങു​ക​യും ചെ​യ്യു​ന്നു. ഇ​ത്ത​ര​ത്തി​ലു​ള്ള ചു​മ​ന്ന ര​ക്താ​ണു​ക്ക​ള്‍ വേ​ഗം ന​ശി​ച്ചു​പോ​കു​ന്ന​തി​നാ​ല്‍ രോ​ഗി​യി​ല്‍ വി​ള​ര്‍ച്ച ഉ​ണ്ടാ​കു​ന്നു.

മാ​താ​പി​താ​ക്ക​ൾ അ​രി​വാ​ള്‍ രോ​ഗ വാ​ഹ​ക​രാ​ണെ​ങ്കി​ല്‍ ഗ​ര്‍ഭ​സ്ഥ​ശി​ശു​വി​ന് രോ​ഗം വ​രാ​നു​ള്ള സാ​ധ്യ​ത 25ശ​ത​മാ​ന​മാ​ണ്. ജീ​വി​ത​കാ​ലം മു​ഴു​വ​ന്‍ പ​രി​ശോ​ധ​ന​യും ചി​കി​ത്സ​യും വേ​ണ്ടി​വ​രു​ന്ന രോ​ഗ​മാ​ണി​ത്. കൈ, ​കാ​ല്‍, നെ​ഞ്ച് എ​ന്നി​വി​ട​ങ്ങ​ളി​ലെ ര​ക്ത​ക്കു​ഴ​ലു​ക​ള്‍ അ​ട​യ​ല്‍, കൈ​കാ​ലു​ക​ളി​ല്‍ വീ​ക്ക​വും വേ​ദ​ന​യും, വി​ള​ര്‍ച്ച, തു​ട​ര്‍ച്ച​യാ​യ പ​നി​യും അ​ണു​ബാ​ധ​യും, അ​ടി​ക്ക​ടി​യു​ള്ള മ​ഞ്ഞ​പ്പി​ത്തം, ക്ഷീ​ണം, വ​ള​ര്‍ച്ച മു​ര​ടി​പ്പ് എ​ന്നി​വ ഈ ​രോ​ഗ​ത്തി​ന്റെ ല​ക്ഷ​ണ​ങ്ങ​ളാ​ണ്. നാ​ലു​മാ​സം മു​ത​ല്‍ പ്രാ​യ​മു​ള്ള കു​ഞ്ഞു​ങ്ങ​ളി​ല്‍ ഇ​തി​ന്റെ ല​ക്ഷ​ണ​ങ്ങ​ള്‍ കാ​ണാം. ഇ​ത് കൃ​ത്യ​മാ​യ പ​രി​ശോ​ധി​ക്കു​വാ​നും രോ​ഗ പ​ക​ര്‍ച്ച ത​ട​യു​വാ​നു​മാ​ണ് ഈ ​ക്യാ​മ്പ​യി​ന്‍ ന​ട​പ്പാ​ക്കു​ന്ന​തെ​ന്ന് ജി​ല്ലാ മെ​ഡി​ക്ക​ല്‍ ഓ​ഫി​സ​ര്‍ (ആ​രോ​ഗ്യം) അ​റി​യി​ച്ചു.