കാഞ്ഞങ്ങാട് റെയിൽവേ സ്റ്റേഷനിൽ യാത്രക്കാർ ടിക്കറ്റ് കിട്ടാതെ മടങ്ങി

കാ​സ​ർ​കോ​ട്: കാ​ഞ്ഞ​ങ്ങാ​ട് റെ​യി​ൽ​​വേ സ്റ്റേ​ഷ​നി​ൽ നി​ന്നും മം​ഗ​ളൂ​രു​വി​ലേ​ക്കും ഷൊ​ർ​ണൂ​ർ ഭാ​ഗ​ത്തേ​ക്കും യാ​ത്ര​ചെ​യ്യാ​നാ​യി എ​ത്തി​യ​വ​ർ ടി​ക്ക​റ്റ് കി​ട്ടാ​തെ തി​രി​ച്ചു​പോ​യി. കു​റേ​പേ​ർ വ​രു​ന്ന​ത് വ​ര​ട്ടേ​യെ​ന്ന് ക​രു​തി ടി​ക്ക​റ്റി​ല്ലാ​തെ യാ​ത്ര ചെ​യ്തു. തി​രു​വോ​ണ​വും ച​ത​യം അ​വ​ധി​യും ക​ഴി​ഞ്ഞ് നാ​ട്ടി​ലേ​ക്കും ജോ​ലി സ്ഥ​ല​ത്തേ​ക്കും പ​ഠ​നാ​വ​ശ്യാ​ർ​ഥ​വും പോ​കാ​നെ​ത്തി​യ​വ​ർ​ക്കാ​ണ് ദു​ർ​ഗ​തി. മം​ഗ​ളൂ​രു-​നാ​ഗ​ർ​കോ​വി​ൽ പ​ര​ശു​റാം എ​ക്സ്പ്ര​സി​ന് എ​ത്തി​യ​വ​രാ​ണ് ഏ​റെ​യും ബു​ദ്ധി​മു​ട്ടി​യ​ത്. രാ​വി​ലെ ആ​റു​മ​ണി​ക്ക് കാ​ഞ്ഞ​ങ്ങാ​ടു​നി​ന്നും പു​​റ​പ്പെ​ടു​ന്ന ​ട്രെയി​നി​നു 5.45 ആ​കു​മ്പോ​ഴേ​ക്കും നീ​ണ്ട​നി​ര വ​ള​ഞ്ഞും പു​ള​ഞ്ഞും കൗ​ണ്ട​റി​നു മു​ന്നി​ൽ രൂ​പ​പ്പെ​ട്ടു. ഇ​തി​ൽ മം​ഗ​ളൂ​രു​വി​ലേ​ക്കു​ള്ള മാ​വേ​ലി എ​ക്സ്പ്ര​സി​നു പോ​കേ​ണ്ട യാ​ത്ര​ക്കാ​രു​മു​ണ്ടാ​യി​രു​ന്നു.

ആ​ശു​പ​ത്രി​യി​ലേ​ക്കാ​യി​രു​ന്നു ഏ​റെ​യും​പേ​ർ കാ​ത്തി​രു​ന്ന​ത്. കൗ​ണ്ട​റു​ക​ൾ നി​ര​വ​ധി​യു​ണ്ടെ​ങ്കി​ലും റി​സ​ർ​വേ​ഷ​ൻ, സീ​സ​ൺ ടി​ക്ക​റ്റു​ക​ൾ ഉ​ൾ​പ്പെ​ടെ ന​ൽ​കാ​ൻ ഒ​രു കൗ​ണ്ട​ർ മാ​ത്ര​മാ​ണു​ണ്ടാ​യ​ത്. ബാ​ക്കി​യു​ള്ള​വ​യെ​ല്ലാം 'ക്ലോ​സ്ഡ്' ബോ​ർ​ഡ് വെ​ച്ച് അ​ട​ച്ചി​ട്ടു​ണ്ടാ​യി​രു​ന്നു. കൃ​ത്യം ആ​റു​മ​ണി​ക്ക് ത​ന്നെ നാ​ഗ​ർ​കോ​വി​ൽ ഭാ​ഗ​ത്തേ​ക്കു​ള്ള പ​ര​ശു​​റാ​മും മം​ഗ​ളൂ​രു ഭാ​ഗ​ത്തേ​ക്കു​ള്ള മാ​വേ​ലി​യും എ​ത്തി​യ​തോ​ടെ ഉ​ന്തും​ത​ള്ളു​മാ​യി. ചി​ല​ർ ടി​ക്ക​റ്റ് എ​ടു​ക്കാ​തെ ട്ര​യി​നി​ൽ ക​യ​റി. മ​റ്റു ചി​ല​ർ മ​ട​ങ്ങി​പ്പോ​യി. വ​ന്ന​ ട്രെ​യിനു​ക​ൾ അ​തി​ന്റെ സ​മ​യം നോ​ക്കി​യും പോ​യി. രാ​വി​ലെ​യു​ള്ള ട്രെ​യി​നു​ക​ളു​ടെ പൊ​തു​സ്ഥി​തി ഇ​താ​ണ്. അ​വ​ധി ക​ഴി​ഞ്ഞ് പോ​കു​ന്ന​വ​ർ​ക്ക് കോ​ഴി​ക്കോ​ടു​വ​രെ​യു​ള്ള ഓ​ഫി​സു​ക​ളി​ൽ എ​ത്ത​ണ​മെ​ങ്കി​ൽ പ​ര​ശു​റാം​ത​ന്നെ ശ​ര​ണം.

സ്റ്റേ​ഷ​നി​ൽ പു​തി​യ കെ​ട്ടി​ടം​പ​ണി പൂ​ർ​ത്തി​യാ​യാ​ൽ ഈ ​പ്ര​തി​സ​ന്ധി​ക്ക് പ​രി​ഹാ​ര​മാ​കു​മെ​ന്നാ​ണ് ക​ണ​ക്കു​കൂ​ട്ട​ൽ. കോ​വി​ഡി​നു മു​മ്പ് തു​ട​ങ്ങി​യ​താ​ണ് പ്ര​വൃ​ത്തി. ഇ​നി​യും പൂ​ർ​ത്തി​യാ​യി​ട്ടി​ല്ല. റി​സ​ർ​വ്ഡ് ടി​ക്ക​റ്റ് കൗ​ണ്ട​ർ, അ​ൺ​റി​സ​ർ​വ് ടി​ക്ക​റ്റ് കൗ​ണ്ട​ർ, ഇ​ൻ​ഫ​ർ​മേ​ഷ​ൻ കൗ​ണ്ട​ർ എ​ല്ലാം ഇ​പ്പോ​ൾ ഒ​രു​മു​റി​ക്ക​ക​ത്താ​ണ്. പു​തി​യ കെ​ട്ടി​ടം പ്ര​വ​ർ​ത്ത​നക്ഷ​മ​മാ​യാ​ൽ ഈ ​സ്ഥി​തി മാ​റി​യേ​ക്കു​മെ​ന്നാ​ണ് പ​റ​യു​ന്ന​ത്. അ​തി​ലും ഉ​റ​പ്പി​ല്ല.

സ്റ്റേ​ഷ​ന്റെ തെ​ക്കു​ഭാ​ഗ​ത്ത് മ​റ്റൊ​രു കെ​ട്ടി​ട​ത്തി​നു​കൂ​ടി നി​ർ​ദേ​ശ​മു​ണ്ട്. വി.​ഐ.​പി ലോ​ഞ്ച്, വെ​ജ്-​നോ​ൺ വെ​ജ് ഹോ​ട്ട​ലു​ക​ൾ എ​ന്നി​വ​യൊ​ക്കെ വ​രു​മെ​ന്നാ​ണ് ക​രു​തു​ന്ന​ത്. എ​ന്നാ​ൽ, അ​ടി​സ്ഥാ​ന ആ​വ​ശ്യ​മാ​യ ടി​ക്ക​റ്റ് ല​ഭി​ക്കാ​നും യാ​ത്ര​ചെ​യ്യാ​നും​പോ​ലും പ​റ്റാ​ത്ത സ്ഥി​തി​യാ​ണ് ഇ​പ്പോ​ഴു​ള്ള​ത്.