ഓടിവരുന്ന അപകടം; ബസ് സ്റ്റാൻഡിൽ യാത്രക്കാരുടെ പരക്കംപാച്ചിൽ

നീ​ലേ​ശ്വ​രം: നീ​ലേ​ശ്വ​രം ന​ഗ​ര​സ​ഭ​യി​ലെ പു​തി​യ ബ​സ് സ്റ്റാ​ൻ​ഡി​ലെ​ത്തു​ന്ന യാ​ത്ര​ക്കാ​ർ അ​പ​ക​ട​ഭീ​തി​യെ തു​ട​ർ​ന്ന് പ​ര​ക്കം​പാ​യു​ന്നു. ബ​സ് സ്റ്റാ​ൻ​ഡി​ന​ക​ത്ത് ന​ഗ​ര​സ​ഭ പ്ര​ഖ്യാ​പി​ച്ച ട്രാ​ഫി​ക് ക്ര​മീ​ക​ര​ണം താ​ളം​തെ​റ്റി​യ​താ​ണ് യാ​ത്ര​ക്കാ​ർ​ക്ക് ദു​രി​ത​മാ​യ​ത്.ബ​സി​റ​ങ്ങി രാ​ജാ​റോ​ഡി​ലേ​ക്ക് ന​ട​ന്നു​നീ​ങ്ങു​മ്പോ​ൾ അ​ക​ത്ത് പ്ര​വേ​ശി​ക്കു​ന്ന ബ​സു​ക​ൾ യാ​ത്ര​ക്കാ​രു​ടെ നേ​രെ​യാ​ണ് ചീ​റി​പ്പാ​ഞ്ഞെ​ത്തു​ന്ന​ത്.

ജീ​വ​നി​ൽ കൊ​തി​യു​ള്ള യാ​ത്ര​ക്കാ​ർ ഓ​ടി​ര​ക്ഷ​പ്പെ​ടേ​ണ്ട അ​വ​സ്ഥ​യാ​ണ്. ബ​സ് അ​ക​ത്തു​ക​യ​റി നേ​രെ കെ​ട്ടി​ട​ത്തി​ന് അ​ഭി​മു​ഖ​മാ​യി നി​ർ​ത്തു​ക​യും തു​ട​ർ​ന്ന് യാ​ത്ര​ക്കാ​രെ ക​യ​റ്റി ബ​സ് പി​റ​കോ​ട്ടെ​ടു​ത്ത​ശേ​ഷം കി​ഴ​ക്കു​ഭാ​ഗ​ത്തു​കൂ​ടി പു​റ​ത്തേ​ക്ക് പോ​കാ​നാ​ണ് ന​ഗ​ര​സ​ഭ നി​ർ​ദേ​ശം ന​ൽ​കി​യ​ത്.എ​ന്നാ​ൽ, മി​ക്ക ബ​സു​ക​ളും സ​മ​യ​ത്തി​ന്റെ പ്ര​ശ്നം കാ​ര​ണം എ​ങ്ങ​നെ​യെ​ങ്കി​ലും നി​ർ​ത്തി ട്രാ​ഫി​ക് നി​യ​മം തെ​റ്റി​ച്ചാ​ണ് പോ​കു​ന്ന​ത്.

നി​ർ​ത്തി​യി​ടു​ന്ന ബ​സു​ക​ൾ പി​റ​കോ​ട്ടെ​ടു​ക്കു​മ്പോ​ഴാ​ണ് മ​റ്റൊ​രു അ​പ​ക​ട​സാ​ധ്യ​ത​യു​ള്ള​ത്. എ​ന്നി​ട്ടും ബ​സ് സ്റ്റാ​ൻ​ഡി​ൽ ബ​സു​ക​ളെ നി​യ​ന്ത്രി​ക്കാ​ൻ ഒ​രു പൊ​ലീ​സ് ഉ​ദ്യോ​ഗ​സ്ഥ​നെ പോ​ലും നി​യ​മി​ക്കാ​ൻ ബ​ന്ധ​പ്പെ​ട്ട​വ​ർ​ക്കാ​യി​ല്ല. ബ​സു​ക​ൾ നി​ർ​ദേ​ശം പാ​ലി​ക്കു​ന്നു​ണ്ടോ എ​ന്ന് നോ​ക്കാ​ൻ ന​ഗ​ര​സ​ഭ​ക്കും സ​മ​യ​മി​ല്ല. 125ഓ​ളം ഓ​ട്ടോ​യു​ള്ള സ​മീ​പ​ത്തെ സ്റ്റാ​ൻ​ഡി​ൽ 25 ഓ​ട്ടോ​ക്ക് മാ​ത്ര​മേ പാ​ർ​ക്ക് ചെ​യ്യാ​ൻ പ​റ്റു​ന്നു​ള്ളൂ.

ചി​ല ഓ​ട്ടോ​ക​ൾ അ​ടി​പ്പാ​ത​യി​ൽ പാ​ർ​ക്ക് ചെ​യ്യേ​ണ്ട സ്ഥി​തി​യാ​ണ്. ബ​സ് സ്റ്റാ​ൻ​ഡ് കെ​ട്ടി​ടം വ​ലു​തെ​ങ്കി​ലും 10 ബ​സു​ക​ൾ ഒ​രു​മി​ച്ച് അ​ക​ത്തു ക​യ​റി​യാ​ൽ ഗ​താ​ഗ​ത​സ്തം​ഭ​ന​ത്തി​നു​ത​ന്നെ കാ​ര​ണ​മാ​കു​ന്നു. കെ​ട്ടി​ട​ത്തി​ന്റെ പി​റ​കു​വ​ശ​ത്തേ​ക്ക് പോ​കാ​ൻ വ​ഴി​യി​ല്ലാ​ത്ത​ത് യാ​ത്ര​ക്കാ​ർ​ക്ക് മ​റ്റൊ​രു യാ​ത്രാ​ദു​രി​ത​മാ​ണ്.