കാ​സ​ർ​കോ​ട് ജില്ല പഞ്ചായത്ത്​ ബജറ്റ്​; ആരോഗ്യത്തിനും വിദ്യാഭ്യാസത്തിനും ഊന്നൽ

കാ​സ​ർ​കോ​ട്​: ആ​രോ​ഗ്യ വി​ദ്യാ​ഭ്യാ​സ മേ​ഖ​ല​യി​ൽ ഊ​ന്ന​ൽ ന​ൽ​കി​ക്കൊ​ണ്ട്​ ജി​ല്ല പ​ഞ്ചാ​യ​ത്ത്​ ബ​ജ​റ്റ് വൈ​സ്​ പ്ര​സി​ഡ​ന്റും ധ​ന​കാ​ര്യ സ്​​ഥി​രം​സ​മി​തി ചെ​യ​ർ​മാ​നു​മാ​യ ​ഷാ​ന​വാ​സ്​ പാ​ദൂ​ർ അ​വ​ത​രി​പ്പി​ച്ചു. ജി​ല്ല​യു​ടെ നാ​ല്‍പ​താം വാ​ര്‍ഷി​ക​ത്തി​ല്‍ നാ​ല്‍പ​ത് ജ​ന​കീ​യ പ​ദ്ധ​തി​ക​ള്‍ ഉ​ള്‍പ്പെ​ടു​ത്തി​യു​ള്ള ബ​ജ​റ്റാ​ണ്​ അ​വ​ത​രി​പ്പി​ച്ച​ത്. വാ​ര്‍ഷി​ക സ​മ്മാ​ന​മാ​യി 400 ഭ​വ​ന​ങ്ങ​ള്‍ നി​ര്‍മ്മി​ച്ച് ന​ല്‍കു​ന്ന നി​കേ​ത​നം - ന​വ​കേ​ര​ള ഭ​വ​ന പ​ദ്ധ​തി​യും ബ​ജ​റ്റി​ൽ ഉ​ണ്ട്. 84 വി​ദ്യാ​ല​യ​ങ്ങ​ളി​ല്‍ പ​ശ്ചാ​ത്ത​ല സൗ​ക​ര്യ​മൊ​രു​ക്കാ​ൻ 16 കോ​ടി രൂ​പ വ​ക​യി​രു​ത്തി.

വി​ദ്യാ​ര്‍ഥി​ക​ളു​ടെ ഇം​ഗ്ലീ​ഷ് പ്രാ​വീ​ണ്യം മെ​ച്ച​പ്പെ​ടു​ത്താ​ന്‍ ഇ ​ക്യൂ​ബ് (എ​ന്‍ജോ​യ്, എ​ന്‍ഹാ​ന്‍സ്, എ​ൻറി​ച്ച്) പ​ദ്ധ​തി. മി​ക​ച്ച വി​ജ​യം ഉ​റ​പ്പാ​ക്കാ​ന്‍ എ​ക്വി​പ് പ​ദ്ധ​തി. വി​ദ്യാ​ര്‍ഥി​ക​ളു​ടെ ശാ​സ്ത്ര വാ​സ​ന​ക​ള്‍ സ​ണ്‍ഡേ ലാ​ബു​ക​ള്‍. സ്​​കൂ​ളു​ക​ളി​ൽ ഓ​പ​ണ്‍ ജിം ​എ​ന്നി​വ ശ്ര​ദ്ധേ​യ​മാ​യ നി​ർ​ദേ​ശ​ങ്ങ​ളാ​യി. മി​ക​ച്ച ചി​കി​ത്സ ഉ​റ​പ്പാ​ക്കാ​ന്‍ 13.80 കോ​ടി​യും വ​ക​യി​രു​ത്തി. ജി​ല്ല ആ​ശു​പ​ത്രി​ക്ക് സ്ഥ​ലം വാ​ങ്ങു​ന്ന​തി​നാ​യി 1.50 കോ​ടി​യും​വ​ക​യി​രു​ത്തി. പാ​ലി​യേ​റ്റി​വ് പ​രി​ശീ​ല​ന കേ​ന്ദ്ര​ത്തി​നാ​യി ഒ​രു കോ​ടി രൂ​പ​യും പാ​ലി​യേ​റ്റി​വ് നേ​ഴ്സു​മാ​ര്‍ക്കും സ​ഹാ​യി​ക​ള്‍ക്കു​മു​ള്ള പ​രി​ശീ​ല​ന കേ​ന്ദ്ര​ത്തി​ന്​ 35 ല​ക്ഷം രൂ​പ​യും വ​ക​യി​രു​ത്തി.

സ്ത്രീ​ക​ളെ​യും കു​ട്ടി​ക​ളെയും ചേ​ർത്തുപി​ടി​ച്ച് പ​ദ്ധ​തി​ക​ള്‍

ചി​ല്‍ഡ്ര​ൻസ് പാ​ര്‍ക്കി​ന് ഒ​രു കോ​ടി​യും വ​നി​ത​ക​ള്‍ക്ക് ഷി ​ജി​മ്മി​ന് 50 ല​ക്ഷ​വും​ന​ൽ​കും. കു​ടും​ബ​ശ്രീ​ക്ക് 1.5 കോ​ടി വ​ക​യി​രു​ത്തി.പെ​ണ്‍കു​ട്ടി​ക​ളു​ടെ ആ​ര്‍ത്ത​വ ശു​ചി​ത്വം ഉ​റ​പ്പാ​ക്കാ​ന്‍ മെ​ന്‍സ്ട്രു​വല്‍ ക​പ്പു​ക​ള്‍ വി​ത​ര​ണം ചെ​യ്യും.34 അം​ഗ​ൻ​വാ​ടി​ക​ള്‍ക്ക് കെ​ട്ടി​ടം നി​ർ​മി​ക്കാ​ന്‍ 1.50 കോ​ടി വ​ക​യി​രു​ത്തി.

തൃ​ത​ല പ​ഞ്ചാ​യ​ത്ത്, കെ.​ഡി.​പി സ​ഹ​ക​ര​ണ​ത്തോ​ടെ പ​ദ്ധ​തി ന​ട​പ്പാ​ക്കും. ജി​ല്ല പ​ഞ്ചാ​യ​ത്ത് പ്ര​സി​ഡ​ന്റ് പി. ​ബേ​ബി ബാ​ല​കൃ​ഷ്ണ​ന്‍ ആ​മു​ഖ പ്ര​സം​ഗം ന​ട​ത്തി. സ്ഥി​രം​സ​മി​തി അ​ധ്യ​ക്ഷ​ന്‍മാ​ര്‍, ഡി​വി​ഷ​ന്‍ അം​ഗ​ങ്ങ​ള്‍, ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്റുമാ​ർ സം​സാ​രി​ച്ചു.