ദേശാഭിമാനി പത്രത്തിൽ 'കള്ളൻ വിജയൻ' വിവാദം; വാരാന്തപ്പതിപ്പ് ന‍്യൂസ് എഡിറ്റർ രാജിവെച്ചു

തി​രു​വ​ന​ന്ത​പു​രം: ‘ക​ള്ള​ൻ വി​ജ​യ​ൻ’ ലേ​ഖ​ന വി​വാ​ദ​ത്തി​ന് പി​ന്നാ​ലെ ദേ​ശാ​ഭി​മാ​നി വാ​രാ​ന്ത​പ്പ​തി​പ്പ് ചു​മ​ത​ല​യു​ണ്ടാ​യി​രു​ന്ന ന്യൂ​സ് എ​ഡി​റ്റ​ർ കെ.​ആ​ർ. അ​ജ​യ​ൻ രാ​ജി​വെ​ച്ചു. വി​വാ​ദ​ത്തെ തു​ട​ർ​ന്ന്​ ദീ​ർ​ഘ​കാ​ല അ​വ​ധി​യി​ൽ പ്ര​വേ​ശി​ക്കു​ക​യോ അ​ല്ലെ​ങ്കി​ൽ രാ​ജി​വെ​ക്കു​ക​യോ വേ​ണ​മെ​ന്ന് മാ​നേ​ജ്‌​മെ​ന്റ് നി​ർ​ദേ​ശി​ച്ചി​രു​ന്നു. ഒ​രു മാ​സ​ത്തോ​ള​മാ​യി അ​ജ​യ​ൻ ഓ​ഫി​സി​ൽ എ​ത്തി​യി​രു​ന്നി​ല്ല. വാ​രാ​ന്ത​പ്പ​തി​പ്പി​ന്റെ ചു​മ​ത​ല പ​ത്രാ​ധി​പ സ​മി​തി മ​റ്റൊ​രാ​ളെ ഏ​ൽ​പ്പി​ക്കു​ക​യും ചെ​യ്തി​രു​ന്നു. ഇ​തി​നെ​ല്ലാം പി​ന്നാ​ലെ​യാ​ണ് ഇ​നി ഏ​താ​നും മാ​സം മാ​ത്രം സ​ർ​വി​സ് ബാ​ക്കി​യി​രി​ക്കെ രാ​ജി.

തി​രു​വ​ന​ന്ത​പു​രം പു​ല്ല​മ്പാ​റ​യി​ലെ നാ​ട​ക ക​ലാ​കാ​ര​ൻ വി​ജ​യ​നെ​ക്കു​റി​ച്ച് ദേ​ശാ​ഭി​മാ​നി വാ​രാ​ന്ത​പ്പ​തി​പ്പി​ൽ ത​യാ​റാ​ക്കി​യ ഫീ​ച്ച​റി​ന് ‘ക​ള്ള​ൻ വി​ജ​യ​ൻ, ധ​ന്യ നാ​ട​ക​ഗ്രാ​മം, മു​ത്തി​പ്പാ​റ പി.​ഒ’ എ​ന്ന് ത​ല​ക്കെ​ട്ട് ന​ൽ​കി​യ​താ​ണ് വി​വാ​ദ​ത്തി​ന്റെ തു​ട​ക്കം. വി.​എ​സ്. അ​ച്യു​താ​ന​ന്ദ​ന്റെ ഒ​ന്നാം ച​ര​മ​വാ​ർ​ഷി​ക അ​നു​സ്മ​ര​ണ പ​തി​പ്പാ​യി പു​റ​ത്തി​റ​ക്കേ​ണ്ടി​യി​രു​ന്ന വാ​രാ​ന്ത​പ്പ​തി​പ്പി​ന്റെ ഉ​ൾ​പേ​ജി​ലാ​ണ് ഈ ​ലേ​ഖ​നം ഉ​ൾ​പ്പെ​ട്ട​ത്. എ​ന്നാ​ൽ, ത​ല​ക്കെ​ട്ട് രാ​ഷ്ട്രീ​യ എ​തി​രാ​ളി​ക​ൾ പി​ണ​റാ​യി വി​ജ​യ​നെ​തി​രെ ദു​ർ​വ്യാ​ഖ്യാ​നം ചെ​യ്യാ​ൻ സാ​ധ്യ​ത​യു​ണ്ടെ​ന്ന വി​ല​യി​രു​ത്ത​ലി​ൽ സ​പ്ലി​മെ​ന്റ് പി​ൻ​വ​ലി​ക്കു​ക​യും പി​റ്റേ​ന്ന് ക​ള്ള​ൻ വി​ജ​യ​നെ കു​റി​ച്ച ലേ​ഖ​നം ഒ​ഴി​വാ​ക്കി പു​റ​ത്തി​റ​ക്കു​ക​യു​മാ​യി​രു​ന്നു. ഒ​ന്നാം പേ​ജി​ൽ വി.​എ​സി​ന്റെ ഓ​ർ​മ​ക്കു​റി​പ്പാ​യി ‘മു​ഴ​ങ്ങു​ന്നി​പ്പോ​ഴും ആ ​ക​ട​ലി​ര​മ്പം’ എ​ന്ന​തി​ലെ ‘ക​ട​ലി​ര​മ്പം’ എ​ന്ന പ്ര​യോ​ഗം പ​ഴ​യ വി.​എ​സ്-​പി​ണ​റാ​യി വി​ഭാ​ഗീ​യ കാ​ല​ഘ​ട്ട​ത്തെ​യും അ​തി​ലെ ആ​ഭ്യ​ന്ത​ര ത​ർ​ക്ക​ങ്ങ​ളെ​യും ഓ​ർ​മി​പ്പി​ക്കു​മെ​ന്ന സം​ശ​യ​വും സി.​പി.​എം നേ​തൃ​ത്വ​ത്തി​നു​ണ്ടാ​യി​രു​ന്നു.

എ​ഡി​റ്റോ​റി​യ​ൽ ചു​മ​ത​ല​യു​ണ്ടാ​യി​രു​ന്ന കെ.​ആ​ർ. അ​ജ​യ​ന് മാ​നേ​ജ്‌​മെ​ന്റ് കാ​ര​ണം കാ​ണി​ക്ക​ൽ നോ​ട്ടീ​സ് ന​ൽ​കി​യി​രു​ന്നു. എ​ന്നാ​ൽ, ത​ല​ക്കെ​ട്ടി​ൽ പാ​ർ​ട്ടി വി​രു​ദ്ധ​മാ​യി ഒ​ന്നു​മി​ല്ലെ​ന്ന നി​ല​പാ​ടി​ലാ​യി​രു​ന്നു അ​ദ്ദേ​ഹം. പി​ന്നാ​ലെ​യാ​ണ് രാ​ജി​യോ അ​വ​ധി​യോ എ​ന്ന നി​ർ​ദേ​ശ​മു​ണ്ടാ​യ​ത്. ക​ള്ള​ൻ വി​ജ​യ​നെ​ക്കു​റി​ച്ച ലേ​ഖ​നം വാ​രാ​ന്ത​പ​തി​പ്പി​ലി​ല്ലെ​ന്ന് ആ​ദ്യം വ്യ​ക്ത​മാ​ക്കി​യ റ​സി​ഡ​ന്റ് എ​ഡി​റ്റ​ർ എം. ​സ്വ​രാ​ജ്, പി​ന്നീ​ട് അ​ങ്ങ​നെ​യൊ​രു ലേ​ഖ​നം ദേ​ശാ​ഭി​മാ​നി​യി​ലേ​ക്ക് വ​ന്നി​ട്ടു​ണ്ടോ എ​ന്ന​ത് മ​റ്റു​ള്ള​വ​ർ​ക്ക് മു​ന്നി​ൽ വി​ശ​ദീ​ക​രി​ക്കേ​ണ്ട ആ​വ​ശ്യ​മി​ല്ലെ​ന്ന്​ വ്യ​ക്​​ത​മാ​ക്കി. അ​തി​നി​ടെ, അ​ജ​യ​ൻ അ​നു​വാ​ദം ത​ന്ന​തി​നെ തു​ട​ർ​ന്നാ​ണ് ക​ള്ള​ൻ വി​ജ​യ​നെ​ക്കു​റി​ച്ച് ദേ​ശാ​ഭി​മാ​നി​ക്കാ​യി ഫീ​ച്ച​ർ ത​യാ​റാ​ക്കി​യ​തെ​ന്ന് വി​ശ​ദീ​ക​രി​ച്ച് ടി.​സി. രാ​ജേ​ഷ് രം​ഗ​ത്തെ​ത്തി​യി​രു​ന്നു.