പാലാ ബിഷപ്പിനെ സംഘ് പരിവാർ സംരക്ഷിക്കേണ്ട -കെ. മുരളീധരൻ

കോഴിക്കോട്: നാർകോട്ടിക് ജിഹാദ് പരാമർശത്തിൽ പാലാ ബിഷപ്പിനെ സംരക്ഷിക്കാൻ സംഘ് പരിവാറിൻെറ ആവശ്യമില്ലെന്ന് കെ. മുരളീധരൻ എം.പി. ഈ കാര്യത്തിൽ സംഘ് പരിവാർ ശക്തികൾക്ക് ഇവിടെ കാലൂന്നാനുള്ള അവസരം ഉണ്ടാക്കരുതെന്നും അദ്ദേഹം മാധ്യമപ്രവർത്തകരോട് പറഞ്ഞു.

Also Read:സമുദായങ്ങളെ ഭിന്നിപ്പിക്കാൻ ആരും ഇന്ധനം നൽകരുത്​; പാലാ ബിഷപ്പിനെതിരെ പി.ടി തോമസ്​ എം.എൽ.എ

പാലാ ബിഷപ്പിനെ സംരക്ഷിക്കാൻ അദ്ദേഹത്തിൻെറ രൂപതയിൽപെട്ട വിശ്വാസികൾ തന്നെ ധാരാളമാണ്. അതിന് സംഘ്പരിവാറിൻെറ ആവശ്യമില്ല. അദ്ദേഹത്തെ ആരും ആക്രമിക്കുന്നില്ല. ചില തെറ്റുകൾ ഏത് ഭാഗത്തുണ്ടെങ്കിലും ചൂണ്ടിക്കാണിക്കേണ്ടത് ഈ സമൂഹത്തിലെ എല്ലാവരുടെയും ചുമതലയാണ്. അത് മാത്രമാണ് ഞങ്ങൾ പറഞ്ഞത്.

Also Read:'സമൂഹത്തെ വിഭജിക്കു​ന്നവരും​ ആർ.എസ്​.എസും എന്ത് വ്യത്യാസം'; പാലാ ബിഷപ്പിനെതിരെ കാനം

ബിഷപ്പ് പറഞ്ഞ മദ്യ, മയക്കുമരുന്ന് മാഫിയ സംസ്ഥാനത്ത് പ്രവർത്തിക്കുന്നുണ്ട്, എന്നാൽ അതിനെ ഒരു മതത്തിൻെറ തലയിൽ കെട്ടിവെക്കരുത്. അത് മാത്രമാണ് അഭിപ്രായവ്യത്യാസം. ഈ കാര്യത്തിൽ സംഘ് പരിവാർ ശക്തികൾക്ക് ഇവിടെ കാലൂന്നാനുള്ള അവസരം ഉണ്ടാക്കരുത് എന്ന് മാത്രമേ ഞങ്ങൾ പറയുന്നുള്ളൂ -കെ. മുരളീധരൻ വ്യക്തമാക്കി.

Also Read:​'ചേരിതിരിവ്​ ഉണ്ടാക്കരുത്​'; പാലാ ബിഷപ്പിനെ വിമർശിച്ച്​ മുഖ്യമന്ത്രി

രണ്ടു പ്രബല ശക്തികൾ തമ്മിൽ എന്തെങ്കിലും പ്രശ്നമുണ്ടെങ്കിൽ അത് പരിഹരിക്കേണ്ട ചുമതല ഗവൺമെൻറിനാണെന്നും അദ്ദേഹം കൂട്ടിച്ചേർത്തു.