നിമിഷപ്രിയ വിഷയത്തിൽ ഇടപെട്ടത് ഒരു മനുഷ്യൻ എന്ന നിലയിൽ -കാന്തപുരം

കോ​ഴി​ക്കോ​ട്​: ബു​ധ​നാ​ഴ്ച ന​ട​പ്പാ​ക്കേ​ണ്ടി​യി​രു​ന്ന നി​മി​ഷ​പ്രി​യ​യു​ടെ വ​ധ​ശി​ക്ഷ നീ​ട്ടി​വെ​ച്ച​ത്​ ആ​ശ്വാ​സ​മാ​ണെ​ന്ന്​ ഇ​തി​നാ​യി ഇ​ട​പെ​ട്ട കാ​ന്ത​പു​രം അ​ബൂ​ബ​ക്ക​ർ മു​സ്​​ലി​യാ​ർ മാ​ധ്യ​മ​പ്ര​വ​ർ​ത്ത​ക​രോ​ട്​ പ​റ​ഞ്ഞു. യ​മ​ൻ പ​ബ്ലി​ക് പ്രോ​സി​ക്യൂ​ഷ​ൻ പ്ര​ത്യേ​ക ക്രി​മി​ന​ൽ കോ​ട​തി ജ​ഡ്ജി റി​സ്‌​വാ​ൻ അ​ഹ​മ്മ​ദ് അ​ൽ-​വ​ജ്റ, സ്വാ​രി​മു​ദ്ദീ​ൻ മു​ഫ​ദ്ദ​ൽ എ​ന്നി​വ​ർ ഒ​പ്പി​ട്ട വി​ധി​പ്പ​ക​ർ​പ്പി​ലാ​ണ്​ ശി​ക്ഷ ന​ട​പ്പാ​ക്കു​ന്ന​ത്​ നീ​ട്ടി​യ​താ​യി വ്യ​ക്ത​മാ​ക്കി​യ​ത്​. കൊ​ല്ല​പ്പെ​ട്ട ത​ലാ​ലി​ന്‍റെ കു​ടും​ബ​വു​മാ​യു​ള്ള ച​ർ​ച്ച​യും വ​ധ​ശി​ക്ഷ​യി​ൽ നി​ന്ന് ഒ​ഴി​വാ​കാ​നു​ള്ള നീ​ക്ക​വും ഇ​നി​യും തു​ട​രേ​ണ്ട​തു​ണ്ടെ​ന്ന്​ അ​ദ്ദേ​ഹം കൂ​ട്ടി​ച്ചേ​ർ​ത്തു.

വി​ഷ​യ​ത്തി​ൽ ഇ​ട​പെ​ട​ണ​മെ​ന്നാ​വ​ശ്യ​പ്പെ​ട്ട്​ ചാ​ണ്ടി ഉ​മ്മ​ൻ എം.​എ​ൽ.​എ ക​ഴി​ഞ്ഞ വെ​ള്ളി​യാ​ഴ്ച​യാ​ണ് ത​ന്നെ സ​മീ​പി​ച്ച​ത്. ഒ​രു ഇ​ന്ത്യ​ൻ പൗ​ര​ൻ വി​ദേ​ശ രാ​ജ്യ​ത്ത് വ​ധ​ശി​ക്ഷ കാ​ത്തു​ക​ഴി​യു​മ്പോ​ൾ അ​തി​ൽ ഇ​ട​പെ​ട്ട് മ​നു​ഷ്യ​ത്വ​പ​ര​മാ​യ പ​രി​ഹാ​രം കാ​ണു​ക​യെ​ന്ന​ത്‌ ദേ​ശീ​യ താ​ൽ​പ​ര്യ​മാ​ണെ​ന്ന ബോ​ധ്യ​ത്തി​ൽ​നി​ന്നാ​ണ് താ​ൻ ഇ​ട​പെ​ട​ലി​ന് മു​തി​ർ​ന്ന​ത്. യ​മ​നി​ലെ ത​രീ​മി​ലു​ള്ള ആ​ത്മ​സു​ഹൃ​ത്തും സൂ​ഫി പ​ണ്ഡി​ത​നും യ​മ​നീ മു​സ്‌​ലിം​ക​ൾ​ക്കി​ട​യി​ൽ വ​ലി​യ സ്വാ​ധീ​ന​വു​മു​ള്ള ഹ​ബീ​ബ് ഉ​മ​ർ ബി​ൻ ഹ​ഫീ​ളു​മാ​യി വി​ഷ​യം ച​ർ​ച്ച ചെ​യ്തു.

ഹ​ബീ​ബ് ഉ​മ​റി​ന്‍റെ ഓ​ഫി​സ് നോ​ർ​ത്ത് യ​മ​ൻ ഭ​ര​ണ​കൂ​ട​വു​മാ​യും, ഇ​ര​യു​ടെ കു​ടും​ബ​വു​മാ​യും ബ​ന്ധ​പ്പെ​ടു​ക​യും അ​നു​ന​യ ശ്ര​മ​ങ്ങ​ൾ ആ​രം​ഭി​ക്കു​ക​യും ചെ​യ്തു. തു​ട​ർ​ന്നാ​ണ്​​ ഹ​ബീ​ബ് ഉ​മ​റി​ന്‍റെ പ്ര​തി​നി​ധി ഹ​ബീ​ബ് അ​ബ്ദു​റ​ഹ്മാ​ൻ അ​ലി മ​ശ്ഹൂ​ർ, യ​മ​ൻ ഭ​ര​ണ​കൂ​ട പ്ര​തി​നി​ധി​ക​ൾ, സ​ന​യി​ലെ ജി​നാ​യ​ത്ത് കോ​ട​തി സു​പ്രീം ജ​ഡ്ജി, കൊ​ല്ല​പ്പെ​ട്ട ത​ലാ​ലി​ന്‍റെ സ​ഹോ​ദ​ര​ൻ, ഗോ​ത്ര ത​ല​വ​ന്മാ​ർ എ​ന്നി​വ​ർ പ​​ങ്കെ​ടു​ത്ത യോ​ഗം ന​ട​ന്ന​ത്.

കു​ടും​ബ​വു​മാ​യി ച​ർ​ച്ച​ചെ​യ്ത്​ നി​ല​പാ​ട് വ്യ​ക്ത​മാ​ക്കാ​മെ​ന്നാ​ണ് ത​ലാ​ലി​ന്‍റെ ബ​ന്ധു​ക്ക​ൾ യോ​ഗ​ത്തി​ൽ അ​റി​യി​ച്ച​ത്. ശി​ക്ഷാ ന​ട​പ​ടി​ക​ൾ നീ​ട്ടി​വെ​ക്കാ​നു​ള്ള ധാ​ര​ണ കു​ടും​ബാം​ഗ​ങ്ങ​ൾ​ക്കി​ട​യി​ൽ ഉ​ണ്ടാ​ക്കി​യ​തി​നെ തു​ട​ർ​ന്നാ​ണ് ശി​ക്ഷ നീ​ട്ടി​വെ​ച്ചു​ള്ള വി​ധി പു​റ​ത്തു​വ​ന്ന​തെ​ന്നും കാ​ന്ത​പു​രം പ​റ​ഞ്ഞു. ച​ർ​ച്ച​യു​ടെ പു​രോ​ഗ​തി പ്ര​ധാ​ന​മ​ന്ത്രിയു​ടെ ഓ​ഫി​സി​നെ ഔ​ദ്യോ​ഗി​ക​മാ​യി അ​റി​യി​ച്ചി​ട്ടു​ണ്ടെ​ന്നും അ​ദ്ദേ​ഹം വ്യ​ക്ത​മാ​ക്കി.

കാന്തപുരം എ.പി അബൂബക്കർ മുസ്‌ലിയാരുടെ അഭ്യർഥനയെ തുടർന്ന് യമനിലെ പ്രമുഖ പണ്ഡിതനും സൂഫിവര്യനുമായ ശൈഖ് ഹബീബ് ഉമർ ബിൻ ഹഫീളിന്‍റെ ഇടപെടലിലാണ് മതപണ്ഡിതരും ജഡ്ജിമാരും അടക്കമുള്ളവർ ഇന്നലെയും ഇന്നും നടത്തിയ കൂടിയാലോചനക്ക് ശേഷം ഇന്ന് നടത്താനിരുന്ന നിമിഷപ്രിയയുടെ വധശിക്ഷ മാറ്റിവെക്കാൻ തീരുമാനിച്ചത്. ശൈഖ് ഹബീബ് ഉമർ ബിൻ ഹഫീൾ വഴിയുള്ള ഇടപെടലാണ് കൊല്ലപ്പെട്ട തലാലിന്റെ കുടുംബത്തിനെ പുനരാലോചനക്ക് സമ്മതിപ്പിച്ചത്.

ശൈഖ് ഹബീബ് ഉമറിന്റെ നിർദേശത്തെ കൊല്ലപ്പെട്ട തലാലിന്‍റെ കുടുംബം മാനിക്കുകയാണ് ചെയ്തത്. തലാലിന്റെ അടുത്ത ബന്ധുവും ഹുദൈദ സ്റ്റേറ്റ് കോടതി ചീഫ് ജസ്റ്റിസും യമൻ ശൂറാ കൗൺസിലിന്റെ അംഗവുമായ വ്യക്തി ശൈഖ് ഹബീബ് ഉമറിന്റെ നിർദേശ പ്രകാരം ചർച്ചയിൽ പങ്കെടുക്കാൻ തലാലിന്റെ നാടായ ദമാറിൽ എത്തിയത്. ശൈഖ് ഹബീബ് ഉമറിന് വേണ്ടി അനുയായി ഹബീബ് മഷ്റൂഖാണ് ചർച്ചയിൽ പങ്കെടുത്തത്. തുടർ ചർച്ചയിൽ ദിയാധനം സ്വീകരിക്കുന്നത് അടക്കമുള്ള കാര്യത്തിൽ അന്തിമ തീരുമാനം ഉണ്ടാക്കാനുള്ള ശ്രമത്തിലാണ്.

2017 ജൂലൈയിലാണ് കേസിനാസ്പദമായ സംഭവം നടന്നത്. യമൻ പൗരനായ അബ്ദുമഹ്ദിയെ പാലക്കാട് കൊല്ലങ്കോട് തേക്കിന്‍ചിറ സ്വദേശിനി നിമിഷ പ്രിയയും കൂട്ടുകാരിയും ചേര്‍ന്ന് കൊലപ്പെടുത്തി മൃതദേഹം വീടിന് മുകളിലെ ജലസംഭരണിയില്‍ ഒളിപ്പിച്ചുവെന്നാണ് കേസ്. ആഗസ്റ്റില്‍ നിമിഷ പ്രിയയെ പൊലീസ് അറസ്റ്റ് ചെയ്തു.

രക്ഷപ്പെടാന്‍ ശ്രമിക്കുന്നതിനിടെ പിടിയിലായ നിമിഷയെ വിചാരണക്ക് ശേഷം 2018ലാണ് യമന്‍ കോടതി വധശിക്ഷക്ക് വിധിച്ചത്. 2023ൽ വധശിക്ഷ റദ്ദാക്കാനുള്ള അന്തിമ അപേക്ഷ തള്ളിയിരുന്നു. വധശിക്ഷ നടപ്പാക്കാന്‍ യമന്‍ പ്രസിഡന്റ് റഷാദ് അല്‍ അലീമി അനുമതി നൽകുകയും ചെയ്തു.

നിമിഷ പ്രിയയെ രക്ഷിക്കാനുള്ള ഏക മാര്‍ഗം തലാലിന്റെ കുടുംബത്തിന് ദിയാധനം നല്‍കുകയായിരുന്നു. തലാലിന്റെ കുടുംബത്തെ നേരില്‍ കണ്ട് മാപ്പ് അപേക്ഷിക്കുന്നതിന് വേണ്ടി നിമിഷ പ്രിയയുടെ അമ്മ പ്രേമകുമാരി യമനില്‍ പോയിരുന്നു. കഴിഞ്ഞ ഒരു വർഷമായി പ്രേമകുമാരി യമനിൽ കഴിയുകയാണ്. തലാലിന്റെ കുടുംബവുമായും ഗോത്രത്തലവന്മാരുമായും മുമ്പ് നടത്തിയ ചര്‍ച്ചകള്‍ ഫലം കണ്ടിരുന്നില്ല.