കടലോളം വലുതാണ്​ അവർക്ക്​ വോട്ട്​ -VIDEO

സമയം വൈകിട്ട്​ 3.30. കത്തുന്ന സൂര്യന്​ താഴെ പൊന്നാനി ഹാർബറിന്​ മുന്നിൽ കടൽ ഇളകി​ മറിയുന്നു. ജെറീബി​​​െൻറ ഉടമസ് ​ഥതയിലുള്ള ‘ജാബിർ മോൻ’ എന്ന ചെറു ബോട്ട്​ ഹാർബറിൽ നിന്ന്​ പതു​ക്കെ മുരണ്ടു നീങ്ങി. കടൽ കനിയുന്നത്​ തേടി പിടിക ്കാൻ​ ആഴക്കടലിലേക്കാണ്​ യാത്ര.

സക്കീർ, സാദിഖ്​, അത്തീഖ്​, അയ്യൂബ്​​, ജാഫർ അലി, കുന്നൻ ബാവ, യൂനുസ്​ എന്നിവരാണ ്​​ സംഘത്തിലുള്ളത്​​. ജീവൻ വാരിപ്പിടിച്ച്​ തിരമാലകൾക്കിടയിൽ ജീവനോപാധി തേടുന്നവർ. സൂര്യ​​​െൻറ താപമൊന്നും അവർക്ക്​ പ്ര​ശ്​​നമേ അല്ല. ലോക്​സഭ തെരഞ്ഞെടുപ്പി​​​െൻറ ചൂടറിയാൻ പൊന്നാനി മണ്ഡലത്തിലൂടെ നടത്തിയ യാത്രക്കി ടയിലാണ്​ ഞങ്ങൾ അവരോടൊപ്പം കൂടിയത്​.

കടലിലെ ഒരു പകൽ ജീവിതം അറിയാൻ. വിലയേറിയ വോട്ടഭിപ്രായങ്ങൾ കേൾക്ക ാൻ. തിരമാലകൾക്ക്​ മുകളിലൂടെ ആടിയുലഞ്ഞ്​ ജാബിർ മോൻ​ പതുക്കെ ഹാർബർ വിട്ടു. ഇളകിമറിയുന്ന തിരകൾക്ക്​ മീതെ ബോട്ട്​ പൊങ്ങിയും താഴ്​ന്നും നീങ്ങിയപ്പോൾ ഉള്ളിലൊരാളൽ. വീഴാതിരിക്കാൻ കയറിൽ മുറുകെ പിടിക്കേണ്ടി വന്നു. ബാലൻസ്​ തെറ്റി കാമറ കൈയിൽ നിന്ന്​ പോകുമോ എന്ന ആധിയായിരുന്നു ​ഫോ​ട്ടോഗ്രാഫർ മുസ്​തഫ അബൂബക്കറിന്​​. കണ്ണുകളിൽ നിന്ന്​ ഹാർബറും പുലിമുട്ടുമൊക്കെ അകലാൻ തുടങ്ങി.

ഇരച്ചെത്തിയ തിരമാലകളിൽ ചിലത്​ ബോട്ടിനടിയിലിടിച്ച്​​ മുഖത്തേക്ക്​ ഉപ്പുവെള്ളം തെറിപ്പിച്ചു. അന്നം തേടിയുള്ള യാത്രക്കിടയിലും ജീവജലം പോലെ രാഷ്​ട്രീയവും കൂടെ കൊണ്ടുനടക്കുന്നവരാണ്​​ ബോട്ടിലുള്ളതെന്ന്​ തെരഞ്ഞെടുപ്പിനെ കുറിച്ച്​ ചോദി​ച്ച്​ തുടങ്ങിയപ്പോൾ തന്നെ ബോധ്യമായി. ഹാർബർ നിർമാണത്തിലെ അപാകതകളും മത്സ്യത്തൊഴിലാളികൾ അനുഭവിക്കുന്ന പ്രയാസങ്ങളുമൊക്കെ പറഞ്ഞ്​ തുടങ്ങിയ ചർച്ച തെരഞ്ഞെടുപ്പി​േലക്ക്​ കടന്നതോടെ കടലിലെ ചൂട്​ ബോട്ടിനകത്തേക്കും പടർന്നു.

വാക്കുകൾക്ക്​ മൂർച്ച കൂടി. സക്കീർ ഭായിയും സി.പി​.ഐക്കാരനായ അയ്യൂബും പലപ്പോഴും കൊമ്പു കോർത്തു. പാരമ്പര്യമായി ഇടതുപക്ഷത്തി​നാണ്​ വോട്ട്​ നൽകിയിരുന്നതെന്നും ഇത്തവണ കുടുംബ സമേതം ഇ.ടി മുഹമ്മദ്​ ബഷീറിനാണ്​ ​കൊടുക്കുകയെന്നും സക്കീർ ഭായ്​ നയം വ്യക്​തമാക്കി. കോടികൾ മുടക്കി ഹാർബർ നിർമിച്ചിട്ടും ബോട്ടുകൾ അടുപ്പിക്കാനാവാത്തതി​​​െൻറ ദേഷ്യം മുഴുവൻ ആ വാക്കുകളിൽ നുരഞ്ഞു. സ്വന്തം ചിഹ്​നത്തിൽ ഒരാളെ നിർത്താൻ പോലും എൽ.ഡി.എഫിനായില്ലെന്ന്​ പറഞ്ഞ്​ അയൂബി​​​​െൻറ മുഖത്തേക്ക്​ ചൂണ്ടി സക്കീർ രോഷാകുലനായി. ഇടതു സ്​ഥാനാർഥി വൻ ഭൂരിപക്ഷത്തിൽ ജയിക്കുമെന്നായിരുന്നു അയൂബി​​​െൻറ മറുപടി.

ഹാർബർ നിർമാണത്തിൽ അപാകതകളുണ്ടെന്ന്​ സമ്മതിക്കു​േമ്പാഴും​ അത്​ പരിഹരിക്കാനാവുമെന്ന അഭിപ്രായക്കാരനാണിദ്ദേഹം​. മത്സ്യത്തൊഴിലാളികളുടെ അഭിപ്രായം പരിഗണിക്കാതെ നിർമാണം നടത്തിയതി​​​െൻറ ദുരന്തമാണിതെന്ന്​​​ പൊന്നാനി നഗരസഭയിലെ ലീഗ്​ കൗൺസിലർ കൂടിയായ അത്തീഖ്​ ഉറപ്പിച്ചു പറയുന്നു. ഇനിയും കോടികൾ മുടക്കി ജെട്ടി നിർമിക്കാനാണ്​ പോകുന്നതെന്നും അദ്ദേഹം കുറ്റപ്പെടുത്തി. രാഹുൽ ഗാന്ധിയുടെ കൈകൾക്ക്​ ശക്​തി പകരുമെന്നും ഇ.ടിക്ക്​ വോട്ട്​ ചെയ്യുമെന്നും മുഷ്​ടി ചുരുട്ടി ആവേശത്തോടെ ജാഫർ അലിയും സാദിഖും​ പറഞ്ഞു. യൂനുസും കുന്നൻബാവയുമൊക്കെ അവരുടെ അഭിപ്രായങ്ങൾ വ്യക്​തമാക്കി. ചർച്ചകൾ കൊട്ടിക്കയറു​േമ്പാൾ സുഹൃത്തുക്കളുടെ വീറും വാശിയും ആസ്വദിച്ച്​ ബോട്ട്​ നിയന്ത്രിക്കുന്ന​ സ്രാങ്ക്​ ജെറീബ്​ ചെറു ചിരിയുമായി കാബിനിലിരുന്നു.

ഇടക്ക്​ വയർലെസ്​ ​സന്ദേശങ്ങൾ വന്നുകൊണ്ടിരുന്നു. വല നേരെയാക്കുന്നതിനിടയിലും ചർച്ചകളിൽ തീ പാറി. വൈകുന്നേരമായതോടെ ഞങ്ങളെ തിരിച്ചിറക്കാനായി ജാബിർ മോൻ ഹാർബറിലേക്ക്​ മടങ്ങി. ​കോടികൾ മുടക്കിയിട്ടും ബോട്ടുകൾ അടുപ്പിക്കാനാവാത്ത ഹാർബർ വീണ്ടും കാഴ്​ചയിലെത്തി. രാഷ്​ട്രീയത്തിനപ്പുറം വികസന പ്രവർത്തനങ്ങളിൽ നടക്കുന്ന അഴിമതിയുടെയും കെടുകാര്യസ്​ഥതയുടെയും മികച്ച ഉദാഹരണങ്ങളിലൊന്നാണ്​ പൊന്നാനി​ ഹാർബറെന്ന്​ മത്സ്യത്തൊഴിലാളികൾ ഏക സ്വരത്തിൽ പറയുന്നു. ഇത്​ ഉപയോഗ യോഗ്യമാക്കണമെന്നും അധികാരികളെ ഇക്കാര്യം ബോധ്യപ്പെടുത്തണമെന്നും അഭ്യർഥിച്ച്​ അവർ ഞങ്ങളെ യാത്രയാക്കു​േമ്പാൾ സൂര്യൻ കടലിലേക്ക്​ താണു തുടങ്ങിയിരുന്നു.