മുക്കുപണ്ടം പണയ റാക്കറ്റിലെ അംഗം പിടിയിൽ

തി​രു​വ​ന​ന്ത​പു​രം: ജി​ല്ല​യി​ൽ വ്യാ​പ​ക​മാ​യി സ്വ​കാ​ര്യ പ​ണ​മി​ട​പാ​ട്​ സ്ഥാ​പ​ന​ങ്ങ​ളി​ൽ മു​ക്കു​പ​ണ്ടം പ​ണ​യം വെ​ച്ച് പ​ണം ത​ട്ടു​ന്ന സം​ഘ​ത്തി​ലെ ഒ​രാ​ൾ പി​ടി​യി​ൽ. ഓ​ൾ കേ​ര​ള പ്രൈ​വ​റ്റ് ഫി​നാ​ൻ​സ് അ​സോ​സി​യേ​ഷ​ൻ അ​ധി​കാ​രി​ക​ൾ​ക്ക് പ​രാ​തി ന​ൽ​കി​യ​തി​നെ തു​ട​ർ​ന്ന് ന​ട​ത്തി​യ അ​ന്വേ​ഷ​ണ​ത്തി​ൽ പു​ല്ല​മ്പാ​റ മ​രു​തും​മൂ​ട് ച​ന്ത​വി​ള വീ​ട്ടി​ൽ മു​ഹ​മ്മ​ദ്‌ യൂ​സ​ഫ് (24) ആ​ണ് പി​ടി​യി​ലാ​യ​ത്.

നെ​ടു​മ​ങ്ങാ​ട് ആ​നാ​ടു​ള്ള ഒ​രു ഫി​നാ​ൻ​സി​ൽ ഇ​ത്ത​ര​ത്തി​ലു​ള്ള പ​ണ​യ​മു​ള്ള​താ​യി മ​ന​സ്സി​ലാ​ക്കി തു​ട​ർ​ന്ന് പ​ണ​യം വെ​ച്ച യൂ​സ​ഫി​നെ പി​ടി​കൂ​ടി​യ​തോ​ടെ ഇ​യാ​ളു​ടെ കൈ​യി​ൽ നി​ന്ന്​ 11 ഗ്രാം ​തൂ​ക്ക​മു​ള്ള വ്യാ​ജ സ്വ​ർ​ണ​ത്തി​ൽ നി​ർ​മി​ച്ച വ​ള ക​ണ്ടു​കി​ട്ടി. കൂ​ടാ​തെ, പ​ന​വൂ​ർ, വ​ട്ട​പ്പാ​റ, നെ​ടു​മ​ങ്ങാ​ട്, പേ​രൂ​ർ​ക്ക​ട, മെ​ഡി​ക്ക​ൽ കോ​ള​ജ് എ​ന്നി​വി​ട​ങ്ങ​ളി​ൽ പ​ണ​യം വെ​ച്ച​താ​യി മ​ന​സ്സി​ലാ​ക്കാ​ൻ ക​ഴി​ഞ്ഞു.

നോ​ട്ട​ത്തി​ലും പ​രി​ശോ​ധ​ന​യി​ലും ക​ണ്ടെ​ത്താ​ൻ ക​ഴി​യാ​ത്ത വി​ധം 916 മു​ദ്ര പ​തി​പ്പി​ച്ച വ്യാ​ജ സ്വ​ർ​ണ വ​ള​ക​ളാ​ണ് ഇ​യാ​ൾ പ​ണ​യം വെ​ച്ച​ത്. വ​ള​ക​ൾ ഫി​നാ​ൻ​സു​കാ​ർ ദേ​ശ​സാ​ൽ​കൃ​ത ബാ​ങ്കു​ക​ളി​ൽ റീ ​പ്ല​ഡ്ജ് ചെ​യ്തി​ട്ടും ക​ണ്ടു​പി​ടി​ക്കാ​ൻ ക​ഴി​ഞ്ഞി​രു​ന്നി​ല്ല. വ്യാ​ജ സ്വ​ർ​ണ​ത്തി​ന്റെ ഉ​റ​വി​ടം ത​മി​ഴ്നാ​ടാ​ണെ​ന്ന് സൂ​ച​ന കി​ട്ടി​യി​ട്ടു​ണ്ട്. കൂ​ടു​ത​ൽ ഫി​നാ​ൻ​സു​കാ​രെ റാ​ക്ക​റ്റു​ക​ൾ ഇ​ത്ത​ര​ത്തി​ൽ ക​ബ​ളി​പ്പി​ച്ച​താ​യി ക​ണ്ടെ​ത്തി​യി​ട്ടു​ണ്ട്. റാ​ക്ക​റ്റി​ലെ മ​റ്റ്‌ അം​ഗ​ങ്ങ​ളെ​യും ഉ​ട​ൻ അ​റ​സ്റ്റ് ചെ​യ്യു​മെ​ന്ന് പൊ​ലീ​സ് അ​റി​യി​ച്ചു.

പ്ര​ത്യേ​ക അ​ന്വേ​ഷ​ണ​സം​ഘ​ത്തി​ലെ ഡാ​ൻ​സാ​ഫ് ടീം ​ന​ട​ത്തി​യ അ​ന്വേ​ഷ​ണ​ത്തി​ൽ നെ​ടു​മ​ങ്ങാ​ട് ഡി​വൈ.​എ​സ്.​പി ബി. ​ഗോ​പ​കു​മാ​ർ, ന​ർ​കോ​ട്ടി​ക് സെ​ൽ ഡി​വൈ.​എ​സ്.​പി അ​ബ്ദു​ൽ വ​ഹാ​ബ്, നെ​ടു​മ​ങ്ങാ​ട് ഇ​ൻ​സ്‌​പെ​ക്ട​ർ അ​നീ​ഷ്. എ​സ്, സ​ബ് ഇ​ൻ​സ്‌​പെ​ക്ട​ർ ര​വീ​ന്ദ്ര​ൻ തു​ട​ങ്ങി​യ​വ​രാ​ണ്​​ അ​ന്വേ​ഷ​ണ​സം​ഘ​ത്തി​ലു​ണ്ടാ​യി​രു​ന്ന​ത്.