ഉയർന്ന താപനില മുന്നറിയിപ്പ്; മിണ്ടാപ്രാണികൾക്കും തണലൊരുക്കണം

ക​ണ്ണൂ​ർ: നാ​ടും ന​ഗ​ര​വും ഒ​രു​പോ​ലെ പൊ​ള്ളു​ക​യാ​ണ്. പു​റ​ത്തി​റ​ങ്ങാ​നാ​വാ​ത്ത വി​ധം ചൂ​ട് കൂ​ടു​മ്പോ​ൾ മി​ണ്ടാ​പ്രാ​ണി​ക​ൾ​ക്കും ത​ണ​ലൊ​രു​ക്ക​ണം. മ​ല​പ്പ​ട്ട​ത്ത് സൂ​ര്യ​ാത​പ​മേ​റ്റ് പ​ശു ച​ത്ത സാ​ഹ​ച​ര്യ​ത്തി​ൽ വ​ള​ർ​ത്തു​മൃ​ഗ​ങ്ങ​ളു​ടെ കാ​ര്യ​ത്തി​ൽ ശ്ര​ദ്ധ പു​ല​ർ​ത്ത​ണം. ജി​ല്ല​യി​ൽ നാ​ലു ഡി​ഗ്രി സെ​ൽ​ഷ്യ​സ് വ​രെ ചൂ​ട് ഉ​യ​രു​മെ​ന്ന മു​ന്ന​റി​യി​പ്പാ​ണ് കേ​ന്ദ്ര കാ​ലാ​വ​സ്ഥ നി​രീ​ക്ഷ​ണ​കേ​ന്ദ്രം ന​ൽ​കു​ന്ന​ത്.

മാ​ർ​ച്ച്-​ഏ​പ്രി​ൽ മാ​സ​ങ്ങ​ളി​ൽ അ​നു​ഭ​വ​പ്പെ​ടേ​ണ്ട ചൂ​ടാ​ണ് ഫെ​ബ്രു​വ​രി​യി​ൽ അ​നു​ഭ​വ​പ്പെ​ടു​ന്ന​ത്. സൂ​ര്യാ​ഘാ​തം, സൂ​ര്യാ​ത​പം, നി​ർ​ജ​ലീ​ക​ര​ണം തു​ട​ങ്ങി നി​ര​വ​ധി ഗു​രു​ത​ര​മാ​യ ആ​രോ​ഗ്യ​പ്ര​ശ്ന​ങ്ങ​ൾ മൃ​ഗ​ങ്ങ​ളെ​യും ബാ​ധി​ക്കും. 87 ശ​ത​മാ​ന​വും വെ​ള്ളം അ​ട​ങ്ങി​യ​തി​നാ​ൽ ചൂ​ടു​കാ​ല​ത്ത് ക​ന്നു​കാ​ലി​ക​ളു​ടെ പാ​ൽ ല​ഭ്യ​ത​യും കു​റ​യും.

ഉ​ച്ച​വെ​യി​ലി​ൽ മേ​യാ​ൻ വി​ട​രു​ത്

ഉ​ച്ച​വെ​യി​ലി​ൽ ക​ന്നു​കാ​ലി​ക​ളെ മേ​യാ​ൻ വി​ടു​ന്ന​ത് ഒ​ഴി​വാ​ക്ക​ണം. പാ​ട​ത്തും പ​റ​മ്പി​ലും രാ​വി​ലെ കെ​ട്ടി ജോ​ലി​ക്കു​പോ​കു​ന്ന​വ​രാ​ണ് മി​ക്ക​വ​രും. ഉ​ച്ച​യാ​കു​ന്ന​തി​ന് മു​മ്പു ത​ന്നെ ക​ന​ത്ത വെ​യി​ലാ​ണ് അ​നു​ഭ​വ​പ്പെ​ടു​ന്ന​ത്. വ​യ​ലി​ൽ സൂ​ര്യ​പ്ര​കാ​ശം നേ​രി​ട്ടാ​ണ് പ​തി​ക്കു​ന്ന​ത്.

ഇ​ത് മൃ​ഗ​ങ്ങ​ളെ വീ​ഴ്ത്തും. മേ​യാ​ൻ വി​ടു​ന്ന ക​ന്നു​കാ​ലി​ക​ൾ വെ​യി​ല​​ത്ത​ല്ലെ​ന്ന് ഉ​റ​പ്പി​ക്ക​ണം. വ​ള​ർ​ത്തു​മൃ​ഗ​ങ്ങ​ളെ വെ​യി​ല​ത്ത് കെ​ട്ടി​യി​ടു​ന്ന​തും ഒ​ഴി​വാ​ക്ക​ണം. ക​ഴി​യു​ന്ന​തും ത​ണ​ലി​ൽ കെ​ട്ടി​യി​ട്ട് പു​ല്ലും തീ​റ്റ​യും ന​ൽ​ക​ണം. വൈ​കീ​ട്ടും രാ​വി​ലെ​യും മേ​യാ​ൻ​വി​ടാം. രാ​വി​ലെ 11 മു​ത​ൽ ഉ​ച്ച​ക്ക് മൂ​ന്നു​വ​രെ വെ​യി​ല​ത്ത് കെ​ട്ട​രു​ത്. ആ​ല​ക​ളി​ലും കൂ​ടു​ക​ളി​ലും വാ​യു​സ​ഞ്ചാ​രം ഉ​റ​പ്പാ​ക്ക​ണം.