നാടുവിറപ്പിച്ച് കൂട്ടിലേക്ക്...ദൗത്യം നിർവഹിച്ചത് 72 അംഗ സംഘം

കൂ​ട്ടി​ലേ​ക്കു​ള്ള വ​ഴി
രാ​വി​ലെ 5.00 -ദൗ​ത്യ​സം​ഘം ത​യാ​റെ​ടു​പ്പു​ക​ളു​മാ​യി വ​ന​ത്തി​ലേ​ക്ക് പു​റ​പ്പെ​ട്ടു
5.30 -ആ​ർ.​ആ​ർ.​ടി സം​ഘം ആ​ന​യു​ടെ നി​ൽ​പ്പ് സം​ബ​ന്ധി​ച്ച് കൃ​ത്യ​മാ​യ വി​വ​ര​ങ്ങ​ൾ കൈ​മാ​റു​ന്നു
6.00 -ചീ​ഫ് വെ​റ്റ​റി​ന​റി സ​ർ​ജ​ൻ ഡോ. ​അ​രു​ൺ സ​ഖ​റി​യ​യും സം​ഘ​വും ആ​ന​യു​ടെ അ​ടു​ത്തേ​ക്ക്. വി​ശ​ദ​മാ​യ പ​ദ്ധ​തി ത​യാ​റാ​ക്കു​ന്നു
7.15 -ഡോ. ​അ​രു​ൺ സ​ഖ​റി​യ ആ​ന​യു​ടെ തൊ​ട്ട​ടു​ത്ത് എ​ത്തി.
7.20 -50 മീ​റ്റ​ർ ദൂ​ര​ത്തു​നി​ന്ന് ആ​ന​യെ മ​യ​ക്കു​വെ​ടി വെ​ച്ചു. ര​ണ്ടു​ത​വ​ണ വെ​ടി​വെ​ച്ചു. ഒ​രു​വ​ട്ടം ആ​ന ഒ​ഴി​ഞ്ഞു​മാ​റി. തു​ട​ർ​ന്ന് ഇ​ട​ത് ചെ​വി​ക്ക് താ​ഴെ മു​ൻ കാ​ലി​ന് മു​ക​ളി​ൽ വെ​ടി​യേ​റ്റ ആ​ന ഏ​താ​നും മീ​റ്റ​റു​ക​ൾ ഓ​ടി​യ​ശേ​ഷം മ​യ​ക്ക​ത്തി​ലേ​ക്ക്.
7.30 -ധോ​ണി​യി​ലെ ക്യാ​മ്പി​ലും ഒ​രു​ക്ക​ങ്ങ​ൾ വേ​ഗ​ത​യി​ൽ. ആ​ന​യെ വ​ന​ത്തി​ന് പു​റ​ത്തെ​ത്തി​ക്കാ​ൻ ലോ​റി കോ​ർ​മ വ​ന​ത്തി​ലേ​ക്ക്
8.30 -പി.​ടി -7നെ ​കൊ​ണ്ടു​വ​രാ​ൻ കു​ങ്കി​യാ​ന​ക​ളും വ​ന​ത്തി​ലേ​ക്ക് പു​റ​പ്പെ​ടു​ന്നു. ആ​ന​ക്ക് ടോ​പ് അ​പ് ഡോ​സു​ക​ൾ ന​ൽ​കി മ​യ​ക്ക​ത്തി​ൽ ത​ന്നെ നി​ല​നി​ർ​ത്തു​ന്നു
9.20 -പി.​ടി -7 കു​ങ്കി​യാ​ന​ക​ളു​ടെ നി​യ​ന്ത്ര​ണ​ത്തി​ൽ
11.30 -കാ​ഴ്ച മ​റ​ച്ച് പി.​ടി -7 ലോ​റി​യി​ലേ​ക്ക്
12.17 -ധോ​ണി​യി​ലെ വ​നം​വ​കു​പ്പി​ന്‍റെ സെ​ക്ഷ​ൻ ഓ​ഫി​സി​ലേ​ക്ക്
1.00 -ദൗ​ത്യ​ത്തി​ന് ശു​ഭ​പ​ര്യ​വ​സാ​നം, നാ​ടു​വി​റ​പ്പി​ച്ച കാ​ട്ടു​കൊ​മ്പ​ൻ കൂ​ട്ടി​ൽ.

പാ​ല​ക്കാ​ട്: നാ​ലു​വ​ർ​ഷ​മാ​യി ധോ​ണി​യി​ലും പ​രി​സ​ര​ത്തും ജ​ന​വാ​സ മേ​ഖ​ല​ക​ളെ ആ​ശ​ങ്ക​യു​ടെ മു​ൾ​മു​ന​യി​ൽ നി​ർ​ത്തി​യ പി.​ടി -7 ഒ​ടു​വി​ൽ കൂ​ട്ടി​ലേ​ക്ക്. ഒ​രു​നാ​ട് മു​ഴു​വ​ൻ ഒ​രാ​ന​യെ പേ​ടി​ച്ച് ജീ​വി​ത​രീ​തി പോ​ലും ക്ര​മീ​ക​രി​ച്ച മാ​സ​ങ്ങ​ളാ​ണ് ക​ട​ന്നു​പോ​യ​ത്. മേ​ഖ​ല​യി​ൽ രാ​ത്രി വൈ​കി യാ​ത്ര​ചെ​യ്യാ​നും വൈ​കി വീ​ട്ടി​ലെ​ത്തു​ന്ന ത​ര​ത്തി​ലു​ള്ള ജോ​ലി ​ചെ​യ്യാ​നും ആ​ളി​ല്ലാ​തെ​യാ​യി. തോ​ട്ട​ങ്ങ​ളി​ൽ പ​ണി​ക്കി​റ​ങ്ങാ​ൻ ഭ​യ​മേ​റി. പു​ല​ർ​ച്ച വീ​ടു​വി​ട്ടി​റ​ങ്ങി​യാ​ൽ ആ​ന​യു​ടെ മു​ന്നി​ൽ​പെ​ടു​മോ എ​ന്ന ഭ​യ​ത്തി​ൽ ടാ​പ്പി​ങ് പോ​ലും മാ​റ്റി​വെ​​ച്ചു. പി.​ടി -7 ത​ട്ടി​യെ​റി​ഞ്ഞ ടാ​പ്പി​ങ് തൊ​ഴി​ലാ​ളി കോ​ർ​മ സ്വ​ദേ​ശി ബേ​ബി​ച്ച​ൻ ഇ​തു​വ​രെ പൂ​ർ​ണാ​രോ​ഗ്യം വീ​ണ്ടെ​ടു​ത്തി​ട്ടി​ല്ല. 2022 ജൂ​ലൈ എ​ട്ടി​ന് പ്ര​ഭാ​ത സ​വാ​രി​ക്കി​ടെ പി.​ടി -7 ച​വി​ട്ടി​ക്കൊ​ന്ന മാ​യാ​പു​രം സ്വ​ദേ​ശി ശി​വ​രാ​മ​ന്‍റെ വീ​ട്ടി​ൽ ദുഃ​ഖ​വും വി​ഷാ​ദ​വും ഇ​നി​യും വി​ട്ടു​മാ​റി​യി​ട്ടി​ല്ല. പി.​ടി -7 മ​തി​ൽ ത​ക​ർ​ത്ത് എ​ത്തി​യ വീ​ട്ടു​കാ​രി​ൽ ചി​ല​ർ​ക്ക് ഇ​പ്പോ​ഴും ന​ടു​ക്ക​ത്തോ​ടെ​യേ അ​ത് വി​വ​രി​ക്കാ​നാ​വൂ. ഒ​രു​പ​രി​ധി​വ​രെ ആ​ശ്വാ​സ​മാ​യെ​ങ്കി​ലും പ​തി​വാ​യി നാ​ട്ടി​ലി​റ​ങ്ങു​ന്ന ആ​ന​ക​ളി​ൽ ഒ​ന്നു​മാ​ത്ര​മാ​ണി​തെ​ന്ന് നാ​ട്ടു​കാ​ർ ഓ​ർ​മി​പ്പി​ക്കു​ന്നു. പി.​ടി -7 പോ​യാ​ലും കൃ​ഷി​യി​ട​ങ്ങ​ളി​​ലെ കാ​വ​ൽ​മാ​ട​ങ്ങ​ളി​ൽ ഉ​റ​ക്ക​മി​ള​ച്ച് ഇ​നി​യും ഇ​രി​ക്കേ​ണ്ടി വ​രു​മെ​ന്ന് അ​വ​ർ പ​റ​യു​ന്നു.

വ​മ്പു​കാ​ട്ടി​യ കൊ​മ്പ​ൻ

അ​ക്ര​മ​കാ​രി​യും ഒ​റ്റ​ക്ക് ന​ട​ക്കു​ന്ന സ്വ​ഭാ​വ​വു​മാ​യി​രു​ന്നു പി.​ടി -7ന്‍റെ പ്ര​ത്യേ​ക​ത. സൗ​രോ​ർ​ജ​വേ​ലി ത​ക​ർ​ത്തും കൃ​ഷി ന​ശി​പ്പി​ക്കും. പ​ട​ക്കം പൊ​ട്ടി​ച്ചാ​ൽ മ​റ്റ് ആ​ന​ക​ൾ പി​ൻ​വാ​ങ്ങു​മ്പോ​ൾ ഇ​ത് പ​ട​ക്കം പൊ​ട്ടി​ക്കു​ന്ന​വ​ർ​ക്കു​​നേ​രെ ഓ​ടി​യ​ടു​ക്കും. ഒ​രു​മാ​സ​മാ​യി പി.​ടി -7ന്‍റെ ശ​ല്യം ധോ​ണി മേ​ഖ​ല​യി​ൽ രൂ​ക്ഷ​മാ​യി​രു​ന്നു. വൈ​കു​ന്നേ​ര​മാ​യാ​ൽ പി.​ടി -7 നാ​ട്ടി​ലി​റ​ങ്ങും. നാ​ട്ടു​കാ​രും വ​നം​വ​കു​പ്പ് അ​ധി​കൃ​ത​രും തി​രി​ച്ചു​ക​യ​റ്റും. പു​ല​ർ​ച്ച​യാ​വു​ന്ന​തോ​ടെ നാ​ട്ടി​ലി​റ​ങ്ങും. ശ​ല്യം കൊ​ണ്ട് പൊ​റു​തി​മു​ട്ടി​യ​തോ​ടെ നാ​ട്ടു​കാ​ർ പ്ര​ക്ഷോ​ഭ​വു​മാ​യി രം​ഗ​ത്തെ​ത്തി​യി​രു​ന്നു. 2022 ന​വം​ബ​ർ മു​ത​ൽ ഇ​ട​വേ​ള​ക​ളി​ല്ലാ​തെ വി​ല​സു​ക​യാ​യി​രു​ന്നു. ധോ​ണി, മാ​യാ​പു​രം, മു​ണ്ടൂ​ർ, അ​ക​ത്തേ​ത്ത​റ, മ​ല​മ്പു​ഴ മേ​ഖ​ല​ക​ളി​ൽ പ​തി​വാ​യി എ​ത്തി​യി​രു​ന്നു. പാ​ടം ക​തി​ര​ണി​ഞ്ഞാ​ൽ കാ​ടി​റ​ങ്ങു​ന്ന​ത് പ​തി​വാ​ണ്. ഇ​ട​ക്ക് ര​ണ്ടോ മൂ​ന്നോ ആ​ന​ക​ൾ ഒ​പ്പ​മു​ണ്ടാ​വാ​റു​ണ്ടെ​ങ്കി​ലും മി​ക്ക​പ്പോ​ഴും ത​നി​ച്ചാ​യി​രു​ന്നു വ​ര​വ്.

ദൗ​ത്യം സ​ങ്കീ​ർ​ണം, വി​ജ​യം

അ​ടി​മു​ടി സ​ങ്കീ​ർ​ണ​ത​ക​ൾ നി​റ​ഞ്ഞ ദൗ​ത്യ​മാ​ണ് വ​നം​വ​കു​പ്പ് ഏ​റ്റെ​ടു​ത്ത​ത്. കൃ​ത്യ​മാ​യ പ​ദ്ധ​തി​ക​ളും സു​ര​ക്ഷ മു​ൻ​ക​രു​ത​ലു​ക​ളും ഉ​റ​പ്പു​വ​രു​ത്തി​യാ​യി​രു​ന്നു ദൗ​ത്യ​സം​ഘ​ത്തി​ന്‍റെ നീ​ക്കം. ആ​ദ്യം ര​ണ്ട് കു​ങ്കി​യാ​ന​ക​ളെ​യാ​യി​രു​ന്നു ദൗ​ത്യ​ത്തി​നെ​ത്തി​ച്ചി​രു​ന്ന​ത്. തു​ട​ർ​ന്ന് ഒ​രാ​ന​യെ​ക്കൂ​ടി​ വേ​ണ​മെ​ന്ന് ഡോ. ​അ​രു​ൺ സ​ഖ​റി​യ ആ​വ​ശ്യ​പ്പെ​ടു​ക​യാ​യി​രു​ന്നു. ദൗ​ത്യ​ത്തി​​ലെ സ​ങ്കീ​ർ​ണ​ത അ​ധി​കൃ​ത​രെ ബോ​ധി​പ്പി​ക്കാ​നാ​യ​തോ​ടെ ആ ​ആ​വ​ശ്യ​വും അ​നു​വ​ദി​ക്ക​പ്പെ​ട്ടു. ഞാ​യ​റാ​ഴ്ച പു​ല​ർ​ച്ച​യോ​ടെ ത​ന്നെ ദൗ​ത്യ​ത്തി​ന് തു​ട​ക്ക​മാ​യി. കാ​ട്ടി​ൽ​നി​ന്ന് ആ​ർ.​ആ​ർ.​ടി സം​ഘം ആ​ന​യു​ടെ നി​ൽ​പ് സം​ബ​ന്ധി​ച്ച് വി​വ​ര​ങ്ങ​ൾ കൈ​മാ​റി. തു​ട​ർ​ന്ന് ആ​ദ്യ ​ട്രാ​ക്കി​ങ് സം​ഘം കാ​ട്ടി​ലെ​ത്തി. തു​ട​ർ​ന്നാ​ണ് വി​വ​രം ഡോ. ​അ​രു​ൺ സ​ഖ​റി​യ​ക്ക് കൈ​മാ​റു​ന്ന​ത്.

മൂ​ന്ന് വാ​ഹ​ന​ങ്ങി​ലാ​യി കോ​ർ​മ ഭാ​ഗ​ത്തേ​ക്ക് ഡോ. ​അ​രു​ൺ സ​ഖ​റി​യ​യും സം​ഘ​വു​മെ​ത്തി. വെ​ളി​ച്ച​ക്കു​റ​വ് ക​ണ​ക്കി​ലെ​ടു​ത്ത് അ​ൽ​പ​സ​മ​യം കാ​ത്തു​നി​ന്ന സം​ഘം നേ​രം പു​ല​ർ​ന്ന​തോ​ടെ ദൗ​ത്യം ആ​രം​ഭി​ക്കു​ക​യാ​യി​രു​ന്നു. തു​ട​ർ​ന്ന് ആ​ന നി​ൽ​ക്കു​ന്ന സ്ഥ​ല​മ​ട​ക്കം തി​ട്ട​പ്പെ​ടു​ത്തി 7.20ന് ​മ​യ​ക്കു​വെ​ടി വെ​ച്ചു. കോ​ർ​മ വ​നാ​തി​ർ​ത്തി​യി​ൽ ജ​ന​വാ​സ മേ​ഖ​ല​ക്ക​രി​കെ വെ​ച്ചാ​യി​രു​ന്നു വെ​ടി​വെ​ച്ചി​ട്ട​ത്. തു​ട​ർ​ന്ന് മ​ണ്ണു​മാ​ന്തി​യ​ന്ത്രം എ​ത്തി​ച്ച് ലോ​റി​യെ​ത്തി​ക്കാ​നു​ള്ള പാ​ത ത​യാ​റാ​ക്കു​ക​യും ആ​​ന​യെ ലോ​റി​യി​ൽ ക​ട​ത്തു​ക​യു​മാ​യി​രു​ന്നു.

ദൗത്യം നിർവഹിച്ചത് 72 അംഗ സംഘം

അ​ക​ത്തേ​ത്ത​റ: ഒ​രു പ്ര​ദേ​ശ​ത്തെ​യാ​കെ വി​റ​പ്പി​ച്ച കാ​ട്ടു​കൊ​മ്പ​നെ ശ്ര​മ​ക​ര​മാ​യ ദൗ​ത്യ​ത്തി​ലൂ​ടെ​യാ​ണ് പി​ടി​കൂ​ടി​യ​ത്. 72 അം​ഗ ദൗ​ത്യ​സം​ഘം രാ​വി​ലെ 7.20ന് ​മ​യ​ക്കു​വെ​ടി​വെ​ച്ച ഒ​റ്റ​യാ​നെ മൂ​ന്ന് കു​ങ്കി​യാ​ന​ക​ളു​ടെ സ​ഹാ​യ​ത്തോ​ടെ നാ​ല് മ​ണി​ക്കൂ​ർ കൊ​ണ്ടാ​ണ് വ​ന​ത്തി​ൽ​നി​ന്ന് ധോ​ണി​യി​ലെ ക്യാ​മ്പി​ലെ​ത്തി​ച്ച​ത്.

ചീ​ഫ് വെ​റ്റ​റി​ന​റി സ​ർ​ജ​ൻ ഡോ. ​അ​രു​ൺ സ​ക്ക​റി​യ​യു​ടെ നേ​തൃ​ത്വ​ത്തി​ൽ വെ​റും 50 മീ​റ്റ​ർ അ​ക​ലെ​നി​ന്ന് ആ​ന​യു​ടെ ചെ​വി​ക്ക് പി​ന്നി​ലേ​ക്ക് മ​യ​ക്കു​വെ​ടി ഉ​തി​ർ​ക്കു​ക​യാ​യി​രു​ന്നു. ധോ​ണി, മാ​യാ​പു​രം, മു​ണ്ടൂ​ർ മേ​ഖ​ല​ക​ളി​ൽ നാ​ല് വ​ർ​ഷം നാ​ശ​മു​ണ്ടാ​ക്കി​യ കൊ​മ്പ​ൻ 140 യൂ​ക്കാ​ലി​പ്സ് മ​രം കൊ​ണ്ട് നി​ർ​മി​ച്ച കൂ​ട്ടി​ലാ​യ​തി​ന്‍റെ ആ​ശ്വാ​സ​ത്തി​ലാ​ണ് ധോ​ണി​ക്കാ​ർ. കാ​ട്ടി​ൽ മ​ദി​ച്ച് ന​ട​ന്ന കാ​ട്ടാ​ന​ക്ക് ഇ​നി ചി​ട്ട​യു​ടെ കാ​ല​മാ​ണ്. പി.​ടി ഏ​ഴി​നെ പി​ടി​കൂ​ടാ​നു​ള്ള ദൗ​ത്യ സം​ഘ​ത്തി​ൽ​പെ​ട്ട​വ​രെ മ​ന്ത്രി എം.​ബി. രാ​ജേ​ഷി​ന്‍റെ നേ​തൃ​ത്വ​ത്തി​ൽ പൊ​ന്നാ​ട​യ​ണി​യി​ച്ച് ആ​ദ​രി​ച്ചു. ധോ​ണി ക്യാ​മ്പി​ലാ​യി​രു​ന്നു ച​ട​ങ്ങ്.

പി.ടി-7 പൂര്‍ണ മദപ്പാടില്‍

പാ​ല​ക്കാ​ട്: മ​യ​ക്കു​വെ​ടി​വെ​ച്ച് പി​ടി​കൂ​ടി​യ ​പി.​ടി-7​ന് പൂ​ർ​ണ മ​ദ​പ്പാ​ടെ​ന്ന് ആ​ന​യെ പ​രി​ശോ​ധി​ച്ച വി​ദ​ഗ്ധ സം​ഘം. മെ​രു​ക്കി​യെ​ടു​ക്കാ​ന്‍ ഇ​ത് ഒ​രു വെ​ല്ലു​വി​ളി​യാ​ണ്. മ​യ​ക്കു​വെ​ടി​വെ​ച്ച് പി​ടി​ച്ച​പ്പോ​ഴു​ണ്ടാ​യ മാ​ന​സി​ക സ​മ്മ​ര്‍ദ​വും ഹോ​ര്‍മോ​ണ്‍ വ്യ​തി​യാ​ന​വും മ​ദ​പ്പാ​ട് കാ​ലം അ​വ​സാ​നി​ക്കു​ന്ന​തി​ന് ഇ​ട​യാ​ക്കാ​റു​ണ്ട്.

പി.​ടി-7​ന്റെ കാ​ര്യ​ത്തി​ല്‍ ഒ​രു മാ​സം​കൂ​ടി മ​ദ​പ്പാ​ട് തു​ട​രാ​ൻ സാ​ധ്യ​ത​യു​ണ്ടെ​ന്ന് ചീ​ഫ് വെ​റ്റ​റി​ന​റി സ​ർ​ജ​ൻ ഡോ. ​അ​രു​ണ്‍ സ​ക്ക​റി​യ പ​റ​ഞ്ഞു. അ​ങ്ങ​നെ​യെ​ങ്കി​ല്‍ മെ​രു​ക്കി​യെ​ടു​ക്കാ​ൻ കാ​ല​താ​മ​സ​വു​മെ​ടു​ത്തേ​ക്കാം.

സാ​ധാ​ര​ണ​ഗ​തി​യി​ല്‍ മൂ​ന്നു മാ​സ​ത്തി​ന​കം ആ​ദ്യ​ഘ​ട്ട ച​ട്ടം പ​ഠി​പ്പി​ക്ക​ല്‍ പൂ​ര്‍ത്തി​യാ​കാ​റു​ണ്ട്. പി.​ടി-7​ന്റെ സ്വ​ഭാ​വ പ്ര​കൃ​തം​കൂ​ടി അ​നു​സ​രി​ച്ചി​രി​ക്കും കാ​ര്യ​ങ്ങ​ള്‍. വി​ദ​ഗ്ധ പ​രി​ശോ​ധ​ന​ക്കു ശേ​ഷം ഒ​റ്റ​യാ​ന് മ​യ​ക്കം മാ​റാ​ൻ മ​രു​ന്ന് ന​ൽ​കി. ആ​ന പൂ​ർ​ണ ആ​രോ​ഗ്യ​വാ​നാ​ണെ​ന്നും പ​രി​ക്കു​ക​ളൊ​ന്ന​മി​ല്ലെ​ന്നും ഡോ. ​അ​രു​ണ്‍ സ​ക്ക​റി​യ പ​റ​ഞ്ഞു.

‘സുരേന്ദ്ര’നെ കാത്ത്​ കോന്നി

കോ​ന്നി: പാ​ല​ക്കാ​ട് ധോ​ണി​യി​ലെ ജ​ന​വാ​സ​മേ​ഖ​ല​യി​ൽ ഇ​റ​ങ്ങി നാ​ശം വി​ത​ച്ച പി.​ടി സെ​വ​ൻ എ​ന്ന കാ​ട്ടു​കൊ​മ്പ​നെ ത​ള​ക്കാ​ൻ നി​ർ​ണാ​യ​ക പ​ങ്കു​വ​ഹി​ച്ച കു​ങ്കി​യാ​ന ‘കോ​ന്നി സു​രേ​ന്ദ്ര​ൻ ’ കോ​ന്നി​യു​ടെ പ്രി​യ​പ്പെ​ട്ട​വ​ൻ. പാ​ല​ക്കാ​ട് ജ​ന​വാ​സ മേ​ഖ​ല​യി​ൽ ഇ​റ​ങ്ങി​യ കാ​ട്ടു​കൊ​മ്പ​നെ 72 അം​ഗ ദൗ​ത്യ​സം​ഘ​ത്തി​ന്റെ മ​ണി​ക്കൂ​റു​ക​ൾ നീ​ണ്ട പ​രി​ശ്ര​മ​ത്തി​നൊ​ടു​വി​ലാ​ണ് പി​ടി​കൂ​ടി​യ​ത്. വി​ക്ര​മ​ൻ, ഭ​ര​ത​ൻ, സു​രേ​ന്ദ്ര​ൻ എ​ന്നീ ആ​ന​ക​ളാ​ണ് ദൗ​ത്യ​ത്തി​ൽ പ​ങ്കാ​ളി​ക​ളാ​യ കു​ങ്കി​യാ​ന​ക​ൾ.

1999ൽ ​രാ​ജാ​മ്പാ​റ ഭാ​ഗ​ത്തു​നി​ന്നാ​ണ് ര​ണ്ട്​ വ​യ​സ്സു​ള്ള കോ​ന്നി സു​രേ​ന്ദ്ര​ൻ എ​ന്ന ആ​ന​ക്കു​ട്ടി​യെ വ​നം വ​കു​പ്പി​ന് ല​ഭി​ച്ച​ത്. കോ​ന്നി ആ​ന​ത്താ​വ​ള​ത്തി​ൽ പ​രി​പാ​ലി​ക്കു​ന്ന​തി​നി​ടെ 2018ൽ ​സ​ർ​ക്കാ​ർ നി​ർ​ദേ​ശ​പ്ര​കാ​രം കു​ങ്കി​യാ​ന പ​രി​ശീ​ല​ന​ത്തി​നാ​യി കോ​ന്നി​യി​ൽ​നി​ന്ന്​ ത​മി​ഴ്‌​നാ​ട്ടി​ലെ മു​തു​മ​ല ആ​ന ക്യാ​മ്പി​ലേ​ക്ക് മാ​റ്റി. എ​ന്നാ​ൽ, കോ​ന്നി​ക്കാ​ർ​ക്ക് പ്രി​യ​ങ്ക​ര​നാ​യ സു​രേ​ന്ദ്ര​നെ ആ​ന പ്രേ​മി​ക​ളു​ടേ​ത​ട​ക്കം വ​ലി​യ പ്ര​തി​ഷേ​ധ​ങ്ങ​ൾ​ക്ക് ഒ​ടു​വി​ലാ​ണ് കോ​ന്നി​യി​ൽ​നി​ന്ന്​ കൊ​ണ്ടു​പോ​യ​ത്. അ​ക്കാ​ല​ത്ത്​ കോ​ന്നി എം.​എ​ൽ.​എ​യാ​യ അ​ടൂ​ർ പ്ര​കാ​ശി​ന്‍റെ നേ​തൃ​ത്വ​ത്തി​ൽ ആ​ന​യെ കൊ​ണ്ടു​പോ​കു​ന്ന​ത്​ ത​ട​ഞ്ഞു.

അ​ടൂ​ർ പ്ര​കാ​ശ് അ​ട​ക്ക​മു​ള്ള​വ​ർ​ക്കെ​തി​രെ കേ​സ് എ​ടു​ത്തെ​ങ്കി​ലും അ​ടു​ത്ത​കാ​ല​ത്താ​ണ്​ ഇ​വ​രെ വെ​റു​തെ വി​ട്ടു​കൊ​ണ്ട് കോ​ട​തി ഉ​ത്ത​ര​വ് വ​ന്ന​ത്. ആ​ന​യെ തി​രി​കെ കൊ​ണ്ടു​വ​ര​ണ​മെ​ന്ന് കോ​ന്നി എം.​എ​ൽ.​എ കെ.​യു. ജ​നീ​ഷ് കു​മാ​റും നി​യ​മ​സ​ഭ​യി​ൽ സ​ബ്മി​ഷ​ൻ ഉ​ന്ന​യി​ച്ചി​രു​ന്നു. കോ​ന്നി സു​രേ​ന്ദ്ര​നെ തി​രി​കെ എ​ത്തി​ക്ക​ണ​മെ​ന്ന്​ ആ​ന പ്രേ​മി​ക​ൾ നി​ര​ന്ത​രം സം​സ്ഥാ​ന സ​ർ​ക്കാ​റി​ന്​ ക​ത്തു​ക​ൾ അ​യ​ക്കു​ന്നു​ണ്ട്. തെ​ര​ഞ്ഞെ​ടു​പ്പ്​ വാ​ഗ്​​ദാ​ന​ങ്ങ​ളി​ൽ​പോ​ലും കോ​ന്നി സു​രേ​ന്ദ്ര​ൻ ജി​ല്ല​യി​ൽ ച​ർ​ച്ച​യാ​കാ​റു​ണ്ട്.