ശിവശങ്കറി​െൻറ കസ്​റ്റഡി​ സൂചന നൽകി ഇ.ഡി റിപ്പോർട്ട്​

കൊ​ച്ചി: സ്വ​ർ​ണ​ക്ക​ട​ത്ത്​ കേ​സി​ൽ മു​ഖ്യ​മ​ന്ത്രി​യു​ടെ മു​ൻ പ്രി​ൻ​സി​പ്പ​ൽ സെ​ക്ര​ട്ട​റി ശി​വ​ശ​ങ്ക​റി​നെ ക​സ്​​റ്റ​ഡി​യി​ലെ​ടു​ക്കേ​ണ്ടി​വ​രു​മെ​ന്ന സൂ​ച​ന ന​ൽ​കി എ​ൻ​ഫോ​ഴ്‌​സ്‌​മെൻറ്​ ഡ​യ​റ​ക്‌​ട​റേ​റ്റി​െൻറ (ഇ.​ഡി) റി​പ്പോ​ർ​ട്ട്. ശി​വ​ശ​ങ്ക​റി​നെ ക​സ്​​റ്റ​ഡി​യി​ൽ ചോ​ദ്യം ചെ​യ്യേ​ണ്ടി​വ​ന്നേ​ക്കാ​മെ​ന്നും മു​ൻ​കൂ​ർ ജാ​മ്യം അ​നു​വ​ദി​ക്കു​ന്ന​ത് അ​ന്വേ​ഷ​ണം വി​ഫ​ല​മാ​ക്കു​മെ​ന്നും അ​സി. ഡ​യ​റ​ക‌്ട​ർ പി. ​രാ​ധാ​കൃ​ഷ്‌​ണ​ൻ ഹൈ​കോ​ട​തി​യി​ൽ ന​ൽ​കി​യ റി​പ്പോ​ർ​ട്ടി​ൽ വ്യ​ക്ത​മാ​ക്കു​​ന്നു. ശി​വ​ശ​ങ്ക​ർ ന​ൽ​കി​യ മു​ൻ​കൂ​ർ ജാ​മ്യ ഹ​ര​ജി​യി​ലാ​ണ്​ ഇ.​ഡി​യു​ടെ വി​ശ​ദീ​ക​ര​ണം.

സ്വ​പ്ന സു​രേ​ഷു​മാ​യി ശി​വ​ശ​ങ്ക​റി​ന് വ​ള​രെ​യ​ടു​ത്ത ബ​ന്ധ​മാ​ണു​ള്ള​തെ​ന്ന്​ റി​പ്പോ​ർ​ട്ടി​ൽ പ​റ​യു​ന്നു. ഇ​വ​ർ ദി​വ​സം മു​ഴു​വ​ൻ വാ​ട്​​സ്​ ആ​പ് സ​ന്ദേ​ശ​ങ്ങ​ളി​ലൂ​ടെ ആ​ശ​യ​വി​നി​മ​യം ന​ട​ത്താ​റു​ണ്ടാ​യി​രു​ന്നു. സ്വ​പ്ന എ​ല്ലാ കാ​ര്യ​ങ്ങ​ളും ശി​വ​ശ​ങ്ക​റു​മാ​യി ച​ർ​ച്ച ചെ​യ്തി​രു​ന്ന​താ​യി സ​ന്ദേ​ശ​ങ്ങ​ൾ പ​രി​ശോ​ധി​ച്ച​തി​ൽ​നി​ന്ന്​ വ്യ​ക്ത​മാ​ണ്. സ്വ​പ്ന സാ​മ്പ​ത്തി​ക​മാ​യി ന​ല്ല നി​ല​യി​ലാ​യി​രു​ന്നി​ല്ലെ​ന്നും ത​നി​ക്കു ക​ഴി​യാ​വു​ന്ന ത​ര​ത്തി​ലൊ​ക്കെ സ​ഹാ​യി​ച്ചി​ട്ടു​ണ്ടെ​ന്നും ശി​വ​ശ​ങ്ക​ർ മൊ​ഴി ന​ൽ​കി​യി​ട്ടു​ണ്ട്. ഇ​​ത്ര​യേ​റെ അ​ടു​പ്പ​മു​ള്ള ഒ​രാ​ൾ​ക്ക്​ സ്വ​ർ​ണ​ക്ക​ട​ത്തി​ലൂ​ടെ​യും കോ​ൺ​സു​ലേ​റ്റി​െൻറ ക​രാ​റു​ക​ളു​മാ​യും ബ​ന്ധ​പ്പെ​ട്ട് സ്വ​പ്​​ന​ക്ക്​ പ​ണം ല​ഭി​ച്ചി​രു​ന്ന​ത്​ അ​റി​യി​ല്ലെ​ന്നു​പ​റ​യു​ന്ന​ത് സം​ശ​യ​ക​ര​മാ​ണ്. ഇ​ക്കാ​ര്യ​ത്തി​ൽ കൂ​ടു​ത​ൽ വി​വ​ര​ങ്ങ​ൾ വെ​ളി​ച്ച​ത്ത്​ വ​രാ​നു​ണ്ട്.

ബാ​ഗി​ൽ നി​റ​ച്ച 30 ല​ക്ഷം രൂ​പ​യു​മാ​യി ശി​വ​ശ​ങ്ക​ർ സ്വ​പ്ന​ക്കൊ​പ്പം വീ​ട്ടി​ൽ വ​ന്ന​താ​യി ചാ​ർ​ട്ടേ​ഡ് അ​ക്കൗ​ണ്ട​ൻ​റ്​ വേ​ണു​ഗോ​പാ​ലി​െൻറ മൊ​ഴി​യു​ണ്ട്. ഇ​ത്ര​യും തു​ക കൈ​കാ​ര്യം ചെ​യ്യാ​ൻ താ​ൻ മ​ടി​ച്ച​പ്പോ​ൾ നി​യ​മ​പ​ര​മാ​യി സ​മ്പാ​ദി​ച്ച പ​ണം ത​ന്നെ​യാ​ണെ​ന്നാ​യി​രു​ന്നു വി​ശ​ദീ​ക​ര​ണം. പ​ണം ലോ​ക്ക​റി​ൽ വെ​ക്ക​ണ​മെ​ന്ന​ും ആ​വ​ശ്യ​പ്പെ​ട്ടു. ശി​വ​ശ​ങ്ക​ർ നി​ർ​ദേ​ശി​ച്ച​ത​നു​സ​രി​ച്ചാ​ണ് ഇ​ക്കാ​ര്യ​ത്തി​ൽ സ​ഹാ​യി​ച്ച​തെ​ന്നാ​ണ്​ വേ​ണു​ഗോ​പാ​ലി​െൻറ മൊ​ഴി.

സാ​മ്പ​ത്തി​ക കു​റ്റ​കൃ​ത്യ​ങ്ങ​ളി​ൽ മു​ൻ​കൂ​ർ ജാ​മ്യം ന​ൽ​കു​ന്ന​ത് ഫ​ല​പ്ര​ദ​മാ​യ അ​ന്വേ​ഷ​ണ​ത്തി​ന്​ തി​രി​ച്ച​ടി​യാ​വും. ഇ​തു​വ​രെ​യു​ള്ള അ​ന്വേ​ഷ​ണ​ത്തി​ൽ ക​ണ്ടെ​ത്തി​യ വി​വ​ര​ങ്ങ​ൾ മു​ദ്ര​വെ​ച്ച ക​വ​റി​ൽ സ​മ​ർ​പ്പി​ക്കാ​െ​മ​ന്നും ഇ​ത്​ പ​രി​ശോ​ധി​ച്ചാ​ൽ മു​ൻ​കൂ​ർ ജാ​മ്യം അ​നു​വ​ദി​ക്കേ​ണ്ട​തി​ല്ലെ​ന്ന്​ കോ​ട​തി​ക്ക്​ ബോ​ധ്യ​മാ​കു​മെ​ന്നും റി​പ്പോ​ർ​ട്ടി​ൽ പ​റ​യു​ന്നു.

ഇ.​ഡി, ക​സ്​​റ്റം​സ്​ കേ​സു​ക​ളി​ൽ ശി​വ​ശ​ങ്ക​റി​നെ 23 വ​രെ അ​റ​സ്​​റ്റ്​ ചെ​യ്യു​ന്ന​ത്​ കോ​ട​തി ത​ട​ഞ്ഞി​ട്ടു​ണ്ട്. വെ​ള്ളി​യാ​ഴ്​​ച ര​ണ്ട്​ ഹ​ര​ജി​യും വീ​ണ്ടും കോ​ട​തി​യു​ടെ പ​രി​ഗ​ണ​ന​ക്കെ​ത്തു​ന്നു​ണ്ട്.