Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_right'വായിൽ തോന്നുന്നത്​...

'വായിൽ തോന്നുന്നത്​ അങ്ങ്​ വിളിച്ചുപറയുകയാണ്'​; നാര്‍ക്കോട്ടിക് ജിഹാദിൽ ബിഷപ്പിനെ രൂക്ഷമായി വിമർശിച്ച്​ ജിയോ ബേബി.

text_fields
bookmark_border
വായിൽ തോന്നുന്നത്​ അങ്ങ്​ വിളിച്ചുപറയുകയാണ്​; നാര്‍ക്കോട്ടിക് ജിഹാദിൽ ബിഷപ്പിനെ രൂക്ഷമായി വിമർശിച്ച്​ ജിയോ ബേബി.
cancel

കേരളത്തില്‍ ലവ് ജിഹാദിനൊപ്പം നാര്‍ക്കോട്ടിക് ജിഹാദും നടക്കുന്നുണ്ടെന്ന പാലാ രൂപത ബിഷപ്പ് ജോസഫ് കല്ലറങ്ങോട്ടി​െൻറ ആരോപണത്തെ രൂക്ഷമായി വിമർശിച്ച്​ സംവിധായകന്‍ ജിയോ ബേബി. ത​െൻറ ഫേസ്​ബുക്ക്​ അകൗണ്ടിലൂടെയാണ്​ ജിയോബേബി ബിഷപ്പിനെതിരേ പ്രതികരിച്ചത്​. 'വായില്‍ തോന്നുന്നത് അങ്ങ് വിളിച്ചു പറയുവാണ്. താനെന്തൊരു വൃത്തികെട്ടവന്‍ ആണെടോ വിഷ പ്പേ' എന്നാണ് ജിയോ ബേബി ഫേസ്ബുക്കില്‍ എഴുതിയത്.

കേരളത്തിൽ ലവ് ജിഹാദിനൊപ്പം നർക്കോട്ടിക് ജിഹാദുമുണ്ടെന്ന ​ആരോപണമാണ്​ പാലാ രൂപത ബിഷപ് മാര്‍ ജോസഫ് കല്ലറങ്ങാട്ട് ഉന്നയിച്ചത്​. നർകോട്ടിക്, ലവ് ജിഹാദുകൾക്ക് കത്തോലിക്ക പെൺകുട്ടികളെ ഇരയാക്കുന്നുവെന്നും ഇതിനെതിരെ കത്തോലിക്ക കുടുംബങ്ങൾ കരുതിയിരിക്കണമെന്നും ബിഷപ്പ് വചന സന്ദേശത്തിൽ പറഞ്ഞിരുന്നു.

കുറവിലങ്ങാട് പള്ളിയുടെ യുട്യൂബ് ചാനലിലൂടെയാണ് ബിഷപ്പി​െൻറ പ്രസംഗം പുറത്തുവന്നത്. ലവ് ജിഹാദില്ലെന്ന് സ്ഥാപിക്കാൻ ശ്രമിക്കുന്നത് കണ്ണടച്ച് ഇരുട്ടാക്കുന്നതിന് തുല്യമാണ്​. ഇത്തരക്കാർക്ക് നിക്ഷിപ്​ത താൽപര്യം ഉണ്ട്. ഇതര മതസ്ഥരായ യുവതികൾ ഐ.എസ് ക്യാമ്പിൽ എങ്ങനെ എത്തിയെന്ന് പരിശോധിച്ചാൽ ഇക്കാര്യങ്ങൾ മനസിലാകും.

വര്‍ഗീയതയും വിദ്വേഷവും വെറുപ്പും മതസ്​പർധയും അസഹിഷ്​ണുതയും വളര്‍ത്താന്‍ ശ്രമിക്കുന്ന ജിഹാദി തീവ്രവാദികള്‍ ലോകമെമ്പാടും ഉണ്ട്. ഇതിനെതിരെ കത്തോലിക്ക കുടുംബങ്ങൾ കരുതിയിരിക്കണമെന്നും ബിഷപ്പ് മുന്നറിയിപ്പ് നൽകുന്നു. ജിഹാദിന് സഹായം നൽകുന്ന ഒരു വിഭാഗം കേരളത്തിൽ പ്രവർത്തിക്കുന്നുണ്ട്. ആയുധം ഉപയോഗിക്കാനാവാത്ത സ്ഥലങ്ങളിൽ ഇത്തരം മാർഗങ്ങളാണ് ഉപയോഗിക്കുന്നത് എന്നിങ്ങനെയാണ് ബിഷപ്പ്​ ആരോപിച്ചത്​.


ബിഷപ്പി​െൻറ പരാമർശങ്ങൾക്കെതിരേ എസ്.കെ.എസ്.എസ്.എഫ് സംസ്ഥാന ജനറല്‍ സെക്രട്ടറി സത്താര്‍ പന്തല്ലൂര്‍ രംഗത്തുവന്നിരുന്നു. ആരോപണങ്ങൾക്ക്​ ബിഷപ്പ്​ തെളിവുകൾ വെളിപ്പെടുത്തണമെന്ന ആവശ്യമാണ്​ അദ്ദേഹം ഉന്നയിച്ചത്​. 'ലൗ ജിഹാദ്, നാർകോട്ടിക് ജിഹാദ് ആരോപണത്തി​െൻറ തെളിവുകൾ പാലാ ബിഷപ്പ് വെളിപ്പെടുത്തണം. അതിന് കഴിയില്ലെങ്കിൽ അദ്ദേഹം നാർകോട്ടിക് അടിച്ചതെവിടെ നിന്നെന്ന് തുറന്നു പറയണം. രണ്ടും നടക്കില്ലെങ്കിൽ ഈ വിഷ സർപ്പത്തെ പിടിച്ച് കൂട്ടിലടക്കണം'-സത്താര്‍ പന്തല്ലൂര്‍ ഫേസ്​ബുക്കിൽ കുറിച്ചു.

Show Full Article
TAGS:narcotic jihad bishop jeo baby director 
News Summary - director jeo baby against pala bishop narcotic jihad comment
Next Story