സ്വപ്നയുടെ മൊഴി ചോർത്തിയതാര്​? കസ്​റ്റംസ് അന്വേഷണം ധനമന്ത്രിയുടെ സ്​റ്റാഫിലേക്കും

തി​രു​വ​ന​ന്ത​പു​രം: സ്വ​ർ​ണ​ക്ക​ട​ത്തു​കേ​സി​ലെ പ്ര​തി സ്വ​പ്ന നാ​യ​ർ, ജനം ടി.വി കോഡിനേറ്റിങ്​ എഡിറ്റർ അ​നി​ൽ ന​മ്പ്യാ​രെ​ക്കു​റി​ച്ച് പ​റ​ഞ്ഞ മൊ​ഴി ചോ​ർ​ന്ന സം​ഭ​വ​ത്തി​ൽ ക​സ്​​റ്റം​സ് അ​ന്വേ​ഷ​ണം ആ​രം​ഭി​ച്ചു. ധനമന്ത്രി തോമസ്​ ഐസകിൻെറ പഴ്​സനൽ സ്​റ്റാഫിൽ ഒരാളുടെ മൊഴി രേഖപ്പെടുത്തി. സോഷ്യൽ മീഡിയ വഴി ലഭിച്ച മൊഴിപ്പകർപ്പ്​ മാധ്യമങ്ങളുമായി പങ്കുവെച്ചതായി ഇദ്ദേഹം അറിയിച്ചതായാണ്​ സൂചന.

ക​സ്​​റ്റം​സി​നു​ള്ളി​ലെ ചി​ല ഉ​ദ്യോ​ഗ​സ്ഥരാണ്​ മൊഴിപുറത്തുവിട്ടതെന്നാണ്​ നി​ഗ​മ​നം. അ​തി​നാ​ൽ ഉ​ന്ന​ത ഉ​ദ്യോ​ഗ​സ്ഥ​രെ ഉ​ൾ​പ്പെ​ടെ കേ​ന്ദ്രീ​ക​രി​ച്ച് അ​ന്വേ​ഷ​ണം പു​രോ​ഗ​മി​ക്കു​ക​യാ​ണ്. 33 പേജുള്ള മൊഴിയിൽ അനിൽ നമ്പ്യാരെ കുറിച്ചുള്ള മൂന്ന്​ പേജ്​ ​മാത്രമാണ്​ പുറത്ത്​ വന്നിരുന്നത്​. അനിലിനെ കസ്​റ്റംസ്​ ചോദ്യംചെയ്യാൻ വിളിപ്പിച്ച ഉടൻ ആയിരുന്നു ​ഇത്​.

സ്വ​ർ​ണം വ​ന്ന​ത് ന​യ​ത​ന്ത്ര ബാ​ഗേ​ജി​ൽ അ​ല്ലെ​ന്നും വ്യ​ക്തി​ക്ക് വ​ന്ന പാ​ർ​സ​ലാ​ണെ​ന്നും യു.​എ.​ഇ കോ​ൺ​സ​ൽ ജ​ന​റ​ലി​നെ​ക്കൊ​ണ്ട് ക​ത്ത് കൊ​ടു​പ്പി​ക്കാ​ൻ അ​നി​ൽ ന​മ്പ്യാ​ർ നി​ർ​ദേ​ശി​ച്ചെ​ന്നാ​ണ് സ്വ​പ്ന ന​ൽ​കി​യ മൊ​ഴി​യി​ലു​ള്ള​ത്. ബി.​ജെ.​പി​ക്ക് യു.​എ.​ഇ കോ​ൺ​സു​ലേ​റ്റി​െൻറ സ​ഹാ​യം ന​മ്പ്യാ​ർ ആ​വ​ശ്യ​പ്പെ​ട്ട​താ​യും സ്വ​പ്ന​യു​ടെ മൊ​ഴി​യി​ലു​ണ്ട്.

ക​സ്​​റ്റം​സ് സീ​ൽ ചെ​യ്ത ക​വ​റി​ൽ കോ​ട​തി​യി​ൽ സ​മ​ർ​പ്പി​ച്ച മൊ​ഴി​യി​ൽ​നി​ന്ന്​ ഇ​ക്കാ​ര്യ​ങ്ങ​ൾ മാ​ത്രം എ​ങ്ങ​നെ പു​റ​ത്തു​വ​ന്നെ​ന്ന​താ​ണ് സം​ശ​യം ജ​നി​പ്പി​ക്കു​ന്ന​ത്.