കർണാടകയിലെ കോൺ​ഗ്രസ്​ എം.എൽ.എ രാജി വെച്ചു

ബംഗളൂരു: കർണാടകയിലെ കോൺഗ്രസ്​ എം.എൽ.എ ഉമേഷ്​ ജാദവ്​ രാജി ​വെച്ചു. തിങ്കളാഴ്​ച രാജിക്കത്ത്​ നിയമസഭാ സ്​പീക്കർ ക്ക്​ കൈമാറി. രാജിയുടെ കാരണം വ്യക്തമല്ല.

ചിഞ്ചോളി നിയോജക മണ്ഡലത്തിൽ നിന്ന്​ രണ്ട്​ തവണ കോൺഗ്രസ്​ ടിക്കറ്റിൽ മത്സരിച്ച്​ എം.എൽ​.എയായ വ്യക്തിയാണ്​ ഉമേഷ്​ ജാദവ്​. മണ്ഡലത്തിലെ വികസന പ്രവർത്തനങ്ങൾ മുന്നോട്ട്​ കൊണ്ടു പോകുന്നതിൽ കോണഗ്രസ്​-ജെ.ഡി.എസ്​ മുന്നണി സർക്കാറിൽ നിന്ന്​ വേണ്ടത്ര സഹകരണം ലഭിക്കുന്നില്ലെന്ന പരാതി ജമേഷ്​ ജാദവിനുണ്ടായിരുന്നതായാണ്​ വിവരം.

രാജി വെച്ച ശേഷം അദ്ദേഹം ഗുൽബർഗ ലോക്​സഭ മണ്ഡലത്തിൽ നിന്ന്​ മത്സരിച്ചേക്കുമെന്നും റിപ്പോർട്ടുകളുണ്ട്​.