ഫിറ്റ്നസ് ഇല്ലാത്ത വാഹനങ്ങൾക്കും സർട്ടിഫിക്കറ്റ്; ട്രാൻസ്പോർട്ട് കമീഷണറുടെ ഉത്തരവ് അട്ടിമറിക്കുന്നു

കോ​ഴി​ക്കോ​ട്: ഫി​റ്റ്ന​സ് സ​ർ​ട്ടി​ഫി​ക്ക​റ്റ് റ​ദ്ദു​ചെ​യ്ത കോ​ൺ​ട്രാ​ക്ട് കാ​രേ​ജ് ബ​സു​ക​ൾ​ക്ക് പി​ടി​ക്ക​പ്പെ​ട്ട അ​തേ അ​വ​സ്ഥ​യി​ൽ​ത​ന്നെ മോ​ട്ടോ​ർ വാ​ഹ​ന​വ​കു​പ്പ് ഉ​ദ്യോ​ഗ​സ്ഥ​ർ ഫി​റ്റ്ന​സ് ന​ൽ​കു​ന്നു. ഒ​ക്ടോ​ബ​റി​ൽ പാ​ല​ക്കാ​ട്-​തൃ​ശൂ​ർ ദേ​ശീ​യ​പാ​ത​യി​ൽ വ​ട​ക്ക​ഞ്ചേ​രി​യി​ൽ ടൂ​റി​സ്റ്റ് ബ​സ് അ​പ​ക​ട​ത്തി​ൽ​പെ​ട്ട് അ​ഞ്ചു വി​ദ്യാ​ർ​ഥി​ക​ൾ ഉ​ൾ​പ്പെ​​ടെ ഒ​മ്പ​തു​പേ​ർ മ​രി​ച്ച സം​ഭ​വ​ത്തി​ൽ മോ​ട്ടോ​ർ ട്രാ​ൻ​സ്​​പോ​ർ​ട്ട് ക​മീ​ഷ​ണ​ർ ഇ​റ​ക്കി​യ ഉ​ത്ത​ര​വ് കാ​റ്റി​ൽ​പ​റ​ത്തി​യാ​ണ് ഉ​ദ്യോ​ഗ​സ്ഥ​ർ പ​തി​നാ​യി​ര​ങ്ങ​ൾ കോഴ വാ​ങ്ങി ഫി​റ്റ്ന​സ് സ​ർ​ട്ടി​ഫി​ക്ക​റ്റ് ന​ൽ​കു​ന്ന​ത്. ട്രാ​ൻ​സ്പോ​ർ​ട്ട് ക​മീ​ഷ​ണ​റു​ടെ ഉ​ത്ത​ര​വി​​ന്റെ അ​ടി​സ്ഥാ​ന​ത്തി​ൽ സം​സ്ഥാ​ന​ത്ത് ആ​ഴ്ച​ക​ളോ​ളം പ​രി​ശോ​ധ​ന ന​ട​ത്തി പി​ടി​കൂ​ടി​യ വാ​ഹ​ന​ങ്ങ​ൾ​ക്കാ​ണ് ഒ​രു​മാ​റ്റ​വും വ​രു​ത്താ​തെ ഫി​റ്റ്ന​സ് ന​ൽ​കു​ന്ന​ത്.

ഫി​റ്റ്ന​സ് ഇ​ല്ലാ​തെ പി​ടി​ക്ക​പ്പെ​ട്ടാ​ൽ നി​റം, ബോ​ഡി രൂ​പം, ലൈ​റ്റ്, രൂ​പ​മാ​റ്റം, സ്പീ​ഡ് ഗ​വേ​ണ​ർ, ജി.​പി.​എ​സ് തു​ട​ങ്ങി 32 മാ​ന​ദ​ണ്ഡ​ങ്ങ​ൾ പ​രി​ശോ​ധി​ച്ച് ഉ​റ​പ്പാ​ക്കി മാ​ത്ര​മേ ഫി​റ്റ്ന​സ് സ​ർ​ട്ടി​ഫി​ക്ക​റ്റ് ന​ൽ​കാ​വൂ എ​ന്നാ​ണ് ഉ​ത്ത​ര​വി​ൽ പ​റ​ഞ്ഞ​ത്. ഫി​റ്റ്ന​സ് സ​ർ​ട്ടി​ഫി​ക്ക​റ്റ് ന​ൽ​കു​ന്ന​തി​നു​മു​മ്പും ശേ​ഷ​വും വാ​ഹ​ന​ത്തി​ന്റെ ഭാ​ഗ​ങ്ങ​ളു​ടെ ഫോ​ട്ടോ എ​ടു​ക്ക​ണ​മെ​ന്നാ​ണ് മോ​ട്ടോ​ർ വാ​ഹ​ന​വ​കു​പ്പ് ക​മീ​ഷ​ണ​റു​ടെ ഉ​ത്ത​ര​വ്. പി​ടി​ക്ക​പ്പെ​ട്ട ഏ​റെ ബ​സു​ക​ൾ​ക്കും ഉ​ത്ത​ര​വു​പ്ര​കാ​രം ഫി​റ്റ്ന​സ് ല​ഭി​ക്ക​ണ​മെ​ങ്കി​ൽ ബ​സി​ന് മാ​റ്റം​വ​രു​ത്താ​ൻ മൂ​ന്നും നാ​ലും ല​ക്ഷം രൂ​പ വേ​ണ്ടി​വ​രു​മെ​ന്ന​തി​നാ​ൽ ല​ക്ഷ​ത്തോ​ളം രൂ​പ കൈ​ക്കൂ​ലി വാ​ങ്ങി ഉ​​ദ്യോ​ഗ​സ്ഥ​ർ ഫി​റ്റ്ന​സ് ന​ൽ​കു​ക​യാ​ണ്.

പി​ടി​ക്ക​പ്പെ​ട്ട ഒ​രു വാ​ഹ​നം അ​തേ അ​വ​സ്ഥ​യി​ൽ​ത​ന്നെ ക​ർ​ണാ​ട​ക​യി​ലേ​ക്ക് കൊ​ണ്ടു​പോ​വു​ക​യും അ​വി​ടെ ഓ​ടി​ക്കു​ക​യും ചെ​യ്തു. ക​ർ​ണാ​ട​ക​യി​ൽ ഓ​ടി​ക്കൊ​ണ്ടി​രി​ക്കെ വാ​ഹ​ന​പ​രി​ശോ​ധ​ന​ക്ക് വി​ധേ​യ​മാ​ക്കാ​തെ വ​ൻ തു​ക കൈ​ക്കൂ​ലി വാ​ങ്ങി ജ​നു​വ​രി 22ന് ​ഫി​റ്റ്ന​സ് സ​ർ​ട്ടി​ഫി​ക്ക​റ്റ് ന​ൽ​കി. കൂ​ടാ​തെ, സം​സ്ഥാ​നം മാ​റ്റി ഓ​ടി​ക്കു​ന്ന​തി​ന് ഈ ​വാ​ഹ​ന​ത്തി​ന് എ​ൻ.​ഒ.​സി​യും ന​ൽ​കി​യി​രി​ക്കു​ക​യാ​ണ്.

പ​ല വാ​ഹ​ന​ങ്ങ​ളും അ​യ​ൽ​സം​സ്ഥാ​ന​ങ്ങ​ളി​ൽ ഇ​തേ അ​വ​സ്ഥ​യി​ൽ ഓ​ടു​ന്നു​ണ്ടെ​ന്നാ​ണ് വി​വ​രം. ക​ർ​ണാ​ട​ക​യി​ൽ​നി​ന്ന് പ​രി​ശോ​ധ​ന​ക്കു​പോ​ലും കൊ​ണ്ടു​വ​രാ​തെ ഫി​റ്റ്ന​സ് സ​ർ​ട്ടി​ഫി​ക്ക​റ്റും എ​ൻ.​ഒ.​സി​യും ന​ൽ​കി​യ​ത് മോ​ട്ടോ​ർ വാ​ഹ​ന​വ​കു​പ്പ് ഉ​ദ്യോ​ഗ​സ്ഥ​ർ​ക്കി​ട​യി​ൽ​ത​ന്നെ വി​വാ​ദ​മാ​യി. മോ​ട്ടോ​ർ വാ​ഹ​ന​വ​കു​പ്പി​ലെ ചി​ല ഉ​ദ്യോ​ഗ​സ്ഥ​രു​ടെ സ​ൽ​പ്ര​വൃ​ത്തി​ക​ൾ​ക്ക് തു​ര​ങ്കം​വെ​ക്കു​ന്ന​താ​ണ് കൈ​ക്കൂ​ലി​വാ​ങ്ങി​യു​ള്ള ഇ​ത്ത​രം ന​ട​പ​ടി​ക​ൾ എ​ന്നാ​ണ് ആ​ക്ഷേ​പം.