സ്വർണക്കടത്തിനായി 'സി.പി.എം കമ്മിറ്റി ' എന്ന പേരില്‍ ടെലിഗ്രാം ഗ്രൂപ്പുണ്ടാക്കി -സരിത്തി​െൻറ മൊഴി

കൊച്ചി: സ്വർണക്കടത്തിനായി 'സി.പി.എം കമ്മിറ്റി ' എന്ന പേരില്‍ ടെലിഗ്രാം ഗ്രൂപ്പുണ്ടാക്കിയതായി പ്രതി സരിത്തി​െൻറ മൊഴി. എന്‍ഫോഴ്​സ്​മെന്‍റ് ഡയറക്ടറേറ്റിന് സരിത്ത്​ നല്‍കിയ മൊഴിയാണ്​ പുറത്തായത്​.

സന്ദീപ് നായർ ആണ് ഗ്രൂപ്പ്‌ ഉണ്ടാക്കിയതെന്നും പിന്നീട് തന്നേയും കെ.ടി റമീസ്, സ്വപ്‌ന തുടങ്ങിയവരേയും ഗ്രൂപ്പില്‍ അംഗമാക്കിയതായും സരിത്ത്​ ഇ.ഡിയോട്​ പറഞ്ഞതായാണ്​ വിവരം.

ഫൈസൽ ഫരീദുമായി തനിക്ക് നേരിട്ട് പരിചയമില്ലെന്നും റമീസിനാണ് ഫൈസലുമായി ബന്ധമെന്നും സരിത്ത്​ മൊഴി നൽകി.

അതേസമയം പ്രതികള്‍ ഡോളര്‍ കടത്തിയത് ഒമാനിലേക്കാണെന്ന് കസ്റ്റംസ് പറയുന്നത്​. സ്വപ്നയും സരിത്തും ഖാലിദും ഒരുമിച്ചാണ് യാത്ര നടത്തിയത്. ആദ്യം ഡോളര്‍ കടത്തിയത് കോണ്‍സുല്‍ ജനറലും അറ്റാഷെയുമാണെന്നാണ്​ സ്വപ്ന മൊഴി നല്‍കിയതെന്നും കസ്റ്റംസ് ഉദ്യോഗസ്ഥർ വ്യക്തമാക്കി.