Top
Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightചാണകം വാങ്ങി...

ചാണകം വാങ്ങി വളമാക്കുമെന്ന്​ കോൺഗ്രസ്​; പ്രശംസിച്ച്​ ആർ.എസ്​.എസ്​, പരിഹസിച്ച്​ ബി.ജെ.പി

text_fields
bookmark_border
ചാണകം വാങ്ങി വളമാക്കുമെന്ന്​ കോൺഗ്രസ്​; പ്രശംസിച്ച്​ ആർ.എസ്​.എസ്​, പരിഹസിച്ച്​ ബി.ജെ.പി
cancel

ന്യൂഡൽഹി: ചത്തീസ്​ഗഡിൽ കർഷകരിൽനിന്ന്​ ചാണകം വാങ്ങി ജൈവ വളമാക്കുമെന്ന കോൺഗ്രസ്​ സർക്കാറിൻെറ പ്രഖ്യാപനത്തിന്​ ആർ.എസ്​.എസിൻെറ പ്രശംസ. അതേസമയം, തീരുമാനത്തെ പരിഹസിച്ച്​ സംസ്​ഥാനത്തെ മുതിർന്ന ബി.ജെ.പി നേതാക്കൾ രംഗത്തെത്തി. 

കിലോക്ക്​ 1.50 രൂപ നിരക്കിൽ കർഷകരിൽ നിന്ന്​ ചാണകം വാങ്ങുമെന്നാണ്​ മുഖ്യമന്ത്രി ഭൂപേഷ് ബാഗേൽ പറഞ്ഞത്​. ഇതിൽനിന്ന് ജൈവ വളം ഉണ്ടാക്കി കർഷകർക്ക് തിരികെ വിൽക്കാനാണ് സർക്കാർ പദ്ധതി. ഗോദാൻ ന്യയ് യോജന പ്രകാരം ജൂലൈ 21ന്​ ചാണകസംഭരണം ആരംഭിക്കും.

വിദ്യാസമ്പന്നരായ യുവാക്കൾക്ക്​ തൊഴിൽ നൽകുന്നതിന്​ പകരം ചാണകം വാരാൻ നിർബന്ധിക്കുകയാണ്​ സർക്കാ​െരന്നാണ്​ ഇ​േതക്കുറിച്ച്​ ബിജെപിയു​ടെ പ്രതികരണം. മുൻ മന്ത്രിയും ബി.ജെ.പി നേതാവുമായ അജയ് ചന്ദ്രകർ പദ്ധതിയെ പരിഹസിച്ച്​ ട്വിറ്ററിൽ പാരഡി ഗാനവും അപ്‌ലോഡ് ചെയ്തിരുന്നു. ഇതിനിടെയാണ്​ സർക്കാർ പ്രഖ്യാപനത്തെ മുക്​തകണ്ഠം പ്രശംസിച്ച്​ ആർ​.എസ്​.എസ്​ രംഗത്തത്തിയത്​.

മുഖ്യമന്ത്രി ഭൂപേഷ് ബാഗേലിന് ആർ‌.എസ്‌.എസ്​ നേതാക്കൾ അഭിനന്ദന കത്ത്​ നൽകി. ‘‘തങ്ങൾ കാലങ്ങളായി ഉന്നയിക്കുന്ന ആവശ്യം നിറവേറ്റിയതിന് ജനപ്രിയ മുഖ്യമന്ത്രിയായ ബാഗേലിന്​ നന്ദി അറിയിക്കുന്നതായി’’ ആർ‌.എസ്‌.എസ്​ നേതാവ്​ ബിശ്ര റാം യാദവ്​ ഒപ്പിട്ട കത്തിൽ പറയുന്നു. ചാണകത്തിനൊപ്പം ഗോമൂത്രവും വാങ്ങണമെന്നും ഇവർ ആവശ്യപ്പെട്ടു. 

‘‘ചാണകത്തിൽ നിന്നും മൂത്രത്തിൽ നിന്നും വളം നിർമ്മിക്കാൻ വ്യവസായങ്ങളെ പ്രോത്സാഹിപ്പിക്കണം. ജൈവ വളം ഉണ്ടാക്കുന്നതിന്​ കർഷകർക്ക് പരിശീലനവും സാമ്പത്തിക സഹായവും നൽകണം. കർഷക വീടുകളിൽ കന്നുകാലികൾക്ക്​ അഭയകേന്ദ്രം നിർമ്മിക്കാൻ ഗ്രാൻറ്​ നൽകണം. ഇക്കാര്യങ്ങൾ  ഞങ്ങൾ മുഖ്യമന്ത്രിയോട് ആവശ്യപ്പെട്ടിട്ടുണ്ട്​’’ -ആർ‌.എസ്‌.എസ് പ്രതിനിധി സാഹു വാർത്താ ഏജൻസിയായ പി.ടി.ഐയോട്​ പറഞ്ഞു. ഞങ്ങളുടെ  ആവശ്യങ്ങളിൽ ചിലത്​ സർക്കാർ അംഗീകരിച്ചതിന്​ നന്ദി പ്രകടിപ്പിക്കാനും മറ്റു ചില നിർദേശങ്ങൾ സമർപ്പിക്കാനുമാണ്​ കത്ത്​ നൽകിയതെന്ന്​  ആർ.‌എസ്‌.എസ് അംഗവും ഗൗ ഗ്രാമ സ്വാവലംഭൻ അഭിയാൻെറ തലവനുമായ സുബോദ് രതി പറഞ്ഞു.

അതിനിടെ, ആർ.‌എസ്‌.എസ്​ കത്ത്​ നൽകിയെന്ന വാദം തെറ്റാണെന്ന്​ ബി.ജെ.പി കേന്ദ്രങ്ങൾ ആരോപിച്ചു. ‘ആർ‌.എസ്‌.എസിന് ധാരാളം ഉപസംഘടനകളുണ്ട്. ഈ പദ്ധതിക്ക്​ ചിലർ അവരുടെ പിന്തുണ നൽകാൻ ആഗ്രഹിക്കുന്നുവെങ്കിൽ നൽകാം. അത് ആർ.‌എസ്‌.എസിൻെറ പിന്തുണയായി കണക്കാക്കേണ്ട’ -മുൻ മുഖ്യമന്ത്രിയും ബി.ജെ.പി നേതാവുമായ രമൺ സിങ്​ പറഞ്ഞു.

കത്ത് ആർ‌.എസ്‌.എസിൻെറതാണെന്ന വാദം തെറ്റ​ാണെന്ന്​ ആർ‌.എസ്‌.എസ് നേതാവ് പ്രഭാത് മിശ്ര പറഞ്ഞു. ഗ്രാമീണ സമ്പദ്‌വ്യവസ്ഥയെ ശക്തിപ്പെടുത്താനുള്ള പദ്ധതികൾ ഞങ്ങളുടെ പ്രത്യയശാസ്ത്രത്തിൻെറ ഭാഗമാണ്​. കന്നുകാലികളെ ആശ്രയിച്ച്​ ഗ്രാമീണ സമ്പദ്‌വ്യവസ്ഥ സൃഷ്​ടിക്കുന്നതിനുള്ള ആദ്യപടിയായാണ് സർക്കാറിൻറ പദ്ധതിയെ കത്ത് തയ്യാറാക്കിയവർ വിശേഷിപ്പിച്ചത്. ഇതിനെതിരെ രം​ഗത്തിറങ്ങണമോ വേണ്ടയോ എന്ന്​ ബി.ജെ.പി നേതാക്കൾക്ക്​ തീരുമാനിക്കാം. എന്നാൽ, ഞങ്ങളുടെ സംഘടനയിൽ കർഷകരും കന്നുകാലികളെ പരിപാലിക്കുന്നവരുമെല്ലാമുണ്ട്​. എല്ലാവർക്കും സ്വന്തമായി കന്നുകാലികളുമുണ്ട്​ -അദ്ദേഹം കൂട്ടിച്ചേർത്തു.

അതേസമയം, പദ്ധതിയുടെ ക്രെഡിറ്റ് അടിച്ചെടുക്കാനാണ്​ ആർ‌.എസ്‌.എസ്​ ശ്രമമെന്ന്​ മുഖ്യമന്ത്രി ഭൂപേഷ് ബാഗേൽ ആരോപിച്ചു. 

Show Full Article
TAGS:rss bjp congress Cow Dung 
News Summary -  RSS Praises Baghel's Cow Dung Purchase BJP Mocked It
Next Story