Top
Begin typing your search above and press return to search.
exit_to_app
exit_to_app
Siddaramaiah
cancel
Homechevron_rightNewschevron_rightIndiachevron_rightഗോഡ്​സെയെ...

ഗോഡ്​സെയെ ആരാധിക്കുന്നത്​ ഏറ്റവും വലിയ രാജ്യദ്രോഹം -സിദ്ധരാമയ്യ

text_fields
bookmark_border

ബംഗളൂ​രു: മഹാത്മാഗാന്ധിയെ കൊലപ്പെട​​ുത്തിയ നാഥുറാം ഗോഡ്​സെയെ ആരാധിക്കുന്നതാണ്​ ഏറ്റവും വലിയ രാജ്യദ്രോഹമെന്ന്​ കോൺഗ്രസ്​ നേതാവ്​ സിദ്ധരാമയ്യ. രക്ഷസാക്ഷിത്വ ദിനത്തിൽ ആർ.എസ്​.എസ്​ -ബി.ജെ.പി പ്രവർത്തകർ ഗോഡ്​സെയെ പുകഴ്​ത്തുന്നതിനെതിരെയായിരുന്നു വിമർശനം. ശനിയാഴ്ച ഗാന്ധിയെ അനുസ്​മരിച്ച്​ സംസാരിക്കുകയായിരുന്നു അദ്ദേഹം.

രക്തസാക്ഷിത്വ ദിനത്തിൽ ഗോഡ്​സെയെ ആരാധിക്കുന്നു. ഏറ്റവും വലിയ രാജ്യദ്രോഹക്കുറ്റത്തിന്​ മറ്റൊന്നും ഇനി വേണ്ട. ഗാന്ധിയുടെ കൊലയാളിക്കായി പ്രതിമ നിർമിക്കുന്നവരും ഗോഡ്​സെയെ ആരാധിക്കുന്നവരും ദേശഭക്തമാരല്ല -സിദ്ധരാമയ്യ കൂട്ടിച്ചേർത്തു.

സ്വാതന്ത്ര്യ സമരത്തിൽ ആർ.എസ്​.എസ്​ -ബി.ജെ.പി നേതാക്കളിൽ ഒരാളെങ്കിലും കൊല്ലപ്പെട്ടിരുന്നോ? അവരിൽനിന്ന്​ ദേശസ്​നേഹത്തിന്‍റെ പാഠങ്ങൾ ഉൾക്കൊള്ള​ണോ. ഇന്ദിര ഗാന്ധിയും രാജീവ്​ ഗാന്ധിയും രാജ്യത്തിന്​ വേണ്ടി മരിച്ചു. ബി.ജെ.പിയുടെയും ആർ.എസ്​.എസിന്‍റെയും സംഭാവന എന്താണെന്നും അദ്ദേഹം ചോദിച്ചു.

ബി.ജെ.പിക്കെതിരായ രണ്ടാം സ്വാതന്ത്ര്യ സമരത്തിനിറങ്ങാൻ പറഞ്ഞ അദ്ദേഹം ദീർഘകാലം ബി.ജെ.പി ദീർഘകാലം അധികാരത്തിൽ തുടരുകയാണെങ്കിൽ രാജ്യത്തിന്‍റെ ഐക്യം നഷ്​ടപ്പെടുത്തുമെന്നും അദ്ദേഹം കൂട്ടിച്ചേർത്തു.

സമാധാനത്തോടെ ഇപ്പോൾ ആർക്കും ജീവിക്കാൻ കഴിയുന്നില്ല. തൊഴിലാളികൾ, കർഷകർ, സ്​ത്രീകൾ, കുട്ടികൾ എല്ലാവരും കഷ്​ടപ്പെടുന്നു. തൊഴിലാളികൾക്കെതിരെയും കർഷക​ർക്കെതിരെയും നിയമങ്ങളുണ്ടാക്കുന്നു. ഇതിലൂടെ സമാധന അന്തരീക്ഷം തകർക്കുകയാണെന്നും അദ്ദേഹം കൂട്ടിച്ചേർത്തു.

Show Full Article
TAGS:Siddaramaiah martyrs day Gandhi Nathuram Godse BJP RSS 
News Summary - Worshipping Godse is biggest treason Siddaramaiah
Next Story