സ്കൂട്ടറിൽ യുവതിക്കൊപ്പം സുഹൃത്തുമുണ്ടായിരുന്നു; ഡൽഹിയിലെ 20കാരിയുടെ മരണത്തിൽ നിർണായക വിവരം
text_fieldsന്യൂഡൽഹി: ഡൽഹിയിൽ 20കാരിയെ കാറിടിച്ച് വീഴ്ത്തിയശേഷം കിലോമീറ്ററുകളോളം റോഡിലൂടെ വലിച്ചിഴച്ച സംഭവത്തിൽ നിർണായക കണ്ടെത്തലുമായി ഡൽഹി പൊലീസ്. അപകടസമയത്ത് സ്കൂട്ടറിൽ യുവതി തനിച്ചല്ല യാത്രചെയ്തതെന്നും സുഹൃത്തായ മറ്റൊരു യുവതിയും ഇവർക്കൊപ്പമുണ്ടായിരുന്നതായും പൊലീസ് അറിയിച്ചു.
സുഹൃത്തിനും പരിക്കേറ്റിട്ടുണ്ട്. എന്നാൽ, അപകട ശേഷം സംഭവസ്ഥലത്തു നിന്ന് ഇവർ രക്ഷപ്പെടുകയായിരുന്ന് പൊലീസ് പറഞ്ഞു. ഞായറാഴ്ച രാത്രിയാണ് കേസിനാസ്പദമായ സംഭവം. മദ്യലഹരിയിൽ യുവാക്കളുടെ കാർ സ്കൂട്ടർ യാത്രക്കാരിയെ ഇടിച്ചിടുകയായിരുന്നു. കാറിൽ കുരുങ്ങിയ യുവതിയെ 12 കിലോമീറ്ററോളം റോഡിലൂടെ വലിച്ചിഴച്ചു. സംഭവത്തിൽ അഞ്ചുപേരെ പൊലീസ് അറസ്റ്റ്ചെയ്തിട്ടുണ്ട്.
അതേസമയം, കൊലപാതകം അപകടമാണെന്ന് വരുത്തിത്തീർക്കാൻ പൊലീസ് ശ്രമിക്കുകയാണെന്നാരോപിച്ച് യുവതിയുടെ കുടുംബം രംഗത്തെത്തി. സംഭവത്തെ അപൂർവ കുറ്റകൃത്യമെന്ന് വിശേഷിപ്പിച്ച ഡൽഹി മുഖ്യമന്ത്രി അരവിന്ദ് കെജ്രിവാൾ പ്രതികൾക്കെതിരെ മാതൃകാപരമായ നടപടിയെടുക്കാൻ ലഫ്റ്റനന്റ് ഗവർണർ വി.കെ. സക്സേനയോട് അഭ്യർഥിച്ചിരുന്നു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.