യു.പി പഞ്ചായത്ത്​​ തെരഞ്ഞെടുപ്പ്: കോവിഡ്​ ബാധിച്ച്​ മരിച്ചത്​ നൂറിലേറെ ഉദ്യോഗസ്​ഥർ

ലഖ്​നൗ: യു.പിയിലെ പഞ്ചായത്ത്​ തെരഞ്ഞെടുപ്പിന്​ നിയോഗിച്ച ഉദ്യോഗസ്​ഥരിൽ നിരവധി പേർക്ക്​ കോവിഡ്​ സ്​ഥിരീകരിച്ചു​. ഇതിൽ പലരും മരണത്തിന്​ കീഴടങ്ങി. സർക്കാർ സ്​കൂൾ പ്രിൻസിപ്പൽമാരായ ലല്ലൻ റാം (59), മീന കുമാരി (55) ദമ്പതികളാണ്​ ഒടുവിലത്തെ ഇരകൾ.

രണ്ടുപേരും തെരഞ്ഞെടുപ്പ്​ പരിശീലന ക്യാമ്പിൽ പങ്കെടുത്തിരുന്നു. പ്രായം, രോഗങ്ങൾ എന്നിവ കാരണം ഉയർന്ന അപകടസാധ്യതയുള്ള വിഭാഗത്തിലായിട്ടും മാതാപിതാക്കളെ തെരഞ്ഞെടുപ്പ് ചുമതല ഏൽപ്പിച്ചതായും പരിശീലനത്തിൽ പ​െങ്കടുത്ത് ദിവസങ്ങൾക്കുള്ളിൽ പനി ബാധിച്ചതായും ഇവരുടെ മകൻ അനികേത്​ കുറ്റപ്പെടുത്തുന്നു. അതേസമയം, അസുഖം കാരണം തെരഞ്ഞെടുപ്പ് ഡ്യൂട്ടിൽ പങ്കെടുക്കാൻ കഴിയാത്തതിനാൽ സർക്കാർ പ്രഖ്യാപിച്ച നഷ്ടപരിഹാരം ലഭിക്കില്ലെന്ന ആശങ്കയിലാണ്​ കുടുംബം.

ഏപ്രിൽ 11ന് സിദ്ധാർഥ്​ നഗർ ജില്ലാ ആസ്ഥാനത്ത് നടന്ന പരിശീലന ക്യാമ്പിലാണ്​ ഇവർ പ​െങ്കടുത്തത്​. ഏപ്രിൽ 26 ന് ഡൂമരിയഗഞ്ചിലായിരുന്നു തെരഞ്ഞെടുപ്പ്​ ഡ്യൂട്ടിക്ക്​ നിയോഗിച്ചിരുന്നത്​.

'ഹൃദയ രോഗിയായ എ​െൻറ പിതാവ് ക്യാമ്പിൽനിന്ന് മടങ്ങിയെത്തി നാല് ദിവസത്തിനുള്ളിൽ രോഗലക്ഷണങ്ങൾ കാണിച്ചുതുടങ്ങി. തുടക്കത്തിൽ വലിയ പ്രശ്​നമുണ്ടായിരുന്നില്ല. പക്ഷെ, ഏപ്രിൽ 20ന് അസുഖം മുർച്ഛിച്ചപ്പോൾ ആൻറിജൻ പരിശോധന നടത്തി. ഇത് നെഗറ്റീവായതിനാൽ ആശുപത്രികൾ അദ്ദേഹത്തെ പ്രവേശിപ്പിക്കാൻ സമ്മതിച്ചില്ല. ഏപ്രിൽ 22ന് ആർ.‌ടി.പി.‌സി.‌ആർ ടെസ്​റ്റ്​ നടത്തി. പക്ഷെ, ഫലം വൈകിയതിനാൽ ഇദ്ദേഹത്തെ 80 കിലോമീറ്റർ അകലെയുള്ള ഗൊരഖ്​പുരിലെ സ്വകാര്യ ആശുപത്രിയിലേക്ക്​ മാറ്റി' ^മകൻ അനികേത്​ പറയുന്നു.

ഏപ്രിൽ 25ന് പിതാവ്​ ​െഎ.സി.യുവിൽ കഴിയു​േമ്പാൾ അദ്ദേഹത്തി​െൻറ ഫോണിലേക്ക്​ മുതിർന്ന ഉദ്യോഗസ്​ഥൻ വിളിച്ച്​ ​ഡ്യൂട്ടിക്ക്​ വരാൻ ആവശ്യപ്പെട്ടു. അദ്ദേഹം ​െഎ.സി.യുവിലാണെന്ന്​ അറിയിച്ചപ്പോൾ കള്ളം പറയുകയാണെന്നും പൊലീസിൽ പരാതിൽ​ നൽകുമെന്നും പറഞ്ഞ്​ ഭീഷണിപ്പെടുത്തിയതായും അനികേത്​ ആരോപിക്കുന്നു.

വൃക്ക സംബന്ധമായ അസുഖം ബാധിച്ച മീന കുമാരിക്ക്​ രോഗലക്ഷണം വന്നപ്പോൾ സിദ്ധാർത്ഥ് നഗറിലെ ആശുപത്രിയിൽ പ്രവേശിപ്പിച്ചു. പക്ഷെ, അവിടെ മതിയായ സംവിധാനങ്ങ​േളാ ചികിത്സയോ ലഭിച്ചില്ല. ഇതോടെയാണ്​ അവർ മരണത്തിന്​ കീഴടങ്ങിയതെന്നും മക്കൾ പറയുന്നു.

തെരഞ്ഞെടുപ്പ്​ പരിശീലന ക്യാമ്പിൽ സാമൂഹിക അകലം പാലിക്കുകയോ താപനില പരിശോധിക്കുകയോ ചെയ്​തിരുന്നില്ല. ഏതാനും പേർ മാത്രമാണ്​ മാസ്​ക്​ ധരിച്ചിരുന്നതെന്നും മാതാപിതാക്കൾ പറഞ്ഞതായി മക്കൾ ചൂണ്ടിക്കാട്ടി.

ഇവരുടെ മൂത്ത മകളും സ്​കൂൾ അധ്യാപികയുമായി പ്രീതിയും തെരഞ്ഞെടുപ്പ്​ ഡ്യൂട്ടിക്ക്​ നിയോഗിച്ചിരുന്നു. 'ഈ സമയത്ത് പഞ്ചായത്ത് തെരഞ്ഞെടുപ്പി​െൻറ ആവശ്യം എന്തായിരുന്നു? എന്നെ പോസ്റ്റുചെയ്ത ടിക്കോണിയ ഗ്രാമത്തിൽ, പനി ബാധിച്ചവരും ബാലറ്റ് പേപ്പറിൽ സീൽ പതിക്കാൻ പോലും കഴിയാത്തത്ര ദുർബലരുമായ ആളുകൾ ഉണ്ടായിരുന്നു. അവരെ ഞങ്ങൾക്ക്​ സഹായിക്കേണ്ടതായി വന്നു. തെരഞ്ഞെടുപ്പിന്​ ശേഷം എനിക്കും രോഗലക്ഷണങ്ങൾ കണ്ടുതുടങ്ങി. തുടർന്ന്​ മരുന്ന്​ കഴിച്ച്​ അതിനെ പ്രതിരോധിക്കുകയായിരുന്നു' -പ്രീതി പറഞ്ഞു.

നഷ്ടപരിഹാരത്തിനായി കുടുംബത്തി​െൻറ അപേക്ഷ ഉന്നത അധികാരികൾക്ക് കൈമാറിയതായി സിദ്ധാർത്ഥ് നഗറിലെ വിദ്യാഭാസ വകുപ്പിലെ ഉദ്യോഗസ്​ഥൻ പറഞ്ഞു. തെരഞ്ഞെടുപ്പ്​ ഡ്യൂട്ടിക്കിടെ കോവിഡ്​ ബാധിച്ച്​ മരിച്ചവരുടെ കുടുംബത്തിന്​ ഒരു കോടി രൂപ വീതം നൽകുന്നത്​ പരിഗണിക്കണമെന്ന്​ അലഹബാദ് ഹൈകോടതി സർക്കാറിനോട് ആവ​ശ്യപ്പെട്ടിരുന്നു. ആർ.‌ടി.പി.‌സി.‌ആർ പരിശോധന നടത്താതെയും മതിയായ മുൻകരുതൽ എടുക്കാതെയും ഉദ്യോഗസ്​ഥരെ നിയമിച്ചതിന്​ സർക്കാറിനെയും തെരഞ്ഞെടുപ്പ്​ കമീഷനെയും കോടതി കുറ്റപ്പെടുത്തി.

ഇതുവരെ ലഭ്യമായ വിവരങ്ങൾ അനുസരിച്ച്​ 28 ജില്ലകളിൽ 77 പോളിംഗ് ഉദ്യോഗസ്ഥർ മരിച്ചുവെന്ന് സംസ്ഥാന തെരഞ്ഞെടുപ്പ് കമീഷണർ തരുൺ അഗർവാൾ കോടതിയെ അറിയിച്ചു. എന്നാൽ, നൂറിലേറെ പേർ മരിച്ചെന്നാണ്​ അധ്യാപക സംഘടനകൾ പറയുന്നത്​.