ജെയ്​ശ്​​ കമാൻഡറടക്കം രണ്ട്​ ഭീകരരെ വധിച്ചു

ശ്രീനഗർ: ​ജയ്​ശെ മുഹമ്മദ്​ കമാൻഡർ ഉൾപ്പെടെ രണ്ട്​ ഭീകരരെ സൈന്യം ഏറ്റുമുട്ടലിനിടെ വധിച്ചു. തെക്കൻ കശ്​മീരിലെ ഷോപിയാൻ ജില്ലയിൽ വെള്ളിയാഴ്​ച രാത്രി നടത്തിയ തിരച്ചിലിനിടെയാണ്​ പാക്​ പൗരനായ മുന്ന ലഹോരി എന്ന ബിഹാരി, ഇയാള ുടെ സഹായി പ്രദേശവാസിയും ഭീകരപ്രവർത്തനത്തിൽ പങ്കാളിയുമായ സീനത്തുൽ ഇസ്​ലാം എന്നിവരെ സൈന്യം വധിച്ചത്​. ​ഷോപിയ ാൻ ടൗണിലെ ​ബൊണ്ണ ബസാർ മേഖലയിൽ ഒളിവിൽ കഴിയുകയായിരുന്നു ഇരുവരും.

​െകാല്ലപ്പെട്ട മുന്ന ലഹോരി തെക്കൻ കശ്​മീരിലെ ജയ്​ശെ മുഹമ്മദ്​ കമാൻഡറും ​സ്​ഫോടകവസ്​തു നിർമാണത്തിൽ വിദഗ്​ധനുമാണെന്ന്​ പൊലീസ്​ പറഞ്ഞു. കഴിഞ്ഞ മാർച്ചിൽ കശ്​മീരിലെ ബാനിഹാലിൽ സൈനിക വാഹനവ്യൂഹത്തിനെ ലക്ഷ്യമിട്ട്​ സ്​ഫോടനം നടത്തിയ സംഭവത്തിലും ജൂണിൽ രണ്ട്​ സൈനികരുടെ മരണത്തിനിടയാക്കിയ പുൽവാമയിൽ നടന്ന സ്​ഫോടത്തിലും മുന്ന ലഹോരിക്ക്​ പങ്കുള്ളതായി പൊലീസ്​ പറഞ്ഞു.

മുന്നയോടൊപ്പം കൊല്ലപ്പെട്ട തുർക്കവഗം ഗ്രാമത്തി​ലെ സീനത്തുൽ ഇസ്​ലാമി​​െൻറ മൃതദേഹം കുടുംബത്തിന്​ വിട്ടുനൽകുകയും പാക്​ പൗരനായ മുന്നയുടേത്​ ഖബറടക്കാനായി അജ്​ഞാത സ്​ഥലത്തേക്ക്​ മാറ്റുകയും ചെയ്​തു.
അതിനിടെ, വെള്ളിയാഴ്​ച രാത്രി 9.30ഒാടെ പുൽവാമയിലെ അരിഹാൽ ഗ്രാമത്തിൽ ഭീകരർ സ്​ഫോടനം നടത്തി. സംഭവത്തിൽ ആർക്കും പരിക്കില്ല. സൈനിക വാഹനമാണെന്ന്​ തെറ്റിദ്ധരിച്ച്​ സ്വകാര്യ ട്രക്കിന​ു നേരെ സ്​ഫോകവസ്​തു എറിയുകയായിരുന്നു. തുടർന്ന്​ ​ട്രക്ക്​ നിയന്ത്രണംവിട്ട്​ സമീപത്തെ ട്രാൻസ്​​​േഫാർമറിൽ ഇടിച്ചുനിന്നു.