Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightജയലളിത ആശുപത്രിയിൽ...

ജയലളിത ആശുപത്രിയിൽ കഴിയുന്ന ചിത്രങ്ങൾ പുറത്തുവിടണമെന്ന്​ കരുണാനിധി

text_fields
bookmark_border
ജയലളിത ആശുപത്രിയിൽ കഴിയുന്ന ചിത്രങ്ങൾ പുറത്തുവിടണമെന്ന്​ കരുണാനിധി
cancel

ചെന്നൈ: തമിഴ്നാട് മുഖ്യമന്ത്രി ജയലളിതയുടെ ആരോഗ്യനില സംബന്ധിച്ച അപവാദ ​​പ്രചരണങ്ങൾ അവസാനിപ്പിക്കാൻ ആശുപത്രിയിൽ കഴിയുന്ന അവരുടെ ചിത്രങ്ങൾ പുറത്തുവിടണമെന്ന്​ഡി.എം.കെ അധ്യക്ഷൻ എം. കരുണാനിധി. ജയലളിത  ആരോഗ്യം വീണ്ടെടുത്ത്​ ഒൗദ്യോഗിക പദവികളിൽ പുന:പ്രവേശിക്ക​െട്ടയെന്ന്​ ആശംസിക്കുന്നു. കഴിഞ്ഞ കുറച്ചു ദിവസങ്ങളായി അവരുടെ ആരോഗ്യസ്ഥിതിയെ കുറിച്ച്​ പുറത്തു പ്രചരിക്കുന്ന അപവാദങ്ങൾ അവസാനിപ്പിക്കണം. അതിനായി ആശുപത്രിയിൽ നിന്നും അവരുടെ ചിത്രങ്ങളും യഥാർഥ വിവരങ്ങളും പുറത്തുവിടണം– കരുണാനിധി വാർത്താകുറിപ്പിലൂടെ ആവശ്യപ്പെട്ടു.

പനിയും നിര്‍ജലീകരണവും ബാധിച്ച് ഒമ്പതു ദിവസമായി ജയലളിത ആശുപത്രിയിലാണ്​. മുഖ്യമന്ത്രിയെന്ന നിലയിൽ അവരുടെ ആരോഗ്യ​പുരോഗതിയെ കുറിച്ച്​ ജനങ്ങൾക്ക്​ നിരന്തരം വിവരം കൈമാറണം. ഒരാഴ്​ചയായി ആശുപത്രിയിൽ തുടരുന്ന ജയലളിതയെ സന്ദർശിക്കാൻ എന്തുകൊണ്ട്​ ആരെയും അനുവദിക്കുന്നില്ലെന്നും സംസ്ഥാനത്തി​​െൻറ ഗവർണർ ഇക്കാര്യത്തിൽ ഇടപെടണമെന്നും അദ്ദേഹം ആവശ്യപ്പെട്ടു.

നവമാധ്യമങ്ങളിലൂടെ മുഖ്യമന്ത്രിയുടെ ആരോഗ്യനിലയെ കുറിച്ച്​ദിവസങ്ങളായി കിംവദന്തി പരക്കുന്നുണ്ട്​. അടിസ്ഥാനരഹിതമായ വാർത്തകൾ പ്രചരിക്കുന്നത്​ അവസാനിപ്പിക്കാൻ കൃത്യമായ വിവരങ്ങൾ ജനങ്ങളെ ധരിപ്പിക്കണമെന്നും കരുണാനിധി പറഞ്ഞു.
സെപ്​തംബർ 22 മുതൽ ചെന്നൈയിലെ അപ്പോളോ ആശുപത്രിയിൽ കഴിയുന്ന ജയലളിതയുടെ ആരോഗ്യനില തൃപ്​തികരമാണെന്നാണ്​ ഡോക്​ടർമാർ അറിയിച്ചത്​.

കഴിഞ്ഞ മുന്നു ദിവസമായി  ആരോഗ്യനില സംബന്ധിച്ച് മെഡിക്കല്‍ ബുള്ളറ്റിന്‍ ആശുപത്രി അധികൃതര്‍ പുറത്തിറക്കിയിരുന്നില്ല. തുടർന്ന്​ജയലളിത ഗുരുതരാവസ്ഥയിലാണ്​ എന്നതുൾപ്പെടെയുള്ള വ്യാജ പ്രചരണങ്ങൾ ഉണ്ടായിരുന്നു. 

Show Full Article
TAGS:jayalalitha health appolo hospital 
Next Story