ഡൽഹിയിൽ സ്വകാര്യ സ്കൂളിന് നേരെ വ്യാജ ബോംബ് ഭീഷണി

ഡൽഹി: ഡൽഹിയിൽ സ്വകാര്യ സ്കൂളിന് വ്യാജ നേരെ ബോംബ് ഭീഷണി. ലാൽ ബഹദൂർ ശാസ്ത്രി സ്കൂളിന്‍റെ ഔദ്യോഗിക ഇ-മെയിലിലേക്കാണ് ഭീഷണി സന്ദേശം വന്നത്. ബുധനാഴ്ച വൈകിട്ടോടെയായിരുന്നു സംഭവം.

മെയിൽ ലഭിച്ച വിവരമറിഞ്ഞ് എത്തിയ പൊലീസാണ് വ്യാജ സന്ദേശമാണെന്ന് കണ്ടെത്തിയത്. സന്ദേശം അയച്ച ആൾക്കായുള്ള അന്വേഷണം നടക്കുകയാണെന്ന് പൊലീസ് അറിയിച്ചു.

ഈ വർഷം മേയിൽ ഡൽഹിയിലെ മറ്റൊരു സ്വകാര്യ സ്കൂളിന് നേരെയും ഭീഷണി സന്ദേശം ലഭിച്ചിരുന്നു. തുടർന്ന് നടത്തിയ പൊലീസ് അന്വേഷണത്തിൽ വ്യാജ സന്ദേശമായിരുന്നു എന്ന് ബോധ്യപ്പെടുകയായിരുന്നു.