Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightപഞ്ചാബിലെ...

പഞ്ചാബിലെ ക്യാപ്​റ്റൻസി മാറ്റത്തിൽ ഹൈകമാൻഡിനെ 'കുത്തി' ട്വീറ്റ്​; രാജസ്​ഥാൻ മുഖ്യമന്ത്രിയുടെ പേഴ്​സനൽ സ്റ്റാഫ്​ അംഗം രാജിവെച്ചു

text_fields
bookmark_border
lokesh sharma
cancel

ജയ്​പൂർ: പഞ്ചാബിലെ രാഷ്​ട്രീയ മാറ്റങ്ങളുടെ സാഹചര്യത്തിൽ കോൺഗ്രസ്​ ഹൈകമാൻഡിനെ വിമർശിച്ച്​ ട്വീറ്റ്​ ചെയ്​ത രാജസ്​ഥാൻ മുഖ്യമന്ത്രി അശോക്​ ഗെഹ്​ലോട്ടിന്‍റെ പേഴ്​സനൽ സ്റ്റാഫ്​ അംഗം​ രാജിവെച്ചു. ഓഫിസർ ഓൺ സ്​പെഷ്യൽ ഡ്യൂട്ടി ലോകേഷ്​ ശർമയാണ്​ രാജിവെച്ചത്​.

'ശക്തൻ നിർബന്ധിതനാകുന്നു, അപ്രധാനപ്പെട്ടവർ ശക്​തരാകുന്നു. വേലി തന്നെ വിള തിന്നുമ്പോൾ അത്തരമൊരു വയൽ ആർക്കാണ് സംരക്ഷിക്കാൻ കഴിയുക' -ഇതായിരുന്നു ഹിന്ദിയിലുള്ള ശർമയുടെ ട്വീറ്റിന്‍റെ ഉള്ളടക്കം.

പഞ്ചാബിൽ ക്യാപ്​റ്റൻ അമരീന്ദർ സിങ്ങിന്‍റെ രാജിയിൽ കലാശിച്ച രാഷ്​ട്രീയ ഇടപെടലുകളിൽ കോൺഗ്രസ്​ ഹൈകമാൻഡിന്​ നേരെയുള്ള വിമർശനമായി ട്വീറ്റ്​ വ്യാഖ്യാനിക്കപ്പെട്ടു. എന്നാൽ തന്‍റെ ട്വീറ്റ്​ ദുർവ്യാഖ്യാനം ചെയ്യുകയായിരുന്നുവെന്ന്​ രാജിക്കത്തിൽ ശർമ പറഞ്ഞു.

'പാർട്ടിക്കും ഹൈകമാൻഡിനും വേദനയുണ്ടായതിൽ ഞാൻ ഖേദിക്കുന്നു. മനപൂർവം തെറ്റ്​ ചെയ്​തതായി കരുതുന്നുണ്ടെങ്കിൽ രാജി സ്വീകരിക്കണം​. തീരുമാനം അങ്ങയുടേതാണ്' -ഗെഹ്​ലോട്ടിനയച്ച കത്തിൽ ശർമ പറഞ്ഞു.

മുഖ്യമന്ത്രിയെ മാറ്റണമെന്ന ആവശ്യവുമായി 50ലധികം എം.എൽ.എമാർ ഹൈകമാൻഡിനെ സമീപിച്ചതോടെയാണ്​ ക്യാപ്​റ്റൻ അമരീന്ദർ സിങ്​ ശനിയാഴ്ച രാജിവെച്ചത്​. പ​ഞ്ചാ​ബി​ൽ ഭ​ര​ണ​ക​ക്ഷി​യാ​യ കോ​ൺ​ഗ്ര​സി​ൽ നാ​ളു​ക​ളാ​യി തു​ട​രു​ന്ന ഉ​ൾ​പ്പോ​രി​നൊ​ടു​വി​ലായിരുന്നു അ​മ​രീ​ന്ദ​റിന്‍റെ​ രാ​ജി. ഞായറാഴ്ച ഉച്ചയോടെ പുതിയ പഞ്ചാബ്​ മുഖ്യമന്ത്രിയെ പ്രഖ്യാപിച്ചേക്കും.

Show Full Article
TAGS:Amarinder Singh Lokesh sharma Controversial tweet resignation 
News Summary - tweet regarding political developments in punjab became controversy Rajasthan CM's OSD lokesh sharma resigned
Next Story