യാത്രികൻ മരിച്ചു; മൂന്ന്​ മണിക്കൂർ പറന്ന എയർ ഇന്ത്യ വിമാനം തിരിച്ചിറക്കി

ന്യൂഡൽഹി: യാത്രക്കാരൻ മരിച്ചതിനെ തുടർന്ന്​ അമേരിക്കയിലെ നെവാർക്കിലേക്ക്​​ പുറപ്പെട്ട എയർ ഇന്ത്യ വിമാനം ഡൽഹി വിമാനത്താവളത്തിൽ തിരിച്ചിറക്കി. ടേ​ക്ക്​ ഓഫ്​ കഴിഞ്ഞ്​ മൂന്ന്​ മണിക്കൂറിന്​ ശേഷമാണ്​ വിമാനം തിരിച്ചിറക്കിയത്​.

എ.ഐ-105 വിമാനത്തിൽ വെച്ച്​ മെഡിക്കൽ സംഘം യു.എസ്​ പൗരനെ പരിശോധനക്ക്​ വിധേയമാക്കിയെങ്കിലും മരിച്ചിരുന്നു. ഭാര്യയോടൊപ്പം യാത്ര ചെയ്യുകയായിരുന്നു അദ്ദേഹം. പുതിയ ക്രൂവിനൊപ്പം വിമാനം വൈകീട്ട്​ നാലുമണിക്ക്​ യാത്ര തുടരുമെന്ന്​ അധികൃതർ അറിയിച്ചു.