ഡൽഹിയിൽ പെയിന്റ് കടയിൽ തീപിടിത്തം; ഒരാൾ വെന്തു മരിച്ചതായി പൊലീസ്

ന്യൂഡൽഹി: തെക്ക് കിഴക്കൻ ഡൽഹിയിലെ ജയ്ത്പൂർ പ്രദേശത്തെ കടയിലുണ്ടായ തീപിടിത്തത്തിൽ ഒരാൾ വെന്തുമരിച്ചതായി പൊലീസ്​. ഇയാ​ളെ തിരിച്ചറിയാനായിട്ടില്ല. പെയിന്റ് കടയിലാണ് തീപിടിത്തമുണ്ടായതെന്ന് പൊലീസ്​ ഉദ്യോഗസ്ഥർ പറഞ്ഞു.

"കടയിൽ നിന്ന് ഒരു മൃതദേഹം കണ്ടെടുത്തു. ഇയാളുടെ ഐഡന്റിറ്റി വ്യക്​തമായിട്ടില്ല" -പൊലീസ് പറഞ്ഞു. തീ അണക്കാൻ 11 അഗ്നിശമനസേനാ യൂനിറ്റുകൾ സ്ഥലത്തെത്തിയതായി അധികൃതർ അറിയിച്ചു. തീപിടിത്തത്തിന്റെ കാരണവും കണ്ടെത്താനായിട്ടില്ല.