Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightഡൽഹിയിൽ യുവതിക്കും...

ഡൽഹിയിൽ യുവതിക്കും മകൾക്കും ക്രൂര മർദ്ദനം; ദൃശ്യങ്ങൾ പുറത്ത്​

text_fields
bookmark_border
ഡൽഹിയിൽ യുവതിക്കും മകൾക്കും ക്രൂര മർദ്ദനം; ദൃശ്യങ്ങൾ പുറത്ത്​
cancel

ന്യൂഡൽഹി: ഡൽഹിയിൽ ഒരു സംഘം ആളുകൾ 38 കാരിയായ സ്ത്രീയെയും മകളെയും വടിയും ഇരുമ്പ് ദണ്ഡും ഉപയോഗിച്ച് ക്രൂരമായി മർദിക്കുന്ന ദൃശ്യങ്ങൾ പുറത്ത്​. കഴിഞ്ഞ മാസം ഷാലിമാർ ബാഗിലെ ഒരു റെസിഡൻഷ്യൽ കോളനിയിലാണ് സംഭവം നടന്നത്. ആക്രമണത്തിന് നേതൃത്വം നൽകിയ രണ്ട് സ്ത്രീകളെ അറസ്റ്റ് ചെയ്തതായി പൊലീസ്​ പറഞ്ഞു. നവംബർ 19നാണ് മകൾക്കൊപ്പം യുവതിയും പീഡനത്തിനിരയായത്. സമീപത്തെ സി.സി ദൃശ്യങ്ങൾ പുറത്തുവന്നതോടെയാണ്​ ക്രൂര മർദ്ദനം പുറത്തറിഞ്ഞത്​.

എ.എ.പി എം.എൽ.എ ബന്ദന കുമാരിയുടെ അനുയായികളാണ് ആക്രമണത്തിന് പിന്നിലെന്ന് യുവതി ആരോപിച്ചു. എം.എൽ.എ ഇത്​ നിഷേധിച്ചിട്ടുണ്ട്​. കാറിൽ നിന്ന് ഇറങ്ങിയ ഉടൻ രണ്ട് സ്ത്രീകൾ ഇരുവരെയും ചവിട്ടുകയും അടിക്കുകയും ചെയ്യുന്ന ദൃശ്യങ്ങളാണ്​ സി.സി ടി.വി വീഡിയോയിൽ പതിഞ്ഞത്. കയ്യിൽ വടിയുമായി ഒരു കൂട്ടം ആൺകുട്ടികൾ ഇവരെ നിഷ്​കരുണം അടിക്കുന്നതും വീഡിയോയിൽ ഉണ്ട്​. പിന്നീട് കാറിനടുത്ത് കിടന്ന് യുവതി സഹായത്തിനായി നിലവിളിക്കാൻ തുടങ്ങിയതോടെ പ്രതികൾ ഓടി രക്ഷപ്പെട്ടു.

ആക്രമണത്തിന് നേതൃത്വം നൽകിയ സ്ത്രീകളെ അറസ്റ്റ് ചെയ്തതായി പൊലീസ് അറിയിച്ചു. ബാക്കിയുള്ള പ്രതികൾക്കായി തിരച്ചിൽ തുടരുകയാണെന്നും അവർ പറഞ്ഞു.

ആം ആദ്​മി എം.എൽ.എ ബന്ദന കുമാരിയുടെ അനുയായികളാണെന്ന് ആരോപിച്ച് രണ്ട് സ്ത്രീകളും നാല് പുരുഷന്മാരും ചേർന്ന് മർദിച്ചതായി യുവതി മൊഴിയിൽ ആരോപിച്ചു.

'നവംബർ 19ന് രാത്രി ആം ആദ്​മി എം.എൽ.എ ബന്ദന കുമാരിക്ക് അറിയാവുന്ന ആളുകൾ എന്നെയും എന്‍റെ മകളെയും ആക്രമിച്ചു. 2019ൽ എം‌.എൽ‌.എയുടെ ഭർത്താവിനെതിരെ എഫ്‌.ഐ.ആർ ഫയൽ ചെയ്തതിനാലാണ് ആക്രമണം നടത്തിയത്. അവർക്കെതിരെ മുമ്പും നിരവധി പരാതികൾ നൽകിയിട്ടുണ്ട്'- യുവതി പറഞ്ഞു.

Show Full Article
TAGS:woman Daughter delhi 
News Summary - On CCTV, Woman, Daughter Beaten With Sticks, Iron Rods In Delhi
Next Story