മനുഷ്യരുടെ ജീവൻവെച്ച്​ രാഷ്ട്രീയം കളിക്കാനുള്ള സമയമല്ലിത്; ഡല്‍ഹി സര്‍ക്കാരിനോട് സുപ്രീം കോടതി

ന്യൂഡല്‍ഹി: ജനങ്ങളുടെ ജീവൻ അപകടത്തിലാക്കിക്കൊണ്ട്​ രാഷ്​ട്രീയം കളിക്കേണ്ട നേരമല്ലിതെന്ന്​ ഡൽഹി സർക്കാറിനോട്​ സുപ്രീം കോടതി.സഹകരണത്തി​െൻറ സമയമാണിത്​. ആ പാതയാണ്​ തെരഞ്ഞെടുക്കേണ്ടതെന്നും സുപ്രീം കോടതി അരവിന്ദ്​ കെജ്​രിവാൾ സർക്കാറിനെ ഓർമിപ്പിച്ചു.

ഓക്‌സിജന്‍ വിതരണവുമായി ബന്ധപ്പെട്ട് ഡല്‍ഹി സർക്കാർ കേന്ദ്രത്തിനെതിരെ ഉന്നയിച്ച ആരോപണങ്ങളിലാണ് കോടതിയുടെ നിരീക്ഷണം. ആരോപണം ഉന്നയിച്ചതിനെ തുടർന്ന്​ കോടതി കേന്ദ്രത്തോട്​ വിശദീകരണം ചോദിച്ചിരുന്നു.

സംസ്ഥാനം പ്രതിസന്ധിനേരിടുന്ന സന്ദർഭങ്ങളിൽ മുകളിലേക്ക്​ വിവരം അറിയിക്കണം. രാഷ്​ട്രീയ തർക്കങ്ങൾ മാറ്റിവെച്ച്​ മനുഷ്യരുടെ ജീവൻ സംരക്ഷിക്കാനാകണം മുൻഗണന. തെരഞ്ഞെടുപ്പ്​ കാലത്താണ്​ രാഷ്​ട്രീയം വേണ്ടത്​. ആപത്​ഘട്ടങ്ങളിൽ സഹകരണമായിരിക്കണം രാഷ്​ട്രീയമെന്നും കോടതി പറഞ്ഞു.

കോവിഡ്​ പ്രതിസന്ധിയെ അതിജീവിക്കാൻ ഡൽഹി ഭരണസംവിധാനം പൂർണമായ രീതിയിൽ പ്രവർത്തിക്കുമെന്ന്​ സർക്കാർ കോടതിയെ അറിയിച്ചു. ഡല്‍ഹിയുടെ കാര്യത്തില്‍ പ്രത്യേക ഉത്തരവാദിത്തമുണ്ടെന്ന് കേന്ദ്രസർക്കാറിനെയും കോടതി ഓർമ്മിപ്പിച്ചു.