ആശങ്ക വേണ്ട, സൗദിയിൽനിന്ന്​ ഇന്ത്യയിലേക്ക്​ പറക്കാം –എയർ ഇന്ത്യ

ന്യൂ​ഡ​ൽ​ഹി: വ​ന്ദേ ഭാ​ര​ത്​ മി​ഷ​നു കീ​ഴി​ൽ ഇ​ന്ത്യ​യി​ലേ​ക്ക്​ യാ​ത്ര​ക്കാ​രു​മാ​യി പ​റ​ക്കാ​ൻ സൗ​ദി അ​റേ​ബ്യ അ​നു​വ​ദി​ച്ചി​ട്ടു​ണ്ടെ​ന്ന്​ എ​യ​ർ ഇ​ന്ത്യ എ​ക്​​സ്​​പ്ര​സ്​ അ​ധി​കൃ​ത​ർ ഡ​ൽ​ഹി​യി​ൽ അ​റി​യി​ച്ചു. ഇ​ന്ത്യ​യി​ൽ​നി​ന്ന്​ യാ​ത്ര​ക്കാ​രു​മാ​യി സൗ​ദി​ക്ക്​ പോ​വി​ല്ലെ​ന്നും ക​മ്പ​നി വ്യ​ക്ത​മാ​ക്കി. വി​ല​ക്കു സം​ബ​ന്ധി​ച്ച ആ​ശ​യ​ക്കു​ഴ​പ്പ​ത്തി​െൻറ പ​ശ്ചാ​ത്ത​ല​ത്തി​ലാ​ണ്​ വി​ശ​ദീ​ക​ര​ണം.

ഇന്ത്യയടക്കം മൂന്ന്​ രാജ്യങ്ങളിൽ നിന്ന്​ സൗദി അറേബ്യയിലേക്കും തിരിച്ചും വിമാന സർവിസിന്​​ വിലക്കേർപ്പെടുത്തിയെന്ന വാർത്തകളിൽ തികഞ്ഞ അവ്യക്​തതയുണ്ടായിരുന്നു. ഇത്​ സംബന്ധിച്ച സൗദി സിവിൽ ഏവിയേഷൻ അതോറിറ്റിയുടെ (ഗാക) പേരിലുള്ള സർക്കുലർ ബുധനാഴ്​ച സമൂഹ മാധ്യമങ്ങളിൽ വ്യാപകമായി പ്രചരിച്ചു​.

എന്നാൽ ഇതിനെ കുറിച്ച്​ ഗാകയുടെ ട്വീറ്റർ അകൗണ്ടിൽ ​സംശയം ചോദിച്ചവരോട്​ ഇത്തരത്തിലൊരു വിജ്ഞാപനം പുറപ്പെടുവിച്ചിട്ടില്ല എന്ന മറുപടിയാണ്​ അധികൃതർ നൽകിയതെന്ന്​ പ്രാദേശിക മാധ്യമങ്ങൾ റിപ്പോർട്ട്​ ചെയ്​തു. കോവിഡ്​ വ്യാപനം രൂക്ഷമായ സാഹചര്യത്തിൽ ഇന്ത്യ, ബ്രസീൽ, അർജൻറീന എന്നീ രാജ്യങ്ങളിലേക്ക്​ യാത്രാവിലക്ക്​ ഏർപ്പെടുത്തുന്നു എന്നായിരുന്നു സർക്കുലറിലുണ്ടായിരുന്നത്​.

ചൊവ്വാഴ്​ച രാത്രി മുതൽ ഇത്​​ പ്രചരിക്കാൻ തുടങ്ങി​. എന്നാൽ ഇതു സംബന്ധിച്ച്​ ഔദ്യോഗിക സ്ഥിരീകരണം ലഭിക്കാത്തത്​ യാത്രക്കാരെയും ട്രാവൽ ഏജൻസികളെയും ആശയക്കുഴപ്പത്തിലാക്കി. ഇൗ മൂന്ന്​ രാജ്യങ്ങളിലേക്കും സൗദിയിൽ നിന്നോ തിരി​ച്ചോ വിമാന സർവിസുകൾക്ക്​ വിലക്കേർപ്പെടുത്തുന്നു എന്നാണ്​ 4/6346 എന്ന നമ്പറിലുള്ള സർക്കുലറിൽ പറയുന്നത്​.

ഇൗ രാ​ജ്യങ്ങളിൽ നിന്നുള്ളവർക്ക്​ മാത്രമല്ല, സൗദിയിലേക്ക്​ പുറപ്പെടും മുമ്പ്​​ 14 ദിവസത്തിനിടെ ഇൗ രാജ്യങ്ങളിൽ യാത്ര നടത്തിയവർക്കും സൗദിയിലേക്ക്​ വരാനാവില്ലെന്നും സർക്കുലർ വ്യക്തമാക്കുന്നു.

എന്നാൽ സർക്കുലറി​െൻറ ആധികാരികത സംബന്ധിച്ച്​ വ്യാപകമായി സംശയവും ഉയർന്നിരുന്നു​. ഒൗദ്യോഗിക ചാനലിലൂടെ സർക്കുലർ ലഭിച്ചതായി വിമാന കമ്പനികളും സ്ഥിരീകരിച്ചിരുന്നില്ല. സൗദിയിൽ നിന്ന്​ ഇന്ത്യയിലേക്ക്​ പ്രവാസികളെ കൊണ്ടുപോകുന്ന വന്ദേഭാരത്​ മിഷന്​ കീഴിലുള്ള വിമാന സർവിസുകൾ മുൻനിശ്ചയിച്ച പോലെ തന്നെ നടന്നു. ചാർ​േട്ടർഡ്​ വിമാന സർവിസുകളും മുടങ്ങിയില്ല.