Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightബിരിയാണിയിൽ...

ബിരിയാണിയിൽ ഉള്ളിയില്ല; ഹോട്ടലിൽ അടിയോടടി!

text_fields
bookmark_border
biriyani
cancel

ബംഗളൂരു: ഉള്ളിവില കുതിക്കു​േമ്പാൾ ഭക്ഷണത്തളികയിൽനിന്ന്​ അവ ഒഴിയുന്നത്​ സ്വാഭാവികം. എന്നാൽ, ഭക്ഷണപ്രിയരെ സംബന്ധിച്ച്​ ഉള്ളിയില്ലാത്ത ബിരിയാണി ഇത്തിരി കടുപ്പംതന്നെയാണ്​. മാർക്കറ്റിൽ സവാള വില 150 കടന്നിരിക്കുകയാണ്​. കള്ളന്മാരുടെ ശല്യം തടയാൻ കർണാടകയിലെ ഗദകിലെ ഉള്ളി കർഷകർ പാതിരാത്രി തങ്ങളുടെ കൃഷിക്ക്​ ഉറക്കമൊഴിച്ചു കാവലിരുന്നതായിരുന്നു കഴിഞ്ഞദിവസങ്ങളിലെ രസകരമായ വാർത്ത. എന്നാൽ, ഹോട്ടലുകാർ ബിരിയാണിയിൽ ഉള്ളി ഉപയോഗിക്കാത്തത്​ സംബന്ധിച്ച തർക്കം ബെളഗാവിയിൽ അടിപിടിയിലെത്തിയതാണ്​ പുതിയ സംഭവം.

ബെളഗാവി നെഹ്​റു നഗറിലെ ഹോട്ടലിൽ കഴിഞ്ഞ ദിവസം രാത്രി ശ്രീകാന്ത്​ ഹദിമനി (19), അങ്കുഷ്​ ചളഗേരി (24) എന്നീ യുവാക്കൾ ഭക്ഷണം കഴിക്കാനെത്തിയിരുന്നു. ഒാർഡർ പ്രകാരം ബിരിയാണി വിളമ്പിയപ്പോൾ അതിൽ ഉള്ളിയില്ലെന്ന്​ കണ്ടതോടെ ജോലിക്കാരനോട്​ ചൂടായി. ഉള്ളിക്ക്​ വില കൂടിയതാണ്​ കാരണമെന്ന്​ ജീവനക്കാർ അറിയിച്ചെങ്കിലും വാക്​തർക്കം മൂത്ത്​ ഒടുവിൽ ​ൈകയാങ്കളിയിലാണ്​ ​ അവസാനിച്ചത്​. രണ്ടുപേരെയും ഹോട്ടലിലെ ജീവനക്കാർ നന്നായി പെരുമാറിയതോടെ ഇരുവരെയും പരിക്കുകളുമായി ബെളഗാവി സിവിൽ ആശുപത്രിയിൽ പ്രവേശിപ്പിച്ചു. യുവാക്കൾക്കും ജീവനക്കാർക്കുമെതിരെ മൽമാരുതി പൊലീസ്​ കേസെടുക്കുകയും ചെയ്​തു.

ബെഗളഗാവി, ഗദക്​ അടക്കമുള്ള വടക്കൻ കർണാടക മേഖലയിൽ സവാള കൃഷി ചെയ്യുന്നുണ്ട്​. ഇത്തവണ വില കുത്തനെ ഉയർന്നതോടെ ബെളഗാവി എ.പി.എം.സി മാർക്കറ്റിൽ കഴിഞ്ഞ ദിവസം റെക്കോഡ്​ വിലക്കാണ്​ ഉള്ളി വിറ്റുപോയത്​. ഒരു ക്വിൻറലിന്​ 15,000 മുതൽ 16,000 രൂപ വരെയായിരുന്നു കഴിഞ്ഞ ദിവസത്തെ മാർക്കറ്റ്​ നിരക്ക്​. 2013-14 വർഷത്തിലാണ്​ ഇതിനു മുമ്പ്​ ഉള്ളിക്ക്​ കൂടിയ വില എത്തിയത്​. അന്ന്​ ക്വിൻറലിന്​ 9000 രൂപ വരെ കർഷകർക്ക്​ ലഭിച്ചിരുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:onionBangalore Newsbiriyanimalayalam newsindia news
News Summary - no onion in biriyani; clash in bengaluru -india news
Next Story