ഡൽഹിയിൽ രാത്രി കർഫ്യു ഏർപ്പെടുത്തില്ലെന്ന്​ ആം ആദ്​മി സർക്കാർ

ന്യൂഡൽഹി: ഡൽഹിയിൽ രാത്രി കർഫ്യു ഏർപ്പെടുത്തില്ലെന്ന്​ ആം ആദ്​മി സർക്കാർ. ഹൈകോടതിയിലാണ്​ നിലപാട്​ അറിയിച്ചത്​. കോവിഡ്​ ബാധിതരുടെ എണ്ണം വർധിക്കുന്നതിനിടെ കൂടുതൽ നിയന്ത്രണങ്ങൾ ഏർപ്പെടുത്തുന്നത്​ പരിഗണിക്കണമെന്ന്​ ​ഹൈകോടതി നിർദേശിച്ചിരുന്നു.

കോടതി നിർദേശം പുറത്തുവന്ന്​ ഒരാഴ്​ച്ചക്ക്​ ശേഷമാണ്​ ഇതുസംബന്ധിച്ച റിപ്പോർട്ട്​ ഡൽഹി സർക്കാർ കോടതിയിൽ സമർപ്പിച്ചത്​. എന്നാൽ, രാത്രികാല കർഫ്യു ഉൾപ്പടെയുള്ള കൂടുതൽ നിയന്ത്രണങ്ങൾ തൽക്കാലത്തേക്ക്​ ഏർപ്പെടുത്തുന്നില്ലെന്നാണ്​ സർക്കാർ കോടതിയിൽ നൽകിയിരിക്കുന്ന മറുപടി.

ഡൽഹിയിൽ കോവിഡിൻെറ മൂന്നാം വ്യാപനമുണ്ടായതായി സ്ഥിരീകരിച്ചിരുന്നു. എന്നാൽ, കഴിഞ്ഞ രണ്ട്​ ദിവസമായി ഡൽഹിയിലെ പ്രതിദിന രോഗികളുടെ എണ്ണം കുറയുകയാണ്​. 4,000 പേർക്ക്​ മാത്രമാണ്​ ഡൽഹിയിൽ കഴിഞ്ഞ രണ്ട്​ ദിവസവും രോഗബാധ സ്ഥിരീകരിച്ചത്​.