മോദിയുടെ ജനസമ്മതിക്ക്​ ഇടിവ്​ തട്ടിയിട്ടില്ലെന്ന്​ സ​ർവേ

ന്യൂഡൽഹി: നരേന്ദ്രമോദിയുടെ ജനസമ്മതിക്ക്​ ഇടിവു തട്ടിയിട്ടില്ലെന്ന്​ സർവേ. നോട്ടു നിരോധവും ജി.എസ്​.ടിയുമടക്കം സർക്കാർ നടപടികളെല്ലാം ജനങ്ങളെ വലച്ചിട്ടും ജനസമ്മതിയിൽ മോദി വളരെ മുന്നിൽ തന്നെയാണെന്ന്​ അമേരിക്കൻ ഏജൻസിയായ പ്യൂ റിസർച്ച്​ സ​െൻററി​​െൻറ സർവേ പറയുന്നു. 

സർവേയിൽ 88 ശതമാനം വോട്ട്​ മോദി നേടിയപ്പോൾ രണ്ടാമതെത്തിയ രാഹുൽ ഗാന്ധി  58 ശതമാനം വോട്ടാണ്​ നേടിയത്​. 57 ശതമാനം വോട്ടാണ്​ സോണിയ ഗാന്ധിക്ക്​ നേടാനായത്​. 39 ശതമാനം വോട്ടുമാ​ത്രമേ ഡൽഹി മുഖ്യമന്ത്രി അരവിന്ദ്​ കെജ്​രിവാളിന്​ ലഭിച്ചിട്ടുള്ളു. ​െഫബ്രുവരി 21നും മാർച്ച്​ 10നും ഇടയിലാണ്​ സർവേ നടത്തിയത്​. ഇന്ത്യയുടെ വിവിധഭാഗങ്ങളിൽ നിന്നുള്ള 2,464 പേരാണ്​ സർവേയിൽ പ​െങ്കടുത്തത്​. 

സർവേയിൽ പ​െങ്കടുത്തവരിൽ പത്തിൽ എട്ടു പേരും ഇന്ത്യൻ സാമ്പത്തിക രംഗം ഭദ്രമാണെന്നാണ്​ നിലപാട്​ സ്വീകരിച്ചത്​. നോട്ട്​ നിരോധനത്തെ തുടർന്നുണ്ടായ കറൻസി ക്ഷാമം വൻ പ്രശ്​നമായി ആരും രേഖപ്പെടുത്തിയിട്ടില്ല. 

മോദിയുടെ ജനസമ്മതിക്ക്​ വടക്കൻ സംസ്​ഥാനങ്ങളിൽ ഇളക്കം തട്ടിയിട്ടില്ല. തെക്കേയിന്ത്യയിലും പടിഞ്ഞാറെ ഇന്ത്യയിലും സ്വാധീനം അൽപം വർധിച്ചിട്ടുണ്ട്​. എന്നാൽ കിഴക്കേ ഇന്ത്യയിൽ മോദി പ്രഭാവത്തിന്​ ജനപ്രീതി കുറഞ്ഞിരിക്കുകയാണെന്നും സർവേ പറയുന്നു.