Begin typing your search above and press return to search.
exit_to_app
exit_to_app
More than 100 members of actor Vijays fan association win in local body polls
cancel
Homechevron_rightNewschevron_rightIndiachevron_rightരാഷ്​ട്രീയത്തിലും ഇളയ...

രാഷ്​ട്രീയത്തിലും ഇളയ ദളപതി ഹിറ്റ്​; തെരഞ്ഞെടുപ്പിൽ നേട്ടം കൊയ്​ത്​​ 'വിജയ്​ മക്കൾ ഇയക്കം'

text_fields
bookmark_border

ചെന്നൈ: തമിഴ്​നാട്​ തദ്ദേശ തെരഞ്ഞെടുപ്പിൽ നടൻ വിജയുടെ ആരാധക കൂട്ടായ്​മയായ 'വിജയ്​ മക്കൾ ഇയക്കം' ശ്രദ്ധേയമായ വിജയം നേടിയത്​ രാഷ്​ട്രീയ കേന്ദ്രങ്ങളിലും സാമൂഹിക മാധ്യമങ്ങളിലും ചർച്ചയാവുന്നു. സാമൂഹിക സേവന പ്രവർത്തനങ്ങൾക്കായി ആരാധക കൂട്ടായ്​മയായ 'വിജയ്​ രസികർ മൺട്ര'ത്തെ വിജയ്​ മക്കൾ ഇയക്കം' എന്ന സംഘടനയായി മാറ്റിയിരുന്നു. വിജയ്​ തന്നെ മുൻകൈയ്യെടുത്ത്​ സംഘടന രൂപീകരിച്ചതോടെ രാഷ്​ട്രീയത്തിലിറങ്ങാനുള്ള തയാറെടുപ്പി​െൻറ ഭാഗമാണിതെന്നും പ്രചാരണമുണ്ടായി. ബി.ജെ.പി- അണ്ണാ ഡി.എം.കെ കക്ഷികളുടെ നേതൃത്വത്തിലുള്ള കേന്ദ്ര സംസ്​ഥാന സർക്കാറുകൾക്കെതിരെ വിജയ്​ സിനിമകളിൽ നിശിത വിമർശനമുയർന്നതും പ്രചാരണത്തിന്​ ശക്തി പകർന്നു. എന്നാൽ രാഷ്​ട്രീയത്തിലിറങ്ങാൻ വിജയ്​ താൽപര്യം കാണിച്ചിരുന്നില്ല.


ഒരുഘട്ടത്തിൽ വിജയ്​യുടെ പിതാവ്​ എസ്​.എ ചന്ദ്രശേഖർ രാഷ്​ട്രീയ പാർട്ടി രൂപീകരിച്ച്​ കേന്ദ്ര തെര​െഞ്ഞടുപ്പ്​ കമീഷനിൽ രജിസ്​ട്രേഷന്​ അപേക്ഷ നൽകിയെങ്കിലും പിൻവലിക്കുകയായിരുന്നു. പ്രശ്​നത്തിൽ നടൻ വിജയ്​ പിതാവിനെതിരെ നിയമ നടപടിക്കൊരുങ്ങിയതും വാർത്തയായിരുന്നു.ഇൗ നിലയിലാണ്​ സുപ്രിംകോടതി നിർദേശ പ്രകാരം ഒക്​ടോ. ആറ്​, ഒൻപത്​ തിയതികളിൽ സംസ്​ഥാനത്ത്​ പുതുതായി രൂപീകരിച്ച ഒൻപത്​ ജില്ലകളിൽ തദ്ദേശ തെരഞ്ഞെടുപ്പ്​​ നടന്നത്​. തെരഞ്ഞെടുപ്പിൽ 'ഇളയ ദളപതി വിജയ്​ മക്കൾ ഇയക്കം' പ്രവർത്തകർ വിവിധയിടങ്ങളിൽ നാമനിർദേശ പത്രിക സമർപിച്ചു.


ഒമ്പത്​ ജില്ലകളിലായി 169 പദവികളിലേക്ക്​ സ്വതന്ത്ര സ്​ഥാനാർഥികളായാണ്​ ഇവർ മൽസരിച്ചത്​. 13 പേർ എതിരില്ലാതെ തെരഞ്ഞെടുക്ക​െപ്പട്ടിരുന്നു. പ്രചാരണത്തിന്​ വിജയ്​യുടെ പേരും ചിത്രവും പതാകയും വ്യാപകമായി ഉപയോഗപ്പെടുത്തിയിരുന്നു. ഇതിന്​ വിജയ്​ മൗനാനുവാദം നൽകിയിരുന്നതായാണ്​ പ്രവർത്തകർ പറഞ്ഞത്​. ചൊവ്വാഴ്​ചയാണ്​ വോ​െട്ടണ്ണൽ ആരംഭിച്ചത്​. ബുധനാഴ്​ച പുലർച്ചയാണ്​ വോ​െട്ടണ്ണൽ പൂർത്തിയായി. ഇളയ ദളപതി വിജയ്​ മക്കൾ ഇയക്കത്തി​െൻറ മൊത്തം 109 പ്രവർത്തകരാണ്​ വിജയിച്ചതെന്ന്​ സംഘടനയുടെ അഖിലേന്ത്യ പ്രസിഡൻറ്​ പുസ്സി ആനന്ദ്​ അറിയിച്ചു.

Show Full Article
TAGS:Vijay tamilnadu fan association election 
News Summary - More than 100 members of actor Vijay's fan association win in local body polls
Next Story