തമിഴ്നാട് എം.പിയുടെ മാല കവർന്നയാൾ പിടിയിൽ; മോഷണം ഡ​ൽ​ഹി​യി​ലെ അ​തി​സു​ര​ക്ഷ മേ​ഖ​ലയിൽ

ന്യൂഡൽഹി: പ്രഭാത നടത്തത്തിനിടെ ലോക്‌സഭാംഗം ആർ. സുധയുടെ മാല മോഷ്ടിച്ച ആളെ അറസ്റ്റ് ചെയ്തു. ഡ​ൽ​ഹി​യി​ൽ വി​വി​ധ രാ​ജ്യ​ങ്ങ​ളു​ടെ എം​ബ​സി​ക​ൾ സ്ഥി​തി​ചെ​യ്യു​ന്ന അ​തി​സു​ര​ക്ഷ മേ​ഖ​ല​യാ​യ ചാ​ണ​ക്യ​പു​രി​യി​ലാണ് ത​മി​ഴ്നാ​ട്ടി​ൽ​നി​ന്നു​ള്ള കോ​ൺ​ഗ്ര​സ് എം.​പിയായ സു​ധ​യു​ടെ സ്വ​ർ​ണ​മാ​ല ബൈ​ക്കി​ലെ​ത്തി​യ മോ​ഷ്ടാ​വ് ക​ഴു​ത്തി​ൽ​നി​ന്ന് പൊ​ട്ടി​​​​ച്ചെ​ടു​ത്തത്. സംഭവത്തിൽ സുധയുടെ കഴുത്തിൽ പരിക്കേൽക്കുകയും വസ്ത്രങ്ങൾ കീറിപ്പോകുകയും ചെയ്തിരുന്നു.

കവർച്ച ചെയ്ത ചെയിനും കുറ്റകൃത്യത്തിന് ഉപയോഗിച്ച സ്കൂട്ടറും കണ്ടെടുത്തതായി പൊലീസ് അറിയിച്ചു. പ്രതി ഓഖ്‌ല നിവാസിയാണെന്നും സൗത്ത് ഡൽഹിയിൽ നിന്നാണ് അറസ്റ്റ് ചെയ്തതെന്നും പൊലീസ് വ്യക്തമാക്കി. മോഷണത്തിന് ശേഷം പ്രതി സഞ്ചരിക്കുന്ന സി.സി.ടി.വി ദൃശ്യങ്ങൾ പൊലീസിന് ലഭിച്ചിരുന്നു.

തമിഴ്‌നാട്ടിലെ മയിലാടുതുറൈയിൽ നിന്നുള്ള എം.പിയാണ് സുധ. പ്രഭാത നടത്തത്തിനിടെ, മുഖം മറയ്ക്കുന്ന ഹെൽമെറ്റ് ധരിച്ചെത്തിയ പ്രതി മാല പൊട്ടിച്ചെടുക്കുകയായിരുന്നു. അയാൾ പതുക്കെ ബൈക്ക് ഓടിച്ചിരുന്നതിനാൽ തനിക്ക് സംശയമൊന്നും തോന്നിയില്ല എന്ന് എം.പി പറഞ്ഞു. ഈ മോഷണം നയതന്ത്ര മേഖലയിലെ സുരക്ഷയെക്കുറിച്ച് ചോദ്യങ്ങൾ ഉയർത്തുന്നതായി അവർ പറഞ്ഞു.

സു​ധയുടെ പരാതിയിൽ കേ​സ് ര​ജി​സ്റ്റ​ർ ചെ​യ്ത ഡ​ൽ​ഹി പൊ​ലീ​സ് ഒ​ന്നി​ല​ധി​കം അ​ന്വേ​ഷ​ണ സം​ഘ​ങ്ങ​ളാ​യി തി​രി​ഞ്ഞാണ് അ​ന്വേ​ഷ​ണം ആ​രം​ഭി​ച്ചത്. ചാ​ണ​ക്യ​പു​രി പോ​ലെ അ​തി​സു​ര​ക്ഷ മേ​ഖ​ല​യി​ൽ വെ​ച്ചു​ണ്ടാ​യ അ​തി​ക്ര​മം ഞെ​ട്ടി​ച്ചു​​​വെ​ന്നും ദേ​ശീ​യ ത​ല​സ്ഥാ​ന​ത്തെ അ​തി​സു​ര​ക്ഷ മേ​ഖ​ല​യി​ല്‍ ഒ​രു സ്‌​ത്രീ​ക്ക് സു​ര​ക്ഷി​ത​മാ​യി ന​ട​ക്കാ​നാ​കു​ന്നി​ല്ലെ​ങ്കി​ല്‍ രാ​ജ്യ​ത്ത് മ​റ്റെ​വി​ടെ​യാ​ണ് സാ​ധി​ക്കു​ക​യെ​ന്നും സു​ധ പാ​ർ​ല​മെ​ന്റി​ന് പു​റ​ത്ത് മാ​ധ്യ​മ​പ്ര​വ​ർ​ത്ത​ക​രോ​ട് ചോ​ദി​ച്ചു.

അ​തി​ക്ര​മം ന​ട​ക്കു​​മ്പോ​ൾ നി​ര​വ​ധി പേ​ർ പ​രി​സ​ര​ത്തു​ണ്ടാ​യി​രു​ന്നു. സ​ഹാ​യം അ​ഭ്യ​ർ​ഥി​ച്ചി​ട്ടും ആ​ളു​ക​ൾ നോ​ക്കി​നി​ൽ​ക്കു​ക​യാ​യി​രു​ന്നു. അ​തു​വ​ഴി വ​ന്ന പൊ​ലീ​സ് പ​ട്രോ​ൾ സം​ഘ​ത്തോ​ട് വി​ഷ​യം പ​റ​ഞ്ഞ​പ്പോ​ൾ ചാ​ണ​ക്യ​പു​രി സ്റ്റേ​ഷ​നി​ൽ പ​രാ​തി ന​ൽ​കാ​നാ​ണ് ആ​വ​ശ്യ​പ്പെ​ട്ട​ത്. പെ​ട്ടെ​ന്നു​ള്ള ന​ട​പ​ടി ഉ​ണ്ടാ​യി​ല്ലെന്നും എം.പി ആരോപിച്ചു.