കർണാടക തെരഞ്ഞെടുപ്പ്: രാഹുൽഗാന്ധിക്കും കോൺഗ്രസിനും നിർണായകം

ബം​ഗ​ളൂ​രു: ക​ർ​ണാ​ട​ക നി​യ​മ​സ​ഭ തെ​ര​ഞ്ഞെ​ടു​പ്പ്​ രാ​ഹു​ൽ​ഗാ​ന്ധി​ക്കുംകോൺഗ്രസിനും നി​ർ​ണാ​യ​ക​ം. എം.​പി സ്ഥാ​ന​ത്തു​ നി​ന്ന്​ അ​യോ​ഗ്യ​നാ​ക്ക​പ്പെ​ട്ട രാ​ഹു​ലി​ന്​ രാ​ജ്യ​വ്യാ​പ​ക​മാ​യി വലിയ പി​ന്തു​ണ​യാണ് ലഭിക്കുന്നത്.

അയോഗ്യത ന​ട​പ​ടി​ക്ക്​ ശേ​ഷ​മു​ള്ള ആ​ദ്യ നി​യ​മ​സ​ഭ തെ​ര​ഞ്ഞെ​ടു​പ്പ്​ കൂ​ടി​യാ​ണി​ത്. ജ​യി​ൽ ശി​ക്ഷ​ക്കും ലോ​ക്സ​ഭാം​ഗ​ത്വ​ത്തി​ൽ നി​ന്നു​ള്ള അ​യോ​ഗ്യ​ത​ക്കും വ​ഴി​യൊ​രു​ക്കി​യ പ്ര​സം​ഗം 2019ൽ ​രാ​ഹു​ൽ ന​ട​ത്തി​യ​ത്​ ക​ർ​ണാ​ട​ക​യി​ലെ കോ​ലാ​റി​ലാ​യി​രു​ന്നു. ഇ​തേ കോ​ലാ​റി​ൽ നി​ന്നു​ ത​ന്നെ വ​രു​ന്ന ഏ​പ്രി​ൽ അ​ഞ്ചി​ന്​​ അ​ദ്ദേ​ഹം ത​ന്‍റെ തെ​ര​ഞ്ഞെ​ടു​പ്പ്​ പ്ര​ചാ​ര​ണ​വും തു​ട​ങ്ങും.

ഭാ​ര​ത്​ ജോ​ഡോ യാ​ത്ര ക​ർ​ണാ​ട​ക​യെ ഇ​ള​ക്കി​മ​റി​ച്ചി​രു​ന്നു. രാ​ഷ്ട്രീ​യ പാ​ർ​ട്ടി​യു​ടെ യാ​ത്ര എ​ന്ന​തി​ന​പ്പു​റം രാ​ഹു​ലി​ന്‍റെ വ്യ​ക്​​തി​പ്ര​ഭാ​വം കൂ​ടി​യാ​ണ്​ യാ​ത്ര​ക്ക്​ വ​ൻ​സ്വീ​ക​ര​ണം കി​ട്ടാ​ൻ കാ​ര​ണ​മാ​യ​ത്. അ​യോ​ഗ്യ​ത​യെ​ന്ന പ്ര​തി​സ​ന്ധി​യെ അ​വ​സ​ര​മാ​ക്കാ​നി​രി​ക്കു​ന്ന രാ​ഹു​ലി​ന്‍റെ​യും കോ​ൺ​ഗ്ര​സി​ന്‍റെ​യും ത​ന്ത്ര​ങ്ങ​ൾ വി​ജ​യി​ച്ചോ എ​ന്ന വി​ല​യി​രു​ത്ത​ൽ കൂ​ടി​യാ​കും തെ​ര​ഞ്ഞെ​ടു​പ്പ്​ ഫ​ലം.

ലോ​ക്സ​ഭാ തെ​ര​ഞ്ഞെ​ടു​പ്പി​ൽ പ്ര​തി​പ​ക്ഷ, പ്രാ​ദേ​ശി​ക പാ​ർ​ട്ടി​ക​ളു​ടെ സ​ഖ്യ​മു​ണ്ടാ​ക്കാ​നു​ള്ള കോ​ൺ​ഗ്ര​സ്​ ശ്ര​മ​ങ്ങ​ൾ​ക്ക്​ ക​രു​ത്തു​ണ്ടാ​ക്കാ​നും ക​ന്ന​ട​നാ​ട്ടി​ൽ ജ​യം അ​നി​വാ​ര്യ​മാ​ണ്. ഇ​ല്ലെ​ങ്കി​ൽ ദേ​ശീ​യ രാ​ഷ്ട്രീ​യ​ത്തി​ൽ ക​രു​ത്തു​ചോ​രും. ബി.​ജെ.​പി സ​ർ​ക്കാ​റി​നെ​തി​രെ പു​തു​മ​യാ​ർ​ന്ന പ്ര​ചാ​ര​ണ​മാ​ണ്​ കോ​ൺ​ഗ്ര​സ്​ ന​ട​ത്തു​ന്ന​ത്.

എ​ല്ലാ സ​ർ​ക്കാ​ർ പ്ര​വൃ​ത്തി​ക​ൾ​ക്കും 40 ശ​ത​മാ​നം ക​മീ​ഷ​ൻ വേ​ണ​മെ​ന്ന ക​രാ​റു​കാ​രു​ടെ ആ​രോ​പ​ണം അ​ടി​സ്​​ഥാ​ന​മാ​ക്കി കോ​ൺ​ഗ്ര​സ്​ ന​ട​ത്തി​യ ‘പേ.​സി.​എം കാ​മ്പ​യി​ൻ’ ബി.​ജെ.​പി​യെ വ​ൻ​പ്ര​തി​രോ​ധ​ത്തി​ലാ​ക്കി​യി​രു​ന്നു. ഇ​ത്ത​വ​ണ 9.17 ല​ക്ഷം പു​തു​വോ​ട്ട​ർ​മാ​രാ​ണു​ള്ള​ത്. യു​വ​വോ​ട്ട​ർ​മാ​രെ​യും പു​തു​വോ​ട്ട​ർ​മാ​രെ​യും ആ​ക​ർ​ഷി​ക്കാ​നും ​വോ​ട്ടു​റ​പ്പി​ക്കാ​നു​മാ​യി ‘യു​വ മാ​ത’ എ​ന്ന പേ​രി​ൽ പ്ര​ത്യേ​ക കാ​മ്പ​യി​ൻ യൂ​ത്ത്​​കോ​ൺ​ഗ്ര​സ്​ ന​ട​ത്തു​ന്നു​ണ്ട്.

തൊ​ഴി​ൽ​ര​ഹി​ത​രാ​യ ബി​രു​ദ​ധാ​രി​ക​ൾ​ക്ക്​ ര​ണ്ട്​ വ​ർ​ഷ​ത്തേ​ക്ക്​ മാ​സം 3000 രൂ​പ, ഡി​േ​പ്ലാ​മ​ക്കാ​ർ​ക്ക്​ 1500 രൂ​പ, അ​ഞ്ച്​ വ​ർ​ഷം കൊ​ണ്ട് 10 ല​ക്ഷം പേ​ർ​ക്ക്​ ജോ​ലി, എ​ല്ലാ വീ​ടു​ക​ൾ​ക്കും 200 യൂ​നി​റ്റ്​ സൗ​ജ​ന്യ വൈ​ദ്യു​തി തുടങ്ങിയ വാ​ഗ്ദാ​ന​ങ്ങ​ളാ​ണ്​ കോ​ൺ​ഗ്ര​സ്​ ന​ൽ​കു​ന്ന​ത്.

ജനങ്ങൾക്ക്​ പണമെറിഞ്ഞു, ഡി.കെ. ശിവകുമാറിനെതിരെ കേസ്

ബം​ഗ​ളൂ​രു: തെ​ര​ഞ്ഞെ​ടു​പ്പ്​ പ്ര​ചാ​ര​ണ​ത്തി​നി​ടെ ജ​ന​ങ്ങ​ൾ​ക്കി​ട​യി​ലേ​ക്ക്​ 500 രൂ​പ​യു​ടെ നോ​ട്ടു​ക​ൾ എ​റി​ഞ്ഞ സം​ഭ​വ​ത്തി​ൽ ക​ർ​ണാ​ട​ക കോ​ൺ​ഗ്ര​സ്​ അ​ധ്യ​ക്ഷ​ൻ ഡി.​കെ. ശി​വ​കു​മാ​റി​​നെ​തി​രെ കേ​സ്. മാ​ണ്ഡ്യ​യി​ലെ ബേ​വി​ന​ഹ​ള്ളി ​ഗ്രാ​മ​ത്തി​ലെ ‘പ്ര​ജ ധ്വ​നി യാ​ത്ര’ പ​രി​പാ​ടി​ക്കി​ടെ​യാ​യി​രു​ന്നു സം​ഭ​വം.

എ​ന്നാ​ൽ പാ​ർ​ട്ടി പ്ര​ചാ​ര​ണ​ത്തി​ന്‍റെ ഭാ​ഗ​മാ​യി സാം​സ്കാ​രി​ക പ​രി​പാ​ടി​ക​ൾ ന​ട​ത്തി​യ ക​ലാ​കാ​ര​ന്മാ​ർ​ക്കു​ള്ള പ​ണം ന​ൽ​കു​ക​യാ​ണ്​ ശി​വ​കു​മാ​ർ ചെ​യ്ത​തെ​ന്നാ​ണ്​ കോ​ൺ​ഗ്ര​സി​ന്‍റെ വി​ശ​ദീ​ക​ര​ണം. ശി​വ​കു​മാ​റി​നെ​തി​രെ ന​ട​പ​ടി സ്വീ​ക​രി​ക്ക​ണ​മെ​ന്ന് ആ​വ​ശ്യ​പ്പെ​ട്ട് ബി.​ജെ.​പി​യാ​ണ്​ പ​രാ​തി ന​ൽ​കി​യ​ത്.