കാന്തപുരം ജോർദാൻ രാജാവുമായി​ കൂടിക്കാഴ്​ച നടത്തും

ന്യൂഡൽഹി​: ത്രിദിന സന്ദർശനത്തി​​​​െൻറ ഭാഗമായി ഇന്ത്യയി​െലത്തിയ ജോർദാൻ രാജാവ്​ അബ്​ദുല്ല രണ്ടാമ​നുമായി കാന്തപുരം  അബൂബക്കൾ മുസ്​ലിയാർ കൂട്ടിക്കാഴ്​ച നടത്തും. ഡൽഹിയിലെ വിജ്ഞാൻ ഭവനിൽ ഇന്ന്​ നടക്കുന്ന പരിപാടിയിൽ ‘ഇസ്​ലാമിക പൈതൃകവും സഹവർത്തിത്വത്തി​​​​െൻറ മാതൃകയും​’ എന്ന വിഷയത്തിൽ കാന്തപുരം സംസാരിക്കും. പ്രധാനമന്ത്രി നരേന്ദ്ര മോദിയുമായും കാന്തപുരം കൂടിക്കാഴ്​ച നടത്തിയേക്കും.

ഇന്ത്യയും ജോർദാനും തമ്മിൽ ഗാഢമായ ബന്ധമാണ്​ നിലനിർത്തുന്നത്​. പ്രവാചക കുടുംബത്തിൽ പിറന്ന അബ്​ദുല്ല രാജാവ്​ സമാധാനവും ശാന്തിയും പ്രതിനിധാനം ചെയ്യുന്ന ഇസ്​ലാമി​​​​െൻറ മഹത്തായ സന്ദേശങ്ങൾക്ക്​ വേണ്ടി നിലകൊണ്ടിട്ടുണ്ടെന്നും കാന്തപുരം പറഞ്ഞു. മതത്തെ തെറ്റായി അവതരിപ്പിക്കാനുള്ള ശ്രമങ്ങളെ എതിർക്കുന്നതി​​​​െൻറ ഭാഗമായി ജോർദാനിൽ വർഷം തോറും പണ്ഡിതൻമാരുടെ സമ്മേളനങ്ങളും കൂട്ടായ്​മകളും സംഘടിപ്പിക്കാറുണ്ടെന്നും അതുവഴി ഇസ്​ലാമിക ​നേതൃത്വങ്ങൾക്കിടയിൽ യോജിപ്പി​​​​െൻറ സാഹചര്യങ്ങൾ തുറക്കുമെന്നനും കാന്തപുരം പറഞ്ഞു.

ഇന്ത്യയിലെ ഇസ്​ലാമിക വിശ്വാസികൾ സമാധാനത്തി​​​​െൻറ പാതയിൽ നീങ്ങുന്നവരാണെന്നും ഭീകരതയും തീവ്രവാദവും പ്രചരിപ്പിക്കുന്നവരെ മുസ്​ലിം പണ്ഡിതൻമാരുടെ നേതൃത്വത്തിൽ ഒറ്റപ്പെടുത്തുകയും എതിർക്കുകയും ചെയ്യുന്നുണ്ടെന്നും കാന്തപുരം കൂട്ടിച്ചേർത്തു.