അമേരിക്കക്കു വഴങ്ങുന്നു: ഇറാൻ എണ്ണ കുറക്കാൻ ഇന്ത്യൻ ശ്രമം

ന്യൂഡൽഹി: അമേരിക്കൻ സമ്മര്‍ദ​െത്ത തുടർന്ന്​ ഇറാനില്‍നിന്നുള്ള എണ്ണയുടെ ഇറക്കുമതി നിയന്ത്രിക്കാന്‍ ഇന്ത്യ ഒരുങ്ങുന്നതായി റിപ്പോർട്ട്​.  നവംബര്‍ മുതല്‍ ഇറാൻ എണ്ണ ഇറക്കുമതി അവസാനിപ്പിക്കാനോ വന്‍തോതില്‍ കുറക്കാനോ സംസ്​കരണ ശാലകളോട് പെട്രോളിയം മന്ത്രാലയം ആവശ്യപ്പെട്ടതായി വാർത്ത ഏജൻസി റിപ്പോർട്ട്​ ചെയ്​തു.

ഇറാനുമേല്‍  അമേരിക്ക പ്രഖ്യാപിച്ച ഉപരോധത്തെ പിന്തുണക്കില്ലെന്ന്​ ഇന്ത്യ നേരത്തെ വ്യക്തമാക്കിയിരുന്നു. ഐക്യരാഷ്​​്ട്ര സംഘടനയുടെ ഉപരോധത്തെയാണ് ഇന്ത്യ അംഗീകരിച്ചിരുന്നത്​.  ഇന്ത്യന്‍ എണ്ണക്കമ്പനികള്‍ നല്‍കുന്ന സൂചനപ്രകാരം, അമേരിക്കയുടെ സമ്മര്‍ദത്തെ അതിജീവിക്കാന്‍ ഇന്ത്യ മറ്റുമാര്‍ഗങ്ങൾ തേടേണ്ടി വരും.  ചൈന കഴിഞ്ഞാല്‍ ഇറാനില്‍നിന്ന് കൂടുതല്‍ എണ്ണ വാങ്ങുന്ന രാജ്യം ഇന്ത്യയാണ്​. സംസ്​കരണ ശാലകളുടെ യോഗം വ്യാഴാഴ്ച പെട്രോളിയം മന്ത്രാലയം വിളിച്ചിരുന്നു. സംസ്​കരണ ശാലകളോട് ബദൽ മാര്‍ഗങ്ങള്‍ കണ്ടെത്താന്‍ യോഗത്തില്‍ ആവശ്യപ്പെട്ടിട്ടുണ്ട്. സൗദി അറേബ്യയും കുവൈത്തുമെല്ലാം ഇന്ത്യയുടെ എണ്ണവ്യാപാര കണ്ണിയിലുണ്ട്​. അതുകൊണ്ടുതന്നെ നിയന്ത്രണം വന്നാലും രാജ്യത്ത്​ ഇന്ധനത്തിന്​ ക്ഷാമം നേരിടില്ല.

അതേസമയം, ദേശീയതാൽപര്യം മുൻനിർത്തിയാകും ഇക്കാര്യത്തിൽ ഇന്ത്യ നിലപാടെടുക്കുകയെന്ന്​ പെ​​േ​ട്രാളിയം മന്ത്രി ധർമേന്ദ്ര പ്രധാൻ പ്രതികരിച്ചു. ഏഴുലക്ഷം ബാരൽ എണ്ണയാണ്​ ഇന്ത്യ പ്രതിദിനം ഇറക്കുമതി ചെയ്യുന്നത്​. മേയ്​ മാസത്തെ കണക്കാണിത്​. മ​ുൻ മാസത്തേക്കാൾ 10.2 ശതമാനം കൂടുതലാണിത്​. കഴിഞ്ഞ വർഷം മേയിലേതിനേക്കാൾ 45 ശതമാനം കൂടുതലും.  ഉൽപാദിപ്പിക്കുന്ന ​രാജ്യങ്ങളിൽനിന്നെല്ലാം അസംസ്​കൃത എണ്ണ ഇന്ത്യ വാങ്ങുന്നുണ്ട്​. ബ്രൂണെയുമായും ഇന്ത്യ കരാറിലെത്തിയിട്ടുണ്ട്​. അതിനാൽ അമേരിക്കയുടെ ഭീഷണി ഇന്ത്യയെ ബാധിക്കില്ലെന്ന്​ ​അദ്ദേഹം പറഞ്ഞു.