Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightഇറാനിലും ഇറ്റലിയിലും...

ഇറാനിലും ഇറ്റലിയിലും കുടുങ്ങിയ ഇന്ത്യക്കാരെ നാട്ടിലെത്തിച്ചു

text_fields
bookmark_border
ഇറാനിലും ഇറ്റലിയിലും കുടുങ്ങിയ ഇന്ത്യക്കാരെ നാട്ടിലെത്തിച്ചു
cancel

മിലാൻ: ചൈനക്ക്​ പിന്നാലെ കോവിഡ്​ 19 ഏറ്റവുമധികം ഭീതിവിതച്ച ഇറ്റലിയിലും ഇറാനിലും കുടുങ്ങിയ ഇന്ത്യൻ വിദ്യാർഥി കളെ രാജ്യത്തെത്തിച്ചു. ഇറ്റലിയിൽനിന്ന്​ 220 പേരെയും ഇറാനിൽനിന്ന്​ 211 പേരെയുമാണ്​ രാജ്യത്തെത്തിച്ചത്​.

എയർ ഇന്ത്യയുടെ പ്രത്യേക വിമാനത്തിലാണ് ഇറാനിൽനിന്നും​ 211 ഇന്ത്യൻ വിദ്യാർഥികളെയും മറ്റു ഏഴു ഇന്ത്യക്കാരെയും ഞായറാഴ്​ച രാവിലെ നാട്ടിലെത്തിച്ചത്​. ഇറാനിൽനിന്നും 131 ഇന്ത്യൻ വിദ്യാർഥികളും 103 സഞ്ചാരികളുമാണ്​ രാജ്യത്തെത്തിയതെന്ന്​ വിദേശകാര്യമന്ത്രി എസ്​. ജയ്​ശങ്കർ അറിയിച്ചു.

മഹാമാരി പടർന്നതിനെ തുടർന്ന്​ ഇറ്റലിയിൽ നിന്നും വിമാന സർവിസുകളെല്ലാം നിർത്തിവെച്ചിരിക്കുകയാണ്​​. ലോക​ാരോഗ്യ സംഘടന കോവിഡ്​ 19നെ മഹാമാരിയായി പ്രഖ്യാപിച്ചിരുന്നു. യൂറോപ്പാണ്​ ഇപ്പോഴത്തെ വൈറസിൻെറ പ്രഭവകേന്ദ്ര​െമന്നും അറിയിച്ചിരുന്നു. കൊറോണ വൈറസ്​ ബാധിച്ച്​ 1,441 പേരാണ്​ ഇതുവരെ ഇറ്റലിയിൽ മരിച്ചത്​. ഏകദേശം 21,157 പേർക്ക്​ രോഗം സ്​ഥിരീകരിക്കുകയും ചെയ്​തു.

ഇറ്റലി, ഫ്രാൻസ്​, ജർമനി, സ്​പെയിൻ, ഇസ്രയേൽ, ദക്ഷിണകൊറിയ, ശ്രീലങ്ക എന്നിവിടങ്ങളിലേക്കുള്ള വിമാന സർവിസ്​ ഏപ്രിൽ 30 വരെ എയർ ഇന്ത്യ നിർത്തിവെച്ചിട്ടുണ്ട്​. ചൈന, ജപ്പാൻ, ഇറാൻ എന്നിവിടങ്ങളിൽ കുടുങ്ങിയ നിരവധി ഇന്ത്യക്കാരെ രാജ്യത്ത്​ നേര​ത്തേ തിരികെ എത്തിച്ചിരുന്നു.

Show Full Article
TAGS:covid 19 corona corona virus italy iran india news malayalam news 
News Summary - India Evacuates Students From Italy and Iran In Air India Flight -India news
Next Story